No finn du Holmehuset også i tjukkaste byn. Etter mange år ... - Strilen

20
S T R I L E N NY T T S K J E MA F RÅ STATE N
P-ROM står for primærrom. Dette arealet må du fylla inn på skjemaet som staten har sendt deg nyleg, når du finn ut kor stor bustaden din er.
Kor stort er huset ditt?
Du undrast kanskje ikkje.
Men Staten gjer det.
Av Ketil Tjore
ketil@strilen.no
Og som alltid når Staten
lurer på noko, så sender
dei deg eit brev. I dette tilfellet lurer
dei på kor stort huset ditt er, så dei
har sendt deg eit skjema der du skal
fylla ut all slags opplysningar.
Ikkje mindre enn 2,4 millionar
brev har dei sendt ut, og innan 15.
oktober må du svara.
Det har du ikkje gjort, nei? Tenkte
det ja. Eg har ikkje postlagt skjemaet
enno, og det er sikkert mange som er
i same bås.
P-rommet
Det Staten vil vita om deg og huset
ditt, er arealet av P-rom. P-en står i
dette tilfellet korkje for parkering,
panikk eller polka, men for primær.
Altså primærrom.
Primærrom er alt ein kan definera
som opphaldsrom i bustaden, det
vera seg kjøken, stove, bad, vaskerom,
entré, soverom og liknande. Derimot
skal ein ikkje ta med arealet på gara-
sje, ikkje innreidd loft og kjellarrom,
bodar og andre typar lagringsrom.
Må du måla?
Har du ikkje noko papir som viser
arealet i primærromma dine, kan du
kanskje finna eit papir som viser arealet
for BOA. Boa er i dette tilfellet
korkje den som smyg seg fram i jungelen,
eller den som fine damer snurrar
rundt halsen sin. Det er derimot
forkortinga for Boareal, eit omgrep
som var vanleg fram til 1. januar
2008, då det vart erstatta av P-rom.
I tillegg til dette arealet skal Staten
ha opplysningar om byggjeår og
bustadtype. Lettast er det kanskje å
finna alt dette i siste takst eller salsoppgåve,
dersom ein har slike. Om
papira ikkje er å finna korkje i krok
eller krik, må du fram med målebandet
og kuleramma. Lukke til.
Skatten din
Staten er sjølvsagt interessert i alt
dette på grunn av skatten din.
Opplysningane som du melder inn
vert grunnlaget for den nye likningsverdien
til bustaden.
Frå og med inntektsåret 2010 skal
det nemleg innførast ein ny metode
for å fastsetja likningsverdi på busta-
der. Føremålet (og her siterer me rett
frå pressemeldinga) er å skapa betre
samanheng mellom likningsverdi og
omsetnadsverdi på bustadeigedomar.
Berekningar frå Finansdepartementet
syner at 120.000 færre bustadeigarar
skal betala formuesskatt etter den nye
ordninga. Om lag 615.000 får ei skattelette,
medan 155.000 får ei skatteskjerping.
Vidare i pressemeldinga
heiter det at dei som kan få auka formuesskatten
sin med meir enn 15.000
kroner, i snitt har ei inntekt på tre
millionar kroner.
Arealet ikkje alt
Dei nye reglane inneber at likningsverdien
vert fastsett med utgangspunkt
i ein kvadratmeterpris. Denne
kvadratmeterprisen skal lagast av
Statistisk Sentralbyrå (SSB), som vil
ta omsyn til statistiske opplysningar
om omsette bustader, og prisen vert
bestemt ut frå bustadtype, areal, geografisk
plassering og alder. I tillegg
vert det teke omsyn til om bustaden
ligg i eit område der husa ligg tett,
eller litt meir spreidd.
Ikkje på hytta
Dei nye reglane omfattar alle bustadeigedomar,
med unnatak av busta-
T O R S D A G 2 3 . S E P T E M B E R
■ FAKTA
Nytt bustadskjema:
• Skjemaet som kom med posten
kan leverast på skattekontoret eller
sendast i posten.
• Bustadopplysningane kan også
leverast på skatteetaten.no eller via
SMS.
• 15. oktober er siste frist for å senda
inn opplysningane.
der på Svalbard, fritidsbustader,
våningshus og bustader i utlandet.
Det vert vidare eit skilje mellom
primærbustaden, der ein etter
Folkeregisteret er busett, og sekundærbustader,
som er alle andre bustader
ein måtte eiga. Likningsverdien
for primærbustader skal vera 25 prosent
av berekna kvm-pris, multiplisert
med arealet i bustaden. For sekun -
dær bustadar vert likningsverdien 40
prosent, slik at ein får meir i formuesskatt
for hus nummer to og tre.