No finn du Holmehuset også i tjukkaste byn. Etter mange år ... - Strilen

2
S T R I L E N E KSTR E M F O RVAN D LI N G
Slit du med gamle furumøblar
som har vore ute
i hardt vêr? Eg gjer. Eller
gjorde. Her får du første
og siste del av «Linda
gjer ting ho ikkje kan».
Av Linda E. Eide
linda@strilen.no
FØR…
Furu meg her og furu meg
der. Bokhylle, skjenk og
kommode. Alt i syrebeisa
furumateriale, kledd i støv og rot.
Jammen kjipt å drassa med seg inn i
nyinnkjøpt, stilig leilegheit, tenkte eg,
medan vegringa for meir pakking og
rydding auka på, og lysta til å gjera
noko anna likeså.
Feil nummer éin
Dermed bestemte eg meg for å hiva
meg på beisebølgja. Det let seg nemleg
gjera å trylla fram eit nytt, personleg
møbel på null niks. Med nokre
strøk maling og litt dekor kan eit
furumøbel verta nytt og fancy. Det er
lett å la seg lokka. Fargehandelen låg
lagleg til på veg heim frå butikken. Eg
svippa innom.
– Eg har furumøblar, sa eg.
– Ja, kva farge vil du ha dei i? spør
mannen.
– Lysare, sa eg.
Svisj, svosj, og eg gjekk ut att med
alt eg følte eg trengte i ein pose, berre
238 kroner fattigare. Det er jo ingenting
for eit heilt nytt møbel.
Her gjorde eg første feilen, og eg ber
deg læra av det. Kjøp White Spirit.
Sjølv om du trur at du er så flink og
ikkje kjem til å søla, kjøp White Spirit.
Så noko riktig
Det første eg gjorde då eg kom heim,
var å pakka alt innhaldet i bokhylla
ned i ein av dei mange pappkassane
eg eigentleg prøvde å vri meg unna å
få pakka. To fluger i ein smekk. Så
henta eg fram salmiakken, hanskar, ei
vaskebøtte og ein kartong frå Peppes
Pizza. Kartongen tømte eg for pizzarestar,
litt i magen, litt i bosset, og så
bretta eg han ut og løfta bokhylla
oppå. Slik kunne eg etter endt oppdrag
nemleg flytta rundt på bokhylla
utan å ta i ho og verta full av maling.
Berre dra i pappen, og hylla flyttar
seg. Genialt, spør du meg. Denne
oppfinninga har eg funne på heilt
sjølv, og eg er ganske stolt av ho.
Deretter strør du rundt litt avispa-
Frå furet værbitt
til fancy og kvitt
…OG ETTER: Ekstrem forandring. Det kosta lite pengar, gjekk kjapt og vart flott. Men lukta
sit i, så husk tjukkelestar, for du vert nøydd å lufta godt.
pir. Eg brukte kvalitetsavisa Strilen, ei
utgåve frå juni. Den gjorde jobben
godt. Vask så møbelet, og la det tørka.
Du kan sjå tv i mellomtida, eventuelt
kvila middag.
FØRST: Vask med salmiakkvatn. Det luktar,
så tøm det ut med ein gong du er ferdig.
Feil nummer to
Det neste eg gjorde var ikkje fullt så
genialt som det med pappen. Eg rista
boksen med beis godt før eg opna
han, og så rørte eg rundt. Det var
DERETTER: Mal og vert lukkelig av kor flott
det vert.
T O R S D A G 2 3 . S E P T E M B E R
gjort i beste meining av ei som har
null peiling på oljebeis og kva omsorg
han treng for å oppføra seg fint. Først
då eg kom til botn i boksen og mot
slutten av hylla, såg eg at det ikkje er
nok å berre røra rundt. Ein må røra
fram og tilbake, opp og ned og i
mente. Utan vert alt unntatt dei to
siste flatene skjoldete og stygt. Det
finn du først ut dagen etterpå. Men
no veit du det. Eg ofra bokhylla mi
for saka. Eg må nok ta eit strøk til.
Feil nummer tre
Det neste du skal gjera, er altså å røra
særdeles godt. Vidare kan du ta fram
malarkosten. Viss du ikkje er like gniten
og uerfaren som meg, kjøper du
to kostar. Éin liten som kjem til i
hjørna, og éin stor slik at det går
kjappare å mala flatene. Svisj, svosj, eg
fekk malt alt med min eine pensel,
nesten. I følgje butikkmannen skulle
den vetle boksen innehalda rundt ti
kvadratmeter med nytt møbel.
Etterkvart som side etter side og bord
etter bord vart lyst, innsåg eg at boksen
kom til å verta tom før hylla vart
kvit.
Feil nummer fire
Det heile, eller så langt som malinga
rakk, vart utført i løpet av tippekampen
laurdag. Eit siste tips, still deg
ikkje føre fjernsynet. Og ha klar tjukke
sokkar, pledd og ullklede. Ein må
nemleg lida for skjønnheita, og
skjønnheita av eit møbel luktar ille i
nokre døger, og kanskje meir.
Dessutan, ver obs på at fornyingsaktiviteten
kan føra til stive musklar.
Lukke til med malinga!
■ Du treng:
• Salmiakk
• Papp og aviser
• Oljebeis – antikk kvit
• Pensel
• Tom isboks
• White spirit
• Tjukkelestar
• Ullklede
UNDERVEGS: Bruk ei kvalitetsavis, som
Strilen, til å skjerma golvet for flekkar.