thomas thendrup 64391

Mindretalet legg til liks med fleirtalet til grunn at Dan Pettersen hadde høve til observera
kven dei fem ranarane var over to økter på som til saman gjekk over timar. Sjølv om
utpeikinga kjem tydeleg fram i politiforklaringa 2. mai 2005, har Dan Pettersen i retten
gjeve uttrykk for at han var usikker på om det var Thomas Thendrup han såg blant dei fem
som kom til Nedre Dalgate 41 om morgonen ransdagen. Mindretalet er ut frå det som kom
fram i Dan Pettersen si vitneforklaring for denne lagmannsretten, samanhalde med andre
prov, ikkje overtydde om at Thomas Thendrup var ein av dei fem ranarane. Det er heller
ikkje tekniske spor som knyter Thomas Thendrup til Nedre Dalgate 41. Thomas Oscar
Ingebrigtsen si forklaring byggjer på det han hadde høyrt av Dan Pettersen, og ikkje eigne
observasjonar.
Dan Pettersen si forklaring om at den personen som han seinare plukka ut som Thomas
Thendrup var ein av dei to som drog frå Nedre Dalgate 41 alt ransdagen, framstår som
underleg all den tid bror til Thomas Thendrup låg att hardt skada og det var eit spørsmål
om han kom til å overleva.
Fleire dømde etter NOKAS-ranet har i sine vitneprov sagt at Thomas Thendrup ikkje var
med på ranet. Etter mindretalet sitt syn kan det ikkje leggjast svært stor vekt på desse
forklaringane då dei ikkje kan etterprøvast i høve til det som er avgjerande i denne saka.
Mindretalet peikar på at Thomas Thendrup si forklaring om kva han gjorde ransdagen
ikkje kan etterprøvast. Dette svekkjer truverdet i høve til forklaringa til Thomas Thendrup
på dette punktet. Forklaringa er likevel ikkje så usannsynleg at mindretalet kan sjå bort frå
den.
Etter mindretalet si vurdering er det heller ikkje andre prov i saka som i tilstrekkjeleg grad
er overtyande om at Thomas Thendrup var med på ranet 5. april 2004.
Med tilvising til merknadane frå fleirtalet, jf strpl § 35, første ledd, må Thomas Thendrup
dømast for brot på straffelova 268 andre og tredje ledd, jf 267 første, jf § 60a.
Straffutmålinga
Ved straffutmålinga legg lagmannsretten til grunn at Thomas Thendrup var ein av dei 11
deltakarane i ranslaget på Domkirkeplassen. Ut frå opplysningar om kvar dei andre
ranarane var plassert og kva oppgåver dei hadde under oppmarsjen og gjennomføringa av
ranet, legg lagmannsretten til grunn at Thomas Thendrup var ein av dei sju ranarane som
tok seg inn i NOKAS-lokalet. Han hadde som dei andre ranarane som gjekk inn i NOKASlokalet,
på seg svart kjeldress, stikksikker vest og finlandshette eller balaklava. Det er ikkje
opplysningar i saka som gjev haldepunkt for at Thomas Thendrup var væpna under ranet.
Han var pengeplukkar og hadde oppgåve med å frakta ransutbytet ut i dei ventande bilane.
- 14 - 06-064391AST-GULA/AVD1