De Villiers book complete but incorrect

al die beskikbare inligting in argiefbewaarplekke in te samel.
Baie nuwe inligting is op hierdie manier bekom. Daar is onder andere
bykomende kinders van die stamvaders opgespoor en ook gevind dat kinders in
sommige gevalle in 'n ander volgorde geplaas behoort te word. Dit het ook vir
latere geslagte gegeld. Persone wat bekend is met die standaardwerke mag dus
vind dat hul genealogiese nommers in hierdie geslagsregister verskil van dié in
daardie bronne.
Met al dié inligting en inligting uit opgaafvorms wat ons aan familielede gestuur
het, was ons in staat om dr. Con se manuskrip, wat tot en met 1976 strek, te
kontroleer, te herskryf en aan te vul tot 1980 en in sommige gevalle selfs verder.
In hierdie proses het dr. Con se unieke taalgebruik ongelukkig in die slag gebly.
Groot vordering is gemaak toe ons op 2 September 1986 ons eerste rekenaar
aangekoop het. Tot op daardie tydstip is alles met die hand geskryf. Die rekenaar
is aangekoop met behulp van skenkings van die De Villiers Huguenot Society in
Bloemfontein en SASKO in die Paarl sowel as uit Museumfondse. Mnr. D. Laidler
van Jonkershoek het baie hulp verleen met die aankoop van die rekenaar en die
opleiding van die personeel in die gebruik daarvan.
Die versameling van die gegewens in hierdie publikasie het 'n aantal jare in
beslag geneem, maar die verwerking en kontrolering daarvan nog veel langer.
Ten spyte van geringe tekortkominge kan ons met alle eerlikheid beweer dat die
De Villiers-geslagsregister een van die omvattendste registers nóg oor 'n
Suid-Afrikaanse familie is. Hiervan is die omvang van die publikasie dan ook 'n
goeie aanduiding.
Ons bedank graag die De Villiers Trust, wat hierdie publikasie moontlik gemaak
het en veral die voorsitter, mnr. D.P. de Villiers. Die voorsitter was nie net die
stukrag agter die publikasie van die geslagsregister nie, maar het die meeste
borge en donateurs gewerf en ook borg gestaan vir enige tekort wat die
Trustfonds moontlik op 31 Desember 1999 sal toon.
Ten slotte wil ons ons dank uitspreek teenoor die volgende persone vir inligting
of ander hulp wat ons van hulle ontvang het. Sommige het belangrike bydraes
gelewer en ander het net deur hul belangstelling ons aangemoedig om deur te
druk en die werk af te handel: Mev. A. Burger, Franschhoek; prof. G. de Kock,
Port Elizabeth; mnr. A. William de Villiers, Mowbray; mnr. Ivan de Villiers,
Somerset-Wes; dr. J.F.K. de Villiers, Bloemfontein; mnr. D. Laidler, Jonkershoek;
dr. R.T.J. Lombard, Pretoria; mnr. J.P. Louw, Franschhoek; dr. H.M. Malan,
Bloemfontein; mnr. Seppie Malherbe, Franschhoek; mev. H. Sheridan,
Franschhoek; mnr. en mev. C.A. Swart, Kaapstad; die personeel van die
Argiefbewaarplek, Kaapstad; die personeel van die NG Kerkargief, Kaapstad,
asook alle De Villiers's wat hul opgaafvorms voltooi het of inligting gestuur het.
Die samestelling van die De Villiers-geslagsregister was vir ons 'n groot, maar
ook genotvolle, uitdaging. Dit het ons in staat gestel om hierdie besondere familie
goed te leer ken. Ons wil vertrou dat die register aan u as leser ook veel genot
sal verskaf.
Juna MALHERBE (geb. Swart)
Alet MALAN
Franschhoek, 1997
'n Siening van die Suid-Afrikaanse de Villiers-Familie
J.C. (Kay) de Villiers
Om drie honderd jaar nadat die Sion 1(1) in Mei 1689 met ons drie stamvaders
hier aangekom het, te bepaal wat hul kenmerkende eienskappe was en watter
invloed hul nageslagte oor hierdie tydperk uitgeoefen het, is bykans onmoontlik.
Op die tydstip toe die broers uit Frankryk moes vlug, het dié land 'n goue eeu