HELSE 9 00 VEST - Helse Fonna

Leiing:
I rapporten er det semje om at den innkjøpsfaglege leiinga skal skje på eit regionalt nivå og at
innkjøparane skal sitje desentralisert i helseføretaka som no. Kategorileiarane (22 stk.) vil møtast i det
som vert kalla kategorileiarforum. Knytt til organisatorisk leiing av ny innkjøpsorganisasjon skisserer
rapporten to modellar.
Sentralstyrt modell:
Modellen går ut på at organisatorisk (tilsetjingsmessig) er innkjøparane knytt til det føretaket der dei
arbeider – dette er som i dag. Den faglege rapporteringslina vil gå frå dei 22 kategorileiarane til regional
innkjøpsleiar, mens organisatorisk rapporteringsline går gjennom innkjøpsleiar/-sjef på HF-nivå som i
dag. Ansvarsområde/mynde er ikkje tilfredstillande handsama i rapporten.
Administrerande direktør i Helse Fonna meiner den sentralstyrte modellen best ivareteke helseføretaket
sine interesser i eit framtidig innkjøpssamarbeid.
Sentralisert modell:
I denne modellen vil innkjøparane bli tilsett i ei felles sentral/regional eining. I modellen forsvinn rolla
som innkjøpssjef i det einskilde HF’et og blir erstatta av kategorileiar for kvar av dei 22 kategoriane på
regionalt nivå. Skilnaden på dei to modellane er kven som eig innkjøpsressursane, RHF eller HF.
Fagressursane som skal gå inn i kategoriteama vil i begge høve tilhøyra det einskilde HF. I ein sentralisert
modell vil det potensielt vere ein unødig stor avstand mellom den operative verksemda i det einskilde HF
og ein strategisk innkjøpsfunksjon sentralt i RHF.
Ved å flytte avgjersle knytt til prioritering av anskaffingar, val av medisinsk metode, grad av
standardiseringskrav frå føretaksleiinga til kategoriteam i ein sentralisert modell, er administrerande
direktør uroa for at føretaksleiinga kan miste eit strategisk og økonomisk virkemiddel for styring.
Ressursar:
I prosjektrapporten legg vekt på at talet på innkjøparar som i Helse Vest gruppa, 24 personar, vil dekkje
den nye felles kategoristrukturen. Det er i rapporten utelukkande fokusert på kategoristyring, anskaffingar
og kontraktsadministrasjon, og ein har i mindre grad teke omsyn til dei andre oppgåvene i
innkjøpsfunksjonen som t.d. varelogistikk, bruk og oppfølging av elektroniske varekatalogar, oppfølging
av brukarar/rekvirentar i innkjøpssystemet og anna operativt innkjøp. Dette er oppgåver som skal sytast
for i kvart HF. Prosjektrapporten viser til at ein vil behalde ein ressurs lokalt for slike ”andre
arbeidsoppgåver”, utan at det er skissert ein plan for kva og på kva for ein måte desse oppgåvene
eventuelt skal kunne takast i vare av ein styrka sentral innkjøpseining i RHF og/eller av dei ulike
kategoriteama som skal opprettast.
Uavhengig av val av organisasjonsmodell må desse oppgåvene takast i vare, og det må vere ressursar i
kvart HF som kan utføre dei på ein kvalitetsmessig god måte.
I rapporten blir det peika på behov for tilførsel av ressursar knytt til definerte støtte-/spesialistroller, dette
er skissert til 2 nye stillingar. Det er ikkje konkretisert kva roller og funksjoner dei 2 nye stillingane skal
dekke.
Side av 4
3