Årsmelding for Hordaland fylkeskommune - Politiske saker ...

Auka ansvar for folkehelse
Handlingsprogram for folkehelse vart i 2009 utvida
med ei heilskapleg satsing på fysisk aktivitet, kosthald,
tobaksførebygging, tiltak mot rusmidlar, integrering og
universell utforming.
Dei overordna måla er fleire leveår med god
helse for folk og å minska helseforskjellane. Fylkeskommunen
si rolle er å leggja til rette, utvikla og
koordinera folkehelsearbeidet. Ein prioriterer tiltak
med dokumentert effekt på folkehelsa, sikrar at
folkehelseperspektivet vert vurdert i kommunale planar,
inngår partnarskap og arbeider med betre samordning
av tilskotsordningane til folkehelsetiltak.
Folkehelsearbeidet vart sett på dagsorden i 2009
med forvaltingsreforma, ny plan- og bygningslov,
samhandlingsreforma og forslag til ny lov om fylkeskommunane
sine oppgåver i folkehelsearbeidet.
Utvikling av partnarskap er den viktigaste oppgåva.
Fylkeskommunen har no 14 partnarar: Fylkesmannen,
kommunane Austrheim, Askøy, Bergen, Kvam,
Kvinnherad, Odda og Stord, Friluftsrådet Vest, Bergen
og Omland Friluftsråd, Hordaland Idrettskrets, Bergen
Turlag og Nasjonalforeningen for folkehelsen.
Innan partnarskapet var det gjennomført fleire
kurs og nettverkssamlingar for å auka kompetansen.
Folkehelsegruppa har delteke og medverka på nasjonale
og internasjonale konferansar og undervist studentar
ved høgskular og universitet. Målet er å få alle som
jobbar med folk si helse og livsglede til å dra nytte av
kvarandre.
Folkehelsemidlar vart i 2009 nytta til:
• 1,69 mill. til stimuleringstiltak til lokale folkehelsetiltak
innan Partnarskap for folkehelse og medfinansiering
av folkehelsekoordinatorar i kommunane.
• 500 000 kr til tiltak retta mot fysisk aktivitet i
frivillige organisasjonar.
• 200 00 til folkehelseprosjektet MOT i to
vidaregåande skular.
• 50 000 til informasjonstiltak om Helsedirekto ratet
sitt aktivitetsprosjekt «Betre helse på 1-2-30».
Tiltak innan tannhelse
I 2009 har fylkeskommunen si tannhelseteneste sett
fokus på helsefremjande og førebyggjande arbeid i
forhold til pasientar, pårørande og eigne tilsette. Kvar
klinikk utarbeider ein årsplan for det tverrsektorielle
folkehelsearbeidet dei skal gjennomføra.
Tannhelsetenesta i Hordaland har saman med
kollegaene i Rogaland og Sogn og Fjordane utforma
samarbeidsavtalar for å få etablert eit systematisk
samarbeid med leiinga og dei ulike helsetenestene i
kommunane. Avtalar vil vonleg verta inngått i 2010.
Sosial utjamning er eitt av måla innan folkehelse.
Tannhelsetenesta er i ein spesiell posisjon når det
gjeld å kunna avdekka omsorgsvikt og overgrep
mot born. Det vert send få bekymringsmeldingar til
barnevernet og det føreligg truleg ei underrapportering.
Tannhelsetenesta i fylkeskommunen har hatt i gang
ei arbeidsgruppe som har gjennomgått rutinar og
retningslinjer når det gjeld bekymringspasientar og
meldeplikt til barnevernstenesta. Målet er få i stand ein
samarbeidsavtale med barnevernet, skapa gode rutinar
og syta for at tannhelsepersonell føler seg trygge på
varslingsprosedyrar.
I tillegg til at tannhelsetenesta gjennomfører
opplysnings- og undervisningsverksemd på pleieinstitusjonar
og helsestasjonar vart det gjennomført ei
Årsmelding 2009 Hordaland fylkeskommune
REGIONAL UTVIKLING
rekkje mindre folkehelsetiltak i 2009. Mellom anna
markering av årets vassdag, med oppfordring om å
nytta vatn som tørstedrikk. Informasjonskampanjen
«Friske eldre» som set fokus på dei eldre sine rettar.
Deltaking i den nasjonale «Fiskesprell» satsinga som
rettar seg mot barnehagetilsette og undervisning for
5.-7. klasse med vekt på kosthald og erosjonar. Desse
tiltaka skal vidareførast i 2010.
Tiltak innan idrett og friluftsliv
Ein stor del av folkehelsearbeidet fylkeskommunen står
for, er organisert under kultur- og idrettsavdelinga. Innan
idrett og friluftsliv er iverksetjing av fylkesdelplanen
«Fysisk aktivitet, idrett og friluftsliv 2008-12 – Aktiv
kvardag» sentral. Å leggja til rette for og stimulera til
fysisk aktivitet i nærmiljøa er viktig for betre folkehelse.
(Meir info under kapitlet om kultur og idrett.)
Universell utforming
Museumssenteret i Hordaland fekk tilskot til utarbeiding
av ein plan for universell utforming.
Senter for yrkesrettleiing har sett universell utforming
på dagsorden, og arrangerte ein stor konferanse om
emnet, for vidaregåande opplæring
Innan friluftsliv er det ytt tilskot til tilrettelegging av
turvegar i Kvam og til badeplass i Radøy.
Ein rettleiar for å ivareta universell utforming i
offentlege innkjøp er utarbeidd og har vekt interesse
nasjonalt. Rettleiaren er lagt ut på offentlege nettsider.
Eigedomseksjonen har kartlagt tilgjenge i alle
vidaregåande skular etter Statsbygg sitt program «Bygg
for alle». Hordaland er den første fylkeskommunen
som gjer dette, og arbeidet vert ført vidare med ein
publikumsmodul.
Samferdselsavdelinga har utarbeidd plangrunnlag for
oppgradering av Åsane og Loddefjord bussterminalar
med fokus på universell utforming.
25
Hordaland
fylkeskommune
har – som første
fylkeskommune i
landet – kartlagt
tilgjenge i alle
vidaregåande skular
etter Statsbygg sitt
program «Bygg for
alle».