SMAKEN AV SOMMER - Coop Norge

MILJØ
«Grøne» handlenett
Som ein del av Coops miljøsatsing vart nye miljøposar lansert på Verdens miljødag 5. juni. Dei
nedbrytelege, slitesterke posane er no å finna i samlege Coop-butikkar. av Hege Grov Kambo
F
rå no av har du høve til å velja eit grønare alterna-
tiv enn den vanlege plastposen når du handlar i din
lokale Coop butikk. Dette er ein del av Coop sitt arbeid
for miljø gjennom fleire år.
GRATIS POSAR
Coop ynskjer å leggja til rette slik at kunden kan velja miljøvenleg,
ikkje berre ved det han handlar, men også når det gjeld det ein
fraktar varene heim i.
− Det er ei naturleg vidareføring av Coop sitt arbeid for miljøet,
seier Turid Jødahl, næringspolitisk sjef i Coop NKL, og fortel at alle
medlemmer vil få ein gratis miljøpose når dei kjem til ein av Coop
sine butikkar i veke 28. Det er heller ikkje fyrste gong Coop har
prøvd ut det som vert kalla «green bags» utanlands.
− Tidlegare har vi hatt ei stor satsing på miljøvenlege tøyposar,
men dei var nok litt små, slik at dei vart ueigna til storinnkjøp. Vi
fekk også utvikla ein pose i maisstivelse, som skulle kastast i matavfallet.
Diverre fungerte det likevel ikkje i avfallsmottaka, posane
kunne ikkje brytast ned som ein trudde. Men denne gongen har
vi fått det til, posane er store, nedbrytelege og kan brukast mange
gonger, hevdar Turid.
ETISKE SAMARBEIDSPARTNAR
Det er Allsidige Nord som produserer handlenetta for Coop. Dei
set alle krefter inn på å sørgja for at bærenetta er så miljøvenlege
som mogleg i alle ledd.
− Både produksjon og transport går føre seg med så låg energibruk
som mogleg, seier dagleg leiar, Hege Svendsen, og fortel at
nettet er nedbryteleg dersom det skulle bli kasta i naturen.
Nettet er laga av eit svært slitesterkt, vatnavvisande tekstilstoff
28 COOP
(foliepropuylen) som kan vaskast, er meir miljøvenleg enn bomull,
og ikkje allergiframkallande. Posane skal kastast i plastavfallet når
dei ikkje kan brukast meir.
− Det mest miljøvenlege ved netta ligg likevel i gjenbruka. Det
at Coop sine kundar kan nytta desse igjen og igjen, i staden for
plastposar, gir god effekt i eit miljøperspektiv.
I tillegg produserer Coop sin samarbeidspartner etter prinsippa
om etisk handel.
− Ein del av overskotet vårt går til Right to play, Johan Olav Koss
sin organisasjon som arbeider for leik og idrett som førebyggjande
tiltak i tredje verda, fortel Hege Svendsen.
LEDD I MILJØPOLITIKKEN TIL COOP
Coop har alltid ført ei sterk etisk line.
− Det er ikkje slik at vi nyleg har kasta oss på ei trend. Det ligg
i samvirkeprinsippa at vi skal arbeida for ei berekraftig utvikling og
tenkja langsiktig. Miljøarbeidet er heilt i tråd med Coop sine verdiar
og desse handlenetta er ei vidareføring av arbeidet vårt, stadfestar
Turid Jødahl.
− Allereie i 1990 hadde vi eit landsmøtevedtak som sa at vi
skulle vera best på miljø, og i 1998 fekk me ein pris for Noregs
beste miljørapportering. Leiinga i Coop var, og er, svært oppteken
av miljø og etikk, og har satt inn ressursar på å gi våre medarbeidarar
ei breiare forståing for miljøutfordringane, blant anna ved
kurstilbod.
Coop er altså ikkje nyfrelste miljøforkjemparar. Det har lenge
vore fokus på desse spørsmåla i alle ledd i organisasjonen, frå
produksjon, transport, emballasje og logistikk, til miljømerking,
opplysningskampanjar til kundane og eit stort utval økologiske
varer. ■