No finn du Holmehuset også i tjukkaste byn. Etter mange år ... - Strilen

10
S T R I L E N UTE M E D NY BO K
I fjor etterlet ho heltane
sine i ein vanskeleg situasjon.
No kjem den lokale
forfattaren med løysinga.
Av Anne-Lise Nordpoll
anne-lise@strilen.no
– Eg veit at det er nokon
som har venta på denne
boka, seier Liv Margareth
Alver på Ytre Fosse i Lindås.
Måndag kjem «Ravnebitt» i handel.
Det er andre bok i ein serie på fem.
Her møter du Are (12), Alvhild (6),
Sirona (14) og Bothwar. Dei er heltar
i ei spennande historie. Handlinga går
føre seg på 200 talet e. Kr. På den tid
hadde vikingane enno ikkje reist på
tokt og PlayStation verkar å vera fleire
lysår unna, men Alver evnar å ta tak i
unge lesarar og halda på dei.
Historisk fantasy
– Serien har fått namnet
Slangeringen. Forlaget har kalla det
historisk fantasy eller berre ein historisk
roman, seier Alver.
Ravnebitt vert bok nummer 41
med hennar namn på, sidan debuten i
1982.
– Debutboka mi var ein science fiction-roman
for ungdom, og eg skriv
framleis for born og unge. Samtidig
er denne serien lagt opp slik at han
passar like godt for vaksne, meiner
Alver.
Eigen fanklubb
Den nye boka held fram der den førre
slutta.
– Vert det dramatisk?
– Ja, heilt klart. Eg kan ikkje avsløra
så mykje, men eg kan seia så pass at i
denne boka hamnar heltane i ein
skikkeleg konflikt.
«Slangeringen» har eiga
Facebookgruppe, og meldingane
tyder på at fansen gler seg til meir
lesestoff.
– Eg har laga ein disposisjon for
alle bøkene i serien. Eg har mykje eg
vil ha ned på papiret. Når du først har
skapt eit univers og sleppt karakterane
laus, så har dei ein tendens til å
leva sitt eige liv, seier forfattaren og
ler.
Starta som arkeologioppgåve
Alver sine karakterar lever i ei tid som
folk flest har lite kunnskap om.
– Eg har skrive mange seriar, men
historia bak denne serien er ganske
spesiell. Stoffet som eg brukar, er
nemleg henta frå det som skulle verta
hovudfagsoppgåva mi i arkeologi. Eg
kom aldri så langt at den vart ferdigstilt,
men eg hadde lyst til å bruka
stoffet til noko.
– Så mykje av det ein kan lesa om i
bøkene dine er henta frå det verkelege
liv?
– Ja, personane er oppdikta, men
det dei opplever er realistiske scenario
frå den tida. Våpna dei brukar, maten
dei et og måten dei lever på, er slik
ein meiner at folk har levd den gongen.
Noko av det dei gjer, har eg også
prøvd ut sjølv.
– Spennande. Fortel!
– Jau, eg er mellom anna engasjert
i vikinglandsbyen i Gudvangen. Dei
som er med der lagar gjerne sine
eigne klede, på same måte som
vikingane gjorde. Eg trur det er positivt
for lesargleda at den som har
skrive bøkene faktisk har brei kunnskap
om dette.
Fleire har prøvelese
Tilbakemeldingane tyder på at Alver
har lukkast.
– Når eg har skrive eit nytt manus,
allierer eg meg med nokon rundt meg
og rekrutterer dei som prøvelesarar.
Det gjer eg for å få ei tilbakemelding
på korleis historiene mine fungerer.
Eg har både vaksne og born som prøvelesarar.
For nokon unge har ei av
mine bøker vore den første heile boka
dei har lese, og det er stort når ein
klarer å vekkja leselysta hjå unge
menneske.
– Er det vanskeleg å få dei same
bøkene til å appellera til vaksne?
– Nei, eigentleg ikkje. Oppskrifta er
mykje den same, men for vaksne lesarar
er gjerne det historiske universet
vel så interessant som sjølve karakterane
og det som skjer med dei.
Historisk litteratur fengjer mange. Eg
trur at bøkene mine når eit breitt
publikum. Dette er ei bok som passar
like godt i bokhylla i stova som på
barnerommet, seier Alver, og fortel
om ein tilbakemelding som varma
spesielt godt.
– Ei vaksen kvinne som fekk prøvelesa,
sa til meg at å opna boka var
som å gå inn eit univers og lukka
døra bak seg. Det synest eg er det
beste skussmål ein forfattar kan få. Då
har ein lukkast i å skapa ei verd som
lesaren fullt og heilt kan gå inn i. Det
gleder meg stort, seier Alver, som er
T O R S D A G 2 3 . S E P T E M B E R
Heltar i historisk univers
SPENNANDE SERIE: Måndag kjem Liv Margareth Alver med bok nummer to i serien Slangeringen.
Feirar 25 år
som forfattar
Av Gunn Berit Wiik Berg
gunn.berit@strilen.no
Også austrheimingen Odd W. Surén (49)
har servert lesarane ei ny bok denne
hausten. I august kom han ut med romanen
«For hva det er verdt» i sitt 25. år
som forfattar. Med ein del år på baken,
har Surén funne fram til sin eigen underfundige
skrivestil ispedd ein god del svart
humor. Og han elskar å skriva om folk
som ikkje lever eit heilt A4-liv.
Surén er mest kjent for bøkene sine
om ungkaren og eremitten Tommy
Kristoffersen, som ikkje har den heilt
store sosiale intelligensen. I 2007 samla
han dei tre Tommy Kristoffersen-romanane
i ei feit bok på nesten 800 sider. I
2002 vart han tildelt Mads Wiel Nygaards
legat for sitt samla forfattarskap. Surén
debuterte i 1985 med novellesamlinga
«Fanger og opprørere».
kome godt i
gang med
neste bok.
Planen er å gje
ut ei bok i året,
dei neste tre
åra.
NY: Den nye
boka har fått tittelen
Ravnebitt