No finn du Holmehuset også i tjukkaste byn. Etter mange år ... - Strilen

Recommendations

Info

38 S T R I L E N F RÅ S KO G E N TI L G RY TA T O R S D A G 2 3 . S E P T E M B E R Smaken av norsk natur REINSDYRHAKK MED POTETLOK: Foto: Kim Holthe, Opplysningskontoret for egg og kjøtt. Hjorteviltet lever utrygt. Over 90.000 jegerar får vonleg med seg heim råvarer som kan bli til gode opplevingar rundt matbordet. Av NYNORSK PRESSEKONTOR v/Kari Hamre Hausten byr på eit festmåltid av råvarer frå naturen – frukt, bær, sopp og viltkjøt. Det blir opp til deg å skape dei rette kombinasjonane. Stor hobby Under jakta i fjor vart det felt i underkant av 37.700 hjort, 36.000 elg og 5.100 villrein. I tillegg vart det slakta nesten 100.000 tamrein. Det er ikkje utenkeleg at årets sesong blir minst like bra. Nordmenn er iallfall blant dei ivrigaste i Europa til å gå på jakt. Berre Irland, Kypros og Finland har fleire jegerar i høve til folketalet. Så mange som 143.100 personar gjekk på jakt førre jaktsesong, går det fram av tal frå SSB. Av desse var det 90.800 som jakta på hjortevilt, det vil seie hjort, elg, villrein eller rådyr. Eksklusiv råvare Viltkjøt er meir pikant i smaken enn kjøt frå «tamme» dyr, og kvart dyr har sin smaksmessige eigenart. Viltkjøt vert med rette oppfatta som litt eksklusivt. – Viltkjøt er ei fantastisk råvare, magert og smakfullt. Til og med jegerane synest det er litt eksklusivt – det kostar trass alt litt å gå på jakt, seier Brith Bakken til Nynorsk pressekontor. Ho er éin av dei fremste viltkokkane her i landet, og er sjølv både jeger og fiskar. Nyleg kom ho ut med ei revidert utgåve av viltkokeboka si «Vilt og velsmakende». Her finn du eit vell av oppskrifter med all slags viltkjøt, – frå hare og rådyr til bever og bjørn – og fisk, sopp, bær og urter. Elgen er det viltet som flest jaktar på, så følgjer rådyrjakt, hjortejakt og villreinjakt. Ei resultatrik jakt er utgangspunktet for spennande opplevingar ved kjøkkenbenken, og glede og nyting rundt matbordet. Meir fokus på maten Sjølv om matskikkane her i landet har endra seg mykje dei siste tiåra, er Brith Bakken oppteken av at det norske kjøkkenet er ein del av arven vår. Ein arv basert på råvarer som naturen rundt oss har skapt. – Jakt er ein viktig del av viltpleia, og dagens jegerar er opplyste menn og kvinner som ønskjer å ta vare på dei rikdommane vi forvaltar i skog og mark. Eg trur dei fleste jaktar for å ta vare på maten, ikkje for å samle trofé. Vi er blitt flinkare til å lage rettar av vilt. Dessutan har fleire jenter byrja å gå på jakt og dermed har matlaging fått eit anna fokus, meiner Bakken. Det kan vere mange munnar å mette i eit jaktlag. Mange er opptekne av å dele kjøtet likt mellom seg. Då kan det lett bli mange om beinet – eller aller helst indrefileten. Resultatet blir at skrotten blir delt opp på ein måte som i mange tilfelle øydelegg dei beste kjøtstykka. Bakken har halde mange foredrag om temaet. – Det er mykje frustrasjon over dette. Mange tek seg ikkje tid til å dele opp skikkeleg. Det er trist. Jaktlaget burde bli einige om at alle skal få gode bitar, i staden for at det blir litt av alt. Mitt inntrykk er heldigvis at yngre jegerar ser verdien av kjøtet og er meir opptekne av dette enn før. Vilt over disk Det er slett ikkje alle som har ein jeger i familien eller vennekrinsen, som det er mogleg å få eller kjøpe viltkjøt av. For mange er det utvalet i daglegvareforretninga som avgjer kva for viltrett som kjem på middagsbordet. – Som forbrukar skal det vere mogleg å finne kjøt av elg og tamrein i fersk- eller frysediskane i ein del butikkar. Det er også mogleg å kjøpe kjøt av elg og hjort hos enkelte gardsutsal, seier Oda Christensen hos Opplysningskontoret for egg og kjøtt. Det er først og fremst reinskjøt som er å få tak i over heile landet. Spesialiserte kjøtforretningar kan ofte hjelpe til viss du er ute etter anna viltkjøt. Og på internett kan du finne fleire som driv med sal av viltkjøt. Uansett om du jaktar sjølv eller vil kjøpe råvarene – det er fullt mogleg å overraske med dei lekraste viltrettar. Oppskrifter er det mange av, og det går fint an å bruke hjort eller rein i ei elgoppskrift og omvendt.
T O R S D A G 2 3 . S E P T E M B E R F RÅ S KO G E N TI L G RY TA S T R I L E N 39 til middag KANTARELL i bøtter og spann. I eit viltmåltid er sopp ei utmerkt råvare. Foto: Kari Hamre, Nynorsk pressekontor. Reinsdyrhakk med potetlokk 4 porsjonar 400 gram reinsdyrhakk (kverna reinsdyrkjøt) 2 ss margarin til steiking 1 stk raud paprika 1 stk løk 1 stk grøn squash 2 desiliter kjøtkraft eller buljong 1 beger kremost med urter 1 ts salt ½ ts pepar 8 stk potet 1 desiliter riven kvitost 2 ts tørka urter Fres reinsdyrhakk i varm panne. Tilsett finhakka løk, paprika og squash. Hell over kraft/buljong og tilsett kremosten. La osten smelte og rør slik at alt blir godt blanda. Smak til med salt og pepar. Hell alt over i ei eldfast form. Skrell og del potetene i skiver. Legg potetene over reinsdyrhakket, slik at det dekkjer alt. Dryss over kvitost og krydderurter. Steik på 175° C cirka/sirka 20 minutt til potetene er møyre og osten er gylden. Server med godt brød. Retten kan også lagast med lokk av potetmos. (©NPK) God, gammaldags elgsteik 4 porsjonar Cirka 800 gram beinfri, oppbunden elgsteik 2 ss smør 1 gulrot 1/4 purre 1 løk 1/2 rotselleri 6–8 knuste einebær salt og pepar elgkraft etter behov «Svi av» steika i bruna smør i ei steikjepanne, slik at ho får ei god steikjeskorpe rundt det heile. Legg steika over i ei smurt, eldfast form. Fres dei oppkutta grønsakene i steikjepanna og legg dei rundt steika i forma. Strø knuste einebær over og hell ved litt elgkraft. Steik ved 160 grader til steikjetermometeret viser 65 grader. Då har steika fått rosa farge. Hugs å ause litt steikjesky over steika medan ho ligg i steikjeomnen, eller tilsett litt kraft. Steikjesjya er eit godt grunnlag for saus. Ta steika ut av omnen og krydre med salt og pepar. La steika kvile i cirka/sirka 20 minutt før ho vert skoren opp. Då vil kjøtet halde på krafta. Serveringstips: Mandelpoteter, kokt rosenkål, gulrøter og blomkål, ein kraftig viltsaus og nyrørte tyttebær. BRITHS BESTE HJORTEFILET: Foto: Per Alfsen, frå boka «Vilt og velsmakende». Briths beste hjortefilet 4 porsjonar 650–750 gram hjortefilet 1 stor løk 1/4 desiliter akevitt 1 ts korianderfrø 125 gram hakka hasselnøtter 1 desiliter kremfløyte 3 desiliter viltkraft eller god buljong 100 gram smør salt og pepar 200 gram blanda skogsopp Skrell og grovhakk løken. Kok halvparten av han i akevitt til ein tjukk kompott. Tilsett knuste korianderfrø, nøttehakk, kremfløyte og kraft. La sausen få koke i cirka/sirka 5 minutt. Visp inn mesteparten av smøret og smak til med salt og pepar. Skjer fileten i fire fine biffar. Brun biffane lett i smør i steikjepanna. Dryss litt salt og kvern pepar over. Legg biffane på ei steikjeplate. Steik reinsa sopp saman med resten av løken. Sett steikjeomnen på 225 °C og la biffane steikje i 8–10 minutt. La dei få nokre minutts kvile etter at dei er tekne ut av omnen, slik at kjøtsafta får fordelt seg i heile biffen. VESTLANDSFAVORITTEN: På Vestlandet jaktar dei fleste jegerane på hjort. Foto: Kari Hamre, Nynorsk pressekontor ■ FAKTA Hjortevilt: • Elg har mørkt kjøt med grove muskelfiber. Det har ein mild viltsmak som i matrettar kan forsterkast ved bruk av blant anna einebær. Elgen et bork av lauvtre, spesielt osp, og likar elles furu, selje og ulike urter. • Hjort er meir fintrevla i kjøtet enn elg, men grovare enn rådyr. Kjøtet er litt feitare i konsistensen, med ein mild, delikat viltsmak. Sommarens mat er gras, lauv, sopp, bær og smaksrike urter. Om vinteren står kvistar, bork frå lauvtre, lyng og reinlav på menyen. • Rein har den mest utprega viltsmaken. Kjøtet er mørkt og fintrevla. Kjøtet er magert og kalorifattig, men protein- og vitaminrikt. Reinen lever av knoppar, gras og blad om sommaren, og i stor grad av reinlav om vinteren. • Rådyr har møyrt og fintrevla kjøt med ein mild, fin smak. Dette kjem av at rådyret hovudsakleg et blad og knoppar, og beitar i barskog og i nærleiken av dyrka mark. Det et også urter, bær, frukt, sopp, lav, gras og kvistar. (Kjelde: Vilt og velsmakende) ELG: 35.-40.000 elg vil nok måtte bøte med livet under jakta i haust. Foto: Reidar Kittilsen, frå boka «Vilt og velsmakende».
Page 1 and 2: Ny dame i byn No finn du Holmehuset
Page 3 and 4: Nyhet fra Jotun! Nyheten Lady Pure
Page 5 and 6: illustrasjonsbilde Haustsalg: Buske
Page 7 and 8: Vi feirer fødselsdag Hesthaugveien
Page 9 and 10: T O R S D A G 2 3 . S E P T E M B E
Page 11 and 12: VÅRE SAMARBEIDSPARTNERE: ALT I RØ
Page 13 and 14: Mye mer fi nner du på peugeot.no N
Page 15 and 16: Fosnøy Bilsenter Tlf: 56 16 75 50
Page 17 and 18: Butikk: Knarvikgården, 5914 Isdals
Page 19 and 20: skal ikkje konkurrera mot kvarandre
Page 21 and 22: TORSDAG 23. SEPTEMBER 2010 STRILEN
Page 23 and 24: Vi V i tar imot nye pasienter og yt
Page 25 and 26: • atmosfære • høststemning
Page 27 and 28: SPRÅKMEKTIG TOLK: - Utfordringa er
Page 29 and 30: Besøk oss på messen i Arenum 1.-3
Page 31 and 32: T O R S D A G 2 3 . S E P T E M B E
Page 33 and 34: Jæger Sentrum - BMW forhandleren i
Page 35 and 36: Leo Xpress BMW PREMIUM SELECTION. G
Page 37: STUDIO STUDIO O NOR tilbyr tilby y

No finn du Holmehuset også i tjukkaste byn. Etter mange år ... - Strilen

Create successful ePaper yourself

Delete template?

Save as template?