No finn du Holmehuset også i tjukkaste byn. Etter mange år ... - Strilen

4
S T R I L E N
Heimekos
i sentrum
Adelin Olsen hadde
ingen planar om å opna
endå ein butikk, men så
fekk ho eit tilbod ho ikkje
klarte å seia nei til.
Av Anne-Lise Nordpoll
anne-lise@strilen.no
– På Frekhaug har me
mykje blomar og litt interiør.
I sentrum vert det mykje interiør
og litt blomar, seier Adelin.
1. august opna ho butikk i
Christian Michelsensgate i Bergen. No
har bladfykane i BA fått utsikt til
Holmehuset. Og der er det mykje å
sjå på.
Puter og elefantar
– Det går mest av puter, pledd og
koppar. Det sel alltid bra, fortel
Adelin.
Ho har hatt sansen for interiør så
lenge ho kan hugsa. Plassen i nyebutikken
er godt utnytta.
– Det har jo vore in med ein minimalistisk
stil ei stund no. Eg har aldri
vore heilt på den. Stilmessig ligg nok
interiøret her nærmare shabby chik
utan at det er heil der. Eg likar ein
romantisk stil, men med litt reinare
linjer, dersom det gjer noko meinig,
seier Adelin.
– Er den minimalistiske stilen på
retur?
– Ja litt. Eg trur nok at ein del vil
ha meir heimekos no, seier Adelin,
som har både kvit korgstol med pledd
og rosa haustlyng på fortauet utanfor
butikken sin. På ein benk innom døra
står raude elefantar på rekkje og på
veggane heng hyller med koppar,
eggeglas, skåler og anna moro som
pyntar opp.
På niande året
– Eg hadde eigentleg ingen planar om
å opna butikk i byn, men eg kjenner
ho som har butikken ved sidan av og
fekk tilbod om desse lokala. Eg klarte
ikkje å seia nei, seier Adelin.
Ho har drive butikk i Meland i ni
år. Det heile starta sjølvsagt i huset
som gav namnet til butikken.
– Butikken starta i Holmehuset. Eg
likte namnet og tok det med meg til
Frekhaug. Og det måtte sjølvsagt vera
med til byn også.
Adelin trur det skal gå fint å driva
to butikkar samtidig.
Plukka varer i Danmark
Butikkeigaren bur sjølv i Meland,
men satsar på å jobba mest i byn i
tida framover.
– Eg kjem i alle fall til å vera her
mykje i starten for å få ting på gli, så får
me sjå. Eg har også ei med meg som
skal stå i butikken her. Me er til saman
fire som jobbar i Holmehuset no.
– Og bergensarane har tatt godt i
mot deg?
– Ja, eg har fått veldig mange gode
tilbakemeldingar. Folk som kjem
innom, skryter mykje og seier at dei
er glade for at det er kome ein slik
butikk her, seier Olsen.
Ho har elles sjølv vore heime hjå
Tine K i Danmark og plukka ut ting
ho skal selja i butikkane sine.
Fleire som satsar
Adelin har trua på at ho skal klara å
kapra kundar i sentrum.
– Det er ikkje andre interiørbutikkar
i nabolaget, og eg trur det passa
godt med ein slik butikk her.
– Er det forskjell på å driva butikk i
byn og på Frekhaug?
– Ja, du må passa mykje betre på
ting når du er i byn. Butikkane her
har eige alarmar som du kan løysa ut
om du opplever ubehagelege ting,
men kundane er stort sett like trive -
lege her som heime. Adelin er ikkje
åleine om å ta steget frå strilelandet til
byn med butikken sin.
– Mange har nok fått med seg at
Farmors hus har butikk i byn, og me
byrjar å verta ein fin gjeng kvinner frå
Nordhordland som driv butikkar her.
Det er flott at folk vågar å satsa, meiner
Adelin.
HOLMEHUSET: Adelin Olsen starta butikken
sin i Holmehuset og likte namnet så
godt at ho tok det med då butikken flytta til
Frekhaug Senter. No har ho opna butikk
nummer to.
MYKJE Å KIKKA PÅ:
Butikklokala er ikkje store,
men dei er godt utnytta.