HELSE 9 00 VEST - Helse Fonna

3
Sak 93/09 Administrerande direktør orienterer
Kommentarar:
Administrerande direktør orienterte om satsinga innan geriatri og rehabilitering. I oktober 2009
opna geriatrisk eining på sjukehuset i Haugesund. Det er omgjort åtte senger ved sengepost 5 Midt
til geriatrisk eining. Samstundes blei det opna geriatrisk poliklinikk. Satsinga har ikkje kravd nye
stillingar. Innan spesialisert rehabilitering blei det opna eigen sengepost på Stord sjukehus hausten
2008. Den har i dag 6-8 rehabiliteringssenger. Det blei i 2008 gjennomført ei intern omstilling som
sikra drift av rehabiliteringsposten. I 2009 er det nytta tre millionar kroner i utjamningsmidlar til å
styrke det tverrfaglege teamet med fysio/ergoterapeut, logoped og faste legeressursar.
Administrerande direktør peikte på at begge disse satsingane var i tråd med føretakets strategi og at
dette også var god økonomi.
Kunnskapssenteret gjennomført hausten 2008 ei PassOpp undersøking av fastlegars vurdering av
distriktspsykiatriske sentra. Dette var ei nasjonal undersøking. Helse Fonna kjem ut med resultat om
lag tilsvarande landsgjennomsnittet og om lag tilsvarande resultat som for Helse Bergen og Helse
Stavanger.
Administrerande direktør beklaga at flyttinga av Folgefonn DPS til Odda vart utsett i forhold til plan
og informasjon til styret. Utsettinga skuldast m.a. sjukemeldingar av nøkkelpersonell for den nye
sengeposten, forsinka byggearbeid og manglande godkjenning av turnus frå dei nasjonale
tilsetteorganisasjonane. Behandling av pasientar ved Jonatunet i Jondal er avslutta og den 4. januar
2010 opnar sengeposten for psykisk sjuke ved sjukehuset i Odda og poliklinikk i sjukeheimens
lokale.
Administrerande direktør orienterte styret i sak 83/09 om framdrifteplan for å lukke avvik i god vakt
på bakgrunn av spørsmål vedrørande datoar i framdriftsplanen ble det gitt følgjande presisering:
Helse Fonna har søkt og fått stadfesta forlenga tidsfristar etter følgjande plan:
• Tidfesta handlingsplan 1.3.2010 (tidlegare sett til 1.12.2009)
• Iverksetting av tiltak 1.7.2010 (tidlegare sett til 1.3.2010)
• Evaluering av tiltak -
- Rapport 1.10.2010 (tidlegare sett til 1.7.2010)
- Rapport 15.1.2011 (tidlegare sett til 1.10.2010)
- Rapport 1.5.2011 (tidlegare sett til 31.12.2010)
Styret var nøgd med etableringa av rehabilitering og geriatri men viste til at føretaket her måtte ha
dialog med kommunane om kva oppgåver som er spesialiserte tenester og kva oppgåver som skal
handsamast av kommunane. Administrerande direktør viste til at føretaket har ein fortløypande
dialog med kommunane. Ho foreslo og å invitera den nytilsette geriateren til eit styremøte i 2010.