No finn du Holmehuset også i tjukkaste byn. Etter mange år ... - Strilen

Recommendations

Info

8 S T R I L E N LO KAL BO K D E B UTANT Frå rollespel til drøymeland Hovudpersonen Koll drøymer om å verta krigar. Forfattaren Asbjørn drøymer om å leva av å skriva. Av Linda E. Eide linda@strilen.no Asbjørn Rydland er ein av debutantane på forlaget Samlaget i haust. Han debuterer med boka «Drakeguten», som er den første i ein serie på fem. I dag signerer han bøker i Knarvik, og Strilen har snakka med han om vegen frå draumar til forfattar. – Når kan du eigentleg kalla deg forfattar? Må det meir enn éi bok til? – Hehe, eg veit ikkje. Men då eg fekk kontrakten og det stod Asbjørn Rydland, heretter kalla forfattaren, kjende eg meg som ein forfattar. Godorda haglar Debutboka til Asbjørn Rydland er anbefalt av mellom anna Bjarte Bakken, prosjektleiar i Ungdommens Kritikerpris og U-prisen i Foreningen Les. Ho er også plukka ut til å vera med i leselystaksjonen for ungdom, og valt ut til hovudbok i barnebokklubben Blåmann barnebokklubb. – Tilbakemeldingane på første boka har jo vore svært gode. Kva forventningar hadde du i forkant av utgjevinga? – Eg veit jo med meg sjølv at eg er veldig kritisk til det eg lagar. Viss eg ikkje hadde høyrd noko negativt tilbake, ville eg tenkt at noko var feil. Eg er glad for å lesa grundige og positive kommentarar. – Men korleis trur du marknaden for fantasy på nynorsk er? – Det er eg veldig spent på å sjå. Det finst jo ikkje så mange andre som skriv fantasy på nynorsk. Debut med fem i slengen Rydland gir ut bok no, rett og slett fordi han har lyst. Tidlegare har han berre skrive små tekstar som aldri har vore gitt ut. Han har hatt lyst til å skriva sidan vidaregåande. – Kor lenge har du arbeidd med «Drakeguten»? – Rundt halvtanna år. For min del har det vore ein langsam prosess med å utbrodera ein grundig idé og bestemma miljø, karakterar, historieutviklinga og meir, og ta det ned bit for bit. Eg har jobba mykje med universet boka er sett i og med historia og forteljeteknikkar. – Det skal til slutt verta fem bøker om drakeguten. Kor langt er du komen med desse? – Eg har klart for meg kvar bøkene skal byrja og slutta, og har handlingsløpet i dei to neste bøkene relativt klart. Og eg har byrja å skriva bok nummer to. – Korleis er det som debutant å få avtale om fem bøker i slengen? – Det er veldig flott. Nye perspektiv i oppdikta verd Inspirasjon til å dikta opp ei heil verd rundt hovudpersonen Koll, har forfattaren mellom anna funne i rollespel. – Du har drive mykje med rollespel. Kan du fortelja lesarane våre litt om kva rollespel eigentleg er? – Forma me snakkar her er levande rollespel med kostymer og fysisk innleving i det som går føre seg. Det kan vera science-fiction, historisk tid eller notid. Her snakkar me fantasy, sett i ei mellomalderverd. Ein etablerer kulturar og miljø som ein forsøker å leva seg inn i. Du lagar deg eigne mål, meiningar og konfliktar. Folk får ulike ting ut av det, men det er ei veldig fin form for flukt frå verkelegheita, og ein måte å få nye perspektiv. Å leva av å skriva I boka drøymer stallguten Koll om å verta stor krigar og å kunne gjera som han vil. – Kva drøymer forfattaren Asbjørn om? – Det eine eg drøymde om har jo nett skjedd. Det er berre eit spørsmål om å få det til å verta større. Berre å få gitt ut ei bok kan eg leva på lenge. Men om eg ein dag kan leva av å skriva bøker, då skal eg ikkje klaga på mykje. – Har du vore inne i bokhandlarar og sett etter verket ditt? – Eg måtte jo det. Det er ikkje den store opplevinga no lenger, men det var kjekt å sjå. – Og etternamnet ditt Rydland, det gjev vel boka di finfint selskap i hyllene? – Ja, eg såg det eg også. Der står ho, ved sida av Harry Potter. (av J. K. Rowling, journ. anm.) Kjem til Knarvik i dag I helga som var, deltok Asbjørn Rydland på Oslo bokfestival med opplesing frå boka, og hadde med seg sverdkjemparar og fektarar. Å lansera bok inneber ein del promotering. T O R S D A G 2 3 . S E P T E M B E R ■ ASBJØRN RYDLAND • Fødd: 1976 • Frå: Seim. Bur i Oslo. • Bakgrunn: Har femten års erfaring frå rollespel, og inspirasjon til boka om Koll og verda han lever i har han funne gjennom samlingar med andre rollespel-entusiastar. Arbeider som miljøarbeidar i psykiatrien. • Debutbok: Drakeguten • Sjanger: Fantasy, for born og ungdom, og dei som elles likar fantasy på nynorsk. • Om boka: Om stallguten Koll som vil verta krigar, men som er usikker på kven han skal stola på undervegs mot målet. Og kan han velja den gode sida, etter å ha vore med på vondskap? Boka er den første i ein serie på fem. Utgitt på Samlaget. BOKMELDINGAR • «Rydland gjør to løfterike ting i sitt debutarbeid som har noe å fare med. For det første fremviser han en sterk litterær evne; mannen kan skrive. For det andre klarer han å gi det poetiske språket en relevans for oss som leser her og nå.» Marius Fossøy Mohaugen, www.barnebokkritikk.no • «Drakeguten er rett og slett en feiende flott fantasybok.» Bjørn Veen, Gjesdal folkebibliotek, på www.ungdomsboka.blogspot.com • «Riktig god og original fantasy av norsk debutant.» Mari Nordø Pettersen, bibliotekar, på www.bokelskere.no • «Ei storslått og spennande fantasyforteljing. Nesten fire hundre sider med magisk forteljarglede og høg litterær kvalitet. Spennande og velskriven.» Blåmann barnebokklubb – Korleis vert bokhausten din? – Eg skal til bokhandelen i Knarvik torsdag 23. september, og til Bergen i oktober. Men eg får litt tid til å skriva innimellom. – Lesa får du kanskje også tid til? – Eg les mykje engelsk, og det er science-fiction og fantasy det går i. No tenkjer eg at eg også må gjera meg kjend med norske forfattarar. – Kan du anbefala noko til lesarane våre? – Dei som likar «Drakeguten», likar gjerne også ei gammal fantasy-bok som heiter «Trollmannen fra Jordsjø» av Ursula K. Le Guin. Det var den første fantasyboka eg las, og den er framleis veldig spennande.
T O R S D A G 2 3 . S E P T E M B E R LO KAL BO K D E B UTANT S T R I L E N 9 Munter lesing om alvor Den utflytte lindåsingen har skrive om ei lystig ferd mot undergangen, men for den ferske forfattaren går det berre oppover. Av Linda E. Eide linda@strilen.no Etter refusjon på refusjon har Atle Berge (24) frå Hjelmtveit i Lindås endeleg fått gje ut bok. «Muntergang» skaffar han gode kritikkar og utsikter til ei karriere som forfattar. – Gratulerer. Korleis kjennes det? – Åh, deilig, seier Atle Berge, som har ein travel haust føre seg, med fleire signeringar, først i Knarvik i dag. Refusert som fjortenåring Berge er ikkje sikker på om han kan kalla seg forfattar enno. – Ein skal helst ha skrive to bøker for å kalla seg forfattar, trur eg. Atle Berge har skrive langt fleire enn to bøker, han har berre blitt refusert alle dei andre gangane. – Eg har alltid skrive, laga film og likt å uttrykka meg. Eg har sendt inn til forlag sidan eg var fjorten. Fjortenåringen sin tekst vart refusert, det same med fleire andre tekstar han har sendt inn. Medan mange skrivelystne vel å gå på skriveskule, har Atle brukt tilbakemeldingane frå forlaga som gode råd på vegen mot å verta antatt. Då han endeleg lukkast, var det i ein konkurranse hjå Samlaget. – Eg sende inn 25 sider og vart plukka ut til å vera med på eit seminar der ein fekk beskjed om kva ein måtte gjera for å utvikla vidare til eit fullt manus. Manus vart det, og i fjor haust vart boka antatt. Etter nokre månader med språkvask og flikking frå forlaget, trykking og venting, var boka klar no i haust. – Bokomslaget er veldig stilig. Korleis vart det til? – Eg sa at eg kunne tenka meg at det vart i same stilen som teikningane Lars Fiske lagar. «Kan me ikkje berre spørja han om å laga det då?» sa forlaget. Og slik vart det. – Har han lest boka? – Eg veit ikkje. Eg har berre sendt han ein epost og takka. – Har du lest boka sjølv? – Nei, ikkje frå perm til perm. Kanskje eg gjer det seinare. Underteikna har lest boka frå perm til perm på under eit døger, og kan godt henga seg på dei som har gitt boka gode kritikkar. Dei gode orda er forfattaren svært glad for. – Det begynte veldig dårlig med totalslakt i Fedrelandsvennen. Det var omtrent det verste han hadde lest. Det største sjokket var den store forskjellen på korleis me les boka, verkelegheitsforståinga vår er heilt ulik. Tysk poet var først Etter den dårlege starten har det teke seg godt opp med gode ord for «Muntergang». – Er tittelen eit nyord du har komme på sjølv? – Det har me komme på sjølv, ja. Men eg fann ut at det er faktisk ei bok som heiter det frå før. Det er ein tyskar som har skrive noko poesi på 1930-talet, men ordet har nok ikkje same tydinga. – Kva tyder muntergang for deg? – Det er sett saman av munter og undergang, for det går jo nedover med hovudpersonen. For han er det ein muntergang, seier Atle Berge. Eit lite opprør Det er Pål Stordalen som er hovudpersonen i boka. Han lever i eit samfunn styrt av Alvorets sikkerheitsteneste, og vert saman med narkomane Katrine. Dei to styrer mot undergangen, men Pål tek det heile med eit smil, og tirrar slik på seg Alvorets sikkerheitsteneste. – Kjenner du deg att i hovudpersonen? – Nei, eg kan ikkje seia det. Karakterane er ikkje henta frå verkelegheita. Slik skil boka seg frå mykje av det som vert gitt ut no, fortel Berge. Han siktar mellom anna til Karl Ove Knausgård sine biografiske Min kamp-bøker. Berge si bok er fantasi, med eit stikk til alt alvoret. – Boka skil seg også ut i den utradisjonelle måten du vel å bruka spaltar, uthevingar og ulike skrifttypar på undervegs. Kvifor gjer du dette? – Sidan hovudpersonane mine er i opposisjon til Alvorets sikkerheitsteneste, tenkte eg at det passa bra å la teksten bryta reglane for god romanskriving. – Litt slik som Are Kalvø eller Erlend Loe gjer? – Slik som Erlend Loe ja. Atle Berge har lest mykje Erlend Loe, og på oppfordring om å anbefala litteratur til Strilen sine lesarar, vel han nettopp siste boka til Loe. – «Siste stille dager i Mixing Part» består av berre replikkar, ingen skildringar, men er sinnsjukt morosam. Og medan me er inne på anbefalingar, kan journalisten drista seg til ei aldri så lita bokmelding av Atle Berge si debutbok: «Muntergang» er rett og slett ei vittig og munter bok om ein blid, ung mann sin undergang i eit samfunn styrt av det store alvor. Og om du les boka kan eg nesten lova deg at du slett ikkje vil verta tynga av alvor, men heller smila av galskapen og leva deg inn i det gode språket. God lesing! ■ ATLE BERGE • Fødd: 1986 • Frå: Hjelmtveit i Lindås, bur i Oslo på femte året. • Yrke: Studerer til mastergrad i journalistikk ved Høyskolen i Oslo. • Debutbok: Muntergang • Sjanger: Skjønnlitteratur, humor • Om boka: Pål Stordalen har slått seg saman med narkomane Katrine, forsømt kokkekarrieren, øydelagt kroppen sin og mista sitt sosiale nettverk, men møter alt med godt humør. Han vert mistenkt for å meina at livet er latterleg. Utgitt av Samlaget, på nynorsk. BOKMELDINGAR • «Atle Berge skriver tett og konsentrert i en prosa som krever å bli lest, også for sin egen skyld. Resultatet er ofte helt ubetalelige replikkvekslinger og overraskende beskrivelser.» Leif Ekle, NRK P2 • «Vittig og velformulert om å ville vere annleis … ei lita og enkel forteljing, men slett ikkje upretensiøs … Reint språkleg greier [Berge] ofte å finne dei treffande formuleringane som blir sitjande hos lesaren.» Audun Sjøstrand, BT • «Atle Berge skriv bra, språket flyt lett og fint, han har eit variert repertoar og humoristisk sans.» Odd Surén, Dag og tid
Page 1 and 2: Ny dame i byn No finn du Holmehuset
Page 3 and 4: Nyhet fra Jotun! Nyheten Lady Pure
Page 5 and 6: illustrasjonsbilde Haustsalg: Buske
Page 7: Vi feirer fødselsdag Hesthaugveien
Page 11 and 12: VÅRE SAMARBEIDSPARTNERE: ALT I RØ
Page 13 and 14: Mye mer fi nner du på peugeot.no N
Page 15 and 16: Fosnøy Bilsenter Tlf: 56 16 75 50
Page 17 and 18: Butikk: Knarvikgården, 5914 Isdals
Page 19 and 20: skal ikkje konkurrera mot kvarandre
Page 21 and 22: TORSDAG 23. SEPTEMBER 2010 STRILEN
Page 23 and 24: Vi V i tar imot nye pasienter og yt
Page 25 and 26: • atmosfære • høststemning
Page 27 and 28: SPRÅKMEKTIG TOLK: - Utfordringa er
Page 29 and 30: Besøk oss på messen i Arenum 1.-3
Page 31 and 32: T O R S D A G 2 3 . S E P T E M B E
Page 33 and 34: Jæger Sentrum - BMW forhandleren i
Page 35 and 36: Leo Xpress BMW PREMIUM SELECTION. G
Page 37 and 38: STUDIO STUDIO O NOR tilbyr tilby y
Page 39 and 40: T O R S D A G 2 3 . S E P T E M B E

No finn du Holmehuset også i tjukkaste byn. Etter mange år ... - Strilen

Create successful ePaper yourself

Delete template?

Save as template?