Styresak HV 024 13B - Helse Stavanger

HELSE r VEST
Går til:
Føretak:
Dato:
Sakhandsamar:
Saka gjeld:
Arkivsak
2013/137/
S resak 024/13 B
Forslag til vedtak
Styresa k
Styremedlemmer
Helse Vest RHF
20.02.2013
Åsmund Norheim
Årleg gjennomgang av styrande dokument for styret i Helse Vest RHF
S remøte 06.03. 2013
1. Styret vedtek revidert styreinstruks for Helse Vest RHF, revidert instruks for administrerande
direktør i Helse Vest RHF og korrigert fullmaktsstruktur for Helse Vest RHF.
2. Styret er kjende med og tek til etteretning følgjande dokument:
a. Rettleiaren «Styrearbeid i regionale helseføretak»
b. Etiske retningslinjer for Helse Vest
c. Regjeringa sin eigarskapspolitikk og prinsipp for leiarløn

Oppsummering
Styret vedtok revidert styreinstruks og revidert instruks for administrerande direktør i 2006. Etter den tid
har det skjedd nokre endringar i helseføretakslova, vedtektene, anna lovgiving og i styringssignala frå
eigar som gjer det naudsynt å innarbeide desse i instruksverket. I tillegg til dei nemnde instruksane
vedtok styret i 2006 også ein fullmaktstruktur mellom føretaksmøtet, styret og dagleg leiar som i sin
heilheit byggjer på helseføretakslova og vedtektene for Helse Vest RHF. I fullmaktstrukturen er berre
gjort nokre få korrigeringar i henvisningane til lov- og vedtektparagrafar som følgje av dei endringane
som er gjort i desse regelverka.
Når det gjeld øvrige styrande dokument som etiske retningslinjer og regjeringa sin eigarskapspolitikk, er
dette dokument som er fastsette for ca eitt år tilbake og det har ikkje kome nye styringssignal på
område som desse dokumenta omhandlar. Foreløpig er det derfor ikkje naudsynt med endringar i desse.
Desse dokumenta blir likevel lagt fram for styret for ein årleg gjennomgang.
Fakta
Styret har i møte i desember 2012 uttrykt ønske om å få seg førelagt styrande dokument ein gong årleg.
Denne saka har som mål å gi oversikt over og klargjere om det er naudsynt med endringar eller
tilpassingar i dei gjeldande, styrande dokument for Helse Vest RHF.
Det er lova om helseføretak saman med anna lovverk knytt opp mot helsetenestene, som utgjer det
overordna rammeverket for spesialisthelsetenesta. I tilknyting til opprettinga av helseføretaka har eigar
også fastsett vedtekter for dei regionale helseføretaka. Helse- og omsorgsdepartementet utøver
overordna eigarstyringa gjennom dei årlege føretaksprotokollane og det årlege oppdragsdokumentet. Av
særleg interesse i denne samanheng er regjeringa sin eigarskapspolitikk inkludert prinsippa for leiarløn.
Helse- og omsorgsdepartementet har i 2011 gitt ut ein rettleiar om «Styrearbeid i regionale
helseføretak». Statsråden har i føreordet til rettleiinga peika på at oppgåva som styremedlem i regionale
helseføretak er ein krevjande posisjon. Rettleiaren rettar seg spesielt mot god rolleforståing og god
rolleutøving i styrearbeidet. Rettleiaren omhandlar også samfunnsansvaret som dei regionale
helseføretaka har utover sjølve sektoransvaret og krava til etikk og etiske retningslinjer for verksemda
Dokumenta som er nemnde ovanfor er fastsette av eigar og styret kan ikkje påverka desse. Dei
dokumenta som styret har rådigheit over og sjølv fastset, er følgjande:
Styreinstruks
Instruks for administrerande direktør
Etiske retningslinjer
Retningslinjer og erklæring om leiarlønningar i føretaksgruppa Helse Vest
Dokumenta som styret har rådigheit over blir kort omtala nedanfor under punktet «Kommentarar»,
særleg med tanke på om det er behov for endringar eller tilpassingar i nokon av desse.
Kommentarar
Styreinstruks og instruks for administrerande direktør.
I styremøte i juni og september i 2006 behandla styret sak om revidert instruks for administrerande
direktør og sak om revidert styreinstruks. I grunngjevinga for revisjonen i 2006 går det fram at dei første
instruksane frå 2001 var vedtekne før helsereforma var sett ikraft.
Under revisjonsarbeidet som vart utført i 2006 såg ein m.a. på tilsvarande instruksar som låg føre i dei
regionale helseføretaka som eksisterte den gong: Helse-Sør og Helse-Øst. Elementa som vart vektlagde i
samband med revisjonsarbeidet i 2006 var følgjande:
Styret si heilheitlege rolle og ansvar
Rolleutøvinga til styremedlemmane og interessene desse skal ivareta
7

Styrearbeidet
Forholdet til dagleg leiar
Informasjon, åpenheit og omdømme
Det går fram av styresakene frå 2006 at utfordringa ved revisjonen av instruksane er å finne rette
balansen mellom oversiktlegheit, omfang og lesbarheit på den eine sida og fullstendigheit på den andre
sida.
I forslaga til revidert styreinstruks og revidert instruks for administrerande direktør som no ligg føre, er
det ikkje føreslått endringar i struktur og innhald i dei gjeldande instruksane, men ein føreslår at
instruksane blir supplerte og korrigerte på følgjande område:
Samfunnsansvar og etikk, ref. omtalen ovanfor av Helse- og omsorgsdepartementet sin rettleiar
for styrearbeid
Samhandlingsreforma, ref. lova om samhandling med kommunane
Korrigering av antall styremedlemmer omtala i styreinstruksen i samsvar med endringar gjort i
vedtektene
Korrigering av begrepsbruken m.h.t. revisjonsutvalg og tilsetjingsmyndigheit for internrevisor
som følgje av endringar i lova om helseføretak.
I tillegg til dei nemnde punkta er det klargjort litt meir i styreinstruksen korleis styret bør behandla
spørsmål som oppstår m.h.t. styremedlemmer sin habilitet i enkeltsaker og kva saker som kan medføre
at styremedlemmer som er valde av og blant tilsette må tre i frå grunna partsforholdet.
Det er nå nærmare 7 år sidan instruksane sist vart reviderte. Dei endringar som er gjort i lovgiving,
vedtekter og styringsbodskapen frå eigar på område som omfattar styret og administrerande direktør si
rolle og ansvar, bør justerast inn i instruksane. Dersom det elles er punkt i instruksane som med
bakgrunn i erfaring kan klargjerast, bør dette også omfattast av revisjonen.
Bortsett frå dei oppdateringane som er nemnde og som er lagt inn i dei justerte instruksane, kan
administrerande direktør ikkje sjå at det pr. idag er nødvendig med meir gjennomgripande revisjon av
styreinstruksen og instruks for administrerande direktør.
Fullmaktstruktur mellom føretaksmøtet, styret og dagleg leiar i Helse Vest RHF.
Etter at styret i 2006 hadde vedtatt revidert styreinstruks og revidert instruks for administrerande
direktør, vedtok styret også ein fullmaktstruktur mellom føretaksmøtet, styret og administrerande
direktør. Fullmaktstrukturen byggjer utelukkande på kva som er fastsett i helseføretakslova og
vedtektene for Helse Vest RHF og har til hensikt å klargjere myndigheits-, ansvars- og
oppgavefordelinga mellom dei 3 nemnde myndigheitsnivåa. I dette dokumentet er det gjort nokre få
korrigeringar i henvisningane til lov- og vedtektsparagrafar som ei naudsynt følgje av dei lov- og
vedtektsendringar som er gjort etter 2006.
Etiske retningslinjer.
Styret behandla i møte 07.05.12 sak om etiske retningslinjer for føretaksgruppa Helse Vest — sak 048/12
B. I vedtaket ber styret om at etiske retningslinjer årleg blir lagt fram for styret til behandling. I tillegg til
etiske retningslinjer er det også lagt ved denne saka 11 andre rutinar, retningslinjer, samarbeidsavtalar
og erklæringar innafor ulike fagområde i verksemda som sakleg knyter seg opp mot dei generelle etiske
retningslinjene. Styret har derfor hatt ein samla og brei gjennomgang av dette regelverket for mindre
enn eitt år sidan. Administrerande direktør kan ikkje sjå at det i mellomtida er gjort endringar i lowerket
eller styringsbodskapen frå eigar som tilseier at det vert gjort endringar i retningslinjene.
3

Regjeringa sin eigarskapspolitikk og prinsippa for leiarløn.
I same styremøte 07.05.12 - sak 044/12 B- behandla styret sak om retningslinjer og erklæring om
leiarlønningar i føretaksgruppa Helse Vest og vedtok retningslinjer for lønn og andre godtgjeringar for
leiarar i føretaksgruppa Helse Vest. Dessutan vedtok styret erklæring om leiarlønn i føretaksgruppa Helse
Vest. Vedtaket hadde bakgrunn i krav som var sette i føretaksprotokollen for 2012.
I føretaksprotokollen for 2013 er lønnsutviklinga i helseføretaka omhandla under pkt. 5.8. om
«Regjeringa sin eigarpolitikk». Her er det vist til tidlegare føringar om at dei regionale helseføretaka og
helseføretaka skal bidra til moderasjon i leiarlønningane og vere kjende med og følgje retningslinjene for
tilsettingsvilkår for leiarar i statlege føretak og selskap av 31.mars 2011. HOD viser vidare til at
Riksrevisjonen si undersøking av leiarlønningar mellom anna viser at leiarane i regionale helseføretak og
helseføretak har hatt sterkare lønsvekst enn andre tilsette i føretaka. Helse Vest har dokumentert ovafor
HOD at dette ikkje gjaldt Helse Vest.
Avslutningsvis i føretaksprotokollen for 2013 er det understreka at dei regionale helseføretaka skal ha
merksemd på forholdet mellom lønnsutviklinga for leiarar og andre tilsette.
Med bakgrunn i at føretaksprotokollen for 2013 ikkje inneheld nye krav på området, ser ikkje
administrerande direktør at det er naudsynt å endre styret sitt vedtak gjort i møtet i mai 2012.
Konklusjon
Med bakgrunn i utgreiinga ovanfor føresiår administrerande direktør at styret vedtek revidert
styreinstruks og revidert instruks for administrerande direktør. Dei andre dokumenta som er omhandla er
det etter administrerande direktør sitt syn foreløpig ikkje naudsynt å revidere, så ein ber om at desse
blir vidareført uendra.
Når det tilsvarande gjeld styreinstruks for helseføretaka og instruks for administrerande direktør i
helseføretaka, er det styret for helseføretaka som sjølv må gjere vedtak om revisjon av desse
dokumenta. Med bakgrunn i dei endringane i instruksverket som nå blir førelagte for styret i Helse Vest
RHF, vil administrerande direktør også gå gjennom instruksane til helseføretaka og sende desse på
høyring til helseføretaka. Deretter vil det bli utarbeidd ein revidert mal for styreinstruks og instruks for
administrerande direktør i helseføretak. Dette malverket vil så bli førelagt styret i Helse Vest på
vårparten og deretter sendt til helseføretaka med tilråding om styrebehandling.
Vedlegg:
1. Styreinstruks
2. Instruks for AD
3. Fullmaktstruktur
4. Rettleiar for styrearbeid
5. Etiske retningslinjer
6. Utdrag av Regjeringa sin eigarskapspolitikk og prinsipp for leiarløn
4