thomas thendrup 64391

Thomas Oscar Ingebrigtsen skjøna at dei to var to personar som hadde vore i Nedre
Dalgate 41 saman med David Aleksander Toska ein gong i siste halvdel av januar månad
2004. Dette samværet vert av Thomas Oscar Ingerigtsen omtala som ”pizzamøtet”. Ut frå
forklaringane til dei fire som var til stades under ”pizzamøtet”, varde samværet om lag ein
times tid.
Thomas Oscar Ingebrigtsen, som ikkje kjende til kven alle i ranslaget var, plukka ut
Thomas Thendrup og Johnny Thendrup på grunnlag av opplysningane han hadde fått frå
Dan Pettersen kort tid etter ranet, kombinert med det han sjølv hadde sett på ”pizzamøtet”.
Fleirtalet legg til grunn at personen som gjekk under kallenamnet ”Apen” var Metkel
Negassie Betew. Vidare var Audun Lystad som gjekk under kallenamnet ”Psyko”, ein av
dei som kom til Nedre Dalgate 41 etter ranet. Denne opplysninga er stadfesta av fleire av
dei involverte. Kjell Alrich Schumann som vart kalla ”Nolife”, opplyste at han var ein av
dei som drog til Nedre Dalgate 41 etter ranet. Fleirtalet legg dette til grunn. Det same gjeld
for Johnny Thendrup som opplyste at også han vart frakta til Nedre Dalgate 41.
Etter fleirtalet sitt syn var Dan Pettersen saman med dei fem frå ranslaget over to økter den
5. april 2004. Ut frå forklaringane frå fleire av dei som hadde vore til stades, var Dan
Pettersen saman med dei fem ranarane over timar før to av ranarane ut på ettermiddagen
eller kvelden 5. april 2004 fór frå huset. Audun Lystad som var svært sjuk, og Johnny
Thendrup som var skadd, vart utover dagen den 5. april 2004 hjelpt opp og lagt i senger i
tredje høgda i huset. Ransutbytet og ransutstyret vart også bore opp og lagt inn på ein hems
ut mot soveromet.
Slik tilhøva var i huset i Nedre Dalgate 41, legg fleirtalet til grunn at Dan Pettersen hadde
rikt høve til å danna seg eit godt bilete av alle dei fem frå ranslaget som oppheld seg i
huset. Etter fleirtalet si vurdering er det ikkje noko som tilseier at Dan Pettersen tok feil då
han peika ut Thomas Thendrup på to bilete av i alt 116 bilete av til saman 113 ulike
personar den 2. mai 2005. Dan Pettersen hadde vore gjennom same biletalbum under
avhøyr 6. april 2005 og visste såleis kven av ranarane som det var bilete av i albumet. Dan
Pettersen gav under avhøyret 2. mai 2005 utfyllande opplysningar om utsjånaden til
Thomas Thendrup knytt opp mot dei to bileta han plukka ut i albumet. Politiførstebetjent
Torbjørn Aasbø forklarte at Dan Pettersen under gjennomlesinga av forklaringa frå 2. mai
2005 var nøye med å kontrollera at biletnummera som stod oppførde i politiforklaringa
samsvarde med nummera i biletalbumet. Fleirtalet tek omsyn til at so vel Dan Pettersen
som dei andre ranarane, måtte ha vore oppkava både på grunn av ranet i seg sjølv,
opplysninga om at ein politimann var drepen og det at dei opplevde det som kritisk for
helsa til to av ranarane. Ut frå det som kom fram av provføringa tyder alt på at Dan
Pettersen handla adekvat under desse tilhøva. Utplukkinga som Dan Pettersen gjorde av
dei fire andre ranarane, byggjer etter fleirtalet sitt syn opp under tiltrua til den utplukkinga
han gjorde av Thomas Thendrup.
- 10 - 06-064391AST-GULA/AVD1