Årsmelding for Hordaland fylkeskommune - Politiske saker ...

22
REGIONAL UTVIKLING
utvikla saman med næringsaktørar, kunnskapsmiljø og
andre offentlege organ.
Det er peika ut fire strategiske satsingsområde:
produktutvikling, områdeutvikling, kompetanse,
marknadsføring. På kvart satsingsområde vert
det gjennomført tiltak, ofte i form av prosjekt.
Destinasjonsselskapa i Hordaland vil mellom anna ta
på seg oppgåver i høve utvalde prosjekt og gjennom
dette vidareutvikla spesialkompetansen sin. På denne
måten sikrar dei også både koordinering og forankring
av arbeidet. Andre tiltak vil verta gjennomført av andre
organisasjonar eller samarbeidande verksemder, likevel
alltid slik at prosjektet vert gjennomført av nokon som
har langsiktig interesse av tiltaket.
Forum Reiseliv Hordaland er eit fylkesdekkande
nettverk av mellom anna destinasjonsselskapa.
Forumet diskuterer måloppnåing og kjem med innspel
til handlingsplanen for reiselivsstrategien på sine faste
møte. Hordaland fylkeskommune er sekretariat for
handlingsplanen og for Forum Reiseliv. Den årlege
fylkeskonferansen «Møteplass reiseliv – Hordaland» er
ein annan viktig arena for samhandling.
Marin sektor
Regionen vår er sterk innan fiskeri, og Hordaland er
eit svært viktig havbruksfylke. Hordaland og Bergen
har ein konsentrasjon av marine FoU-miljø med
internasjonalt forskingsfokus som marknadsfører seg
gjennom «Bergen Marine Forskningsklynge». Dette
gjer at marin sektor er ei næring med særlege føremoner
i Hordaland.
Mykje av reiselivsarbeidet til fylkeskommunen skjer
gjennom prosjekt. Regionalt utviklingsprogram
for Hordaland 2009 gav til dømes prosjektet
«Hordaland – ski heile året» tilsegn om 500 000 kr.
Pengane vil gå til å fremja Hordaland som ski- og
vinterreisemål. Prosjektet si målsetjing er å skapa
30 000 utanlandske skidagar i Hordaland i året. Ski
er eit kjerneprodukt, der Hordaland har naturgjevne
konkurransefortrinn, spesielt på reisemål som har
Årsmelding 2009 Hordaland fylkeskommune
Fylkeskommunen har støtta fleire marine
utviklingsprosjekt og arrangement i 2009. Innsatsen har
særleg vore retta mot utfordringar i akvakulturnæringa,
m.a. berekraftig havbruk, fiskehelse, sjømat og helse,
nye oppdrettsartar og finansieringsutfordringar for
bedrifter innan torskeoppdrett.
«Vestlandprogrammet for nye oppdrettsartar»
er forankra i Vestlandsrådet. Hordaland har
økonomiansvaret for programmet, og i 2009 var
budsjettet vel 4 mill. kr. Det vart gjeve støtte til ei
rekkje utviklingsprosjekt innan marin fisk og skaldyr.
Fylkeskommunen har gjeve økonomisk støtte til
og delteke i gjennomføring av Norsk Sjømatsenter sin
fagkonferanse knytt til «Sjømat for alle» i Bergen og
Vestlandet sin fellesstand på AquaNor i Trondheim.
Hordaland fylkeskommune deltek aktivt saman
med Norsk Sjømatsenter i det nasjonale prosjektet
«Fiskesprell», som rettar seg mot tilsette i barnehagane
for å auke kunnskap om helseeffektar av sjømat og
korleis inntaket av sjømat kan verta større. Planen er å
gjennomføra kurs for over 80 barnehagar i fylket.
Ei ny oppgåve i 2009 var å gje fråsegn om
regionalpolitiske høve i samband med søknader
om nye løyve for oppdrett av laks og aure, samt
førebuingar for organisering av dei nye oppgåvene
innan havbruksforvaltning som vart overførte til
fylkeskommunen gjennom forvaltningsreforma frå og
med 2010.
I 2009 vart det teke opp 39 802 m 3 skjelsand, mot eit
snitt på nær 35 000 m 3 dei fem føregåande åra. Det var
ingen konsesjonssøknader til handsaming i 2009.
«Hordaland – ski heile året»
ski som hovudsatsingsområde. Unikt for Hordaland
er høvet til å stå på ski 12 månader i året, takka
vera Folgefonna sommarskisenter. Når dei snøsikre
vinteranlegga stengjer i mai, er det klart for opning
på Folgefonna. Prosjektet vil bidra til samhandling
og partnarskapstenking mellom aktørar på tvers av
tradisjonelle destinasjonsområde. Hovudmarknaden
for prosjektet er England, Nederland, Russland og
Danmark.
PROSJEKTMIdLAR FRÅ FyLKESKOMMUNEN: Asbjørn Børsheim (t.v.) overrekte «den glade bodskapen» om at
fylkeskommunen skal yta 500 000 kr i tilskot til prosjekt «Hordaland – ski heile året».