Utgave 2 - Heimevernet - Forsvaret

NYFIKEN: Ei vaktpost blir konfrontert av ein nyfiken journalist
Vellukka øving i Trøndelag
Under Øvelse Nidaros i april fekk trøndarane i HV-12 bryne seg på ei konflikt om
ressursar, med den fiktive staten Havland.
Det var Heimevernsdistrikt 12 som skulle bli
øvd i slutten av april, og det gjekk føre seg i
og rundt Trondheim. Scenarioet øvelsen vart
utspelt rundt ei konflikt angåande olje- og
fiskeressursar. Aust for Noreg blei den fiktive
staten «Havland» plassert, ein fiskerinasjon der
demokratiet blir gradvis svekka. Midt mellom
dei to statane ligg «Sonen», eit område rikt på
ressursar. Noreg og Havland kjem ikkje til ei
enigheit om kven som har rett på ressursane,
og forholdet blir stadig meir ampert.
Godt samarbeid
Det var ikkje berre Heimevernssoldatar på
land som vart øvd under Nidaros. Kapasitetane
på vannet fekk og prøvd seg, blant anna
på ein redningsaksjon i Ytre Trondheimsfjord.
Tre personar på ein fritidsbåt hadde fått problem,
og Sjøheimevernet måtte rykke ut.
Kapasitetane Sjøheimevernet kunne stille
med, hadde høg etterspurnad under øvinga.
Dette er som bomull i øyrene for Geir Småvik,
som er sjef for Waxwing, I-styrken frå SHV.
Under øvinga stilte Waxwing med 69 soldatar
og tre fleirbruksfartøy, og alle kapasitetane
fekk god øving.
– Det viktigaste for oss under øvinga var å betre
samvirket mellom land- og sjøkapasitetar. Dette
føler me at me fekk gjennomført. Alle kapasitetane
me hadde fekk øvd på det dei skulle, og
sånn sett fekk me veldig godt treningsutbytta av
øvinga, konkluderer Småvik
Det er fyrste gong Heimevernet sine kapasitetar
på land og sjø samarbeider på denne
måten, og begge er veldig nøgde med eit
fruktbart samarbeid. Waxwing samarbeider
førebels berre med HV-12, og blir derfor øvd i
samsvar med landkapasitetane ein gang kvart
tredje år, under øvelse Nidaros. Dei håpar
likevel å kunne samhandle meir med HV-12
før tre år har gått.
Luftvern bidrog
HV-12 samarbeidde ikkje berre med Heimevernet
sine sjøkapasitetar under Øvelse Nidaros.
Luftvernartilleribataljone (LVBN) deltok
og, med sikring og overvåking av luftrommet
i øvingsområdet. Det er og fyrste gong Heimevernet
øver saman med LVBN.
Major Tom Christiansen er nestkommanderande
i LVBN, og var svært nøgd med samarbeidet
mellom dei to avdelingane.
– Me fekk effekt der me ønska effekt. Eit
viktig fokus for oss var å etablere samvirke
med Heimevernet, som har det teritorielle
ansvaret. Med dei virkeområda me har, er det
veldig naturleg å jobbe saman med Heimevernet,
og dette samarbeidet ynskjer me å
videreutvikle.
LVBN vil ikkje jobbe med berre HV-12, men
og med andre HV-distrikt i regionen. I veke 20
skal og LVBN delta undet eit etteretning- og
sikringsseminar for alle HV-distrikta, blant
anna for å styrke samarbeidet.
Konklusjon: Suksess
Kommandør Lyder Karlsen er sjef HV-12, og
har minst ein ting til felles med Tom Christiansen
og Geir Småvik. Han er svært nøgd med
øvinga i sin heilheit, og korleis samarbeidet
mellom avdelingane blei utført.
– Dette var ei øving med stort omfang, med
heile 1100 soldatar og 300 køyretøy. Me
klarde oss utan personskadar, og fekk utbytte
av treninga me gjorde. Alle var motiverte og
gjorde ein innsats, og me fekk i tillegg god
støtte frå fleire andre avdelingar, t.d. Forsvaret
Logistikkorganisasjon.
Kommandør Karlsen presiserer og at det var
eit tett og godt samarbeid mellom det sivile
og det militære under øvinga. Han peiker her
spesielt på samarbeidet mellom Heimevernet
og politiet, som gjekk knirkefritt. Han legg og
til at distriktsstaben viste veldig god operativ
status under øvinga.
Nådde målet
Av definerte mål for Øvelse Nidaros, drog
kommandør Karlsen fram spesielt eitt som var
konkret.
– Målet var å utvikle samarbeidet mellom
kapasitetar på sjø og land, i forhold til Taktisk
Mobilt Samvirkekommande (TMSK). Det vil eg
sei var vellykka.
Etter å ha høyrt synspunkta til dei involverte,
kan ein konkludere med at Øvelse Nidaros var
så absolutt vellykka. Alle dei involverte virka
nøgde, både på leiingsnivå og bakkenivå. Når
til og med været var på plass, og den mykje
omtala oskeskya frå Island ikkje klarde å stikke
kjepper i hjula for øvingsleiinga, kan Øvelse
Nidaros bli sett tilbake på med eit positivt
blikk.
Anders Veberg
Anders Veberg
OBSERVANT: Etter å ha oppdaga ein mistenkeleg haug ute i skogen, er kikkerten god å ha.
Gjer soldatane gode
HV-mannskap får ikkje mykje utbytte av ei øving utan markørar. Under Øvelse
Nidaros fekk HV-Bladet eit innblikk i markørens kvardag.
Ein ting kan avsløras med ein gong.
Markørteneste involverar venting. Mykje venting.
Det var stort sett denne delen HV-Bladet
fekk med seg, men markørane på staden
kunne fortelje at tenesta i si heilheit var både
spanande, interessant og lærerik.
Den andre sida
Troppsjefen for markørtroppen heiter Håvard
Østgård. Troppen hans befinn seg no i Agdenes,
omringa av flott natur. I spelet er dei
no medlem av gruppa «Knyttet Hånd», som
sympatiserar med Havland i konflikta som
utspelar seg.
Når HV-Bladet kjem til staden, er dei i gang
med å sette opp eit land-til-luft-våpen, og
planen er at Heimevernets innsatsstyrke skal
komme og pågripe «terroristane»
Uvanleg oppgåve
Østgård kunne fortelje at han vart litt overraska
den dagen han las oppdraget til troppen
sin under Øvelse Nidaros. Han er likevel
nøgd med det han gjer, og tykte det var ei
artig oppleving å vere på den andre sida.
– Me har køyrt rundt i suspekte, sivile bilar, og
speida etter HV-soldatar ute i skogen. Nokon
av dei har me sett, men dei er veldig flinke til
å gøyme seg i skogen. Av og til har me vorte
overraska sjølv, blant anna av noko snublebluss
me støtte på i går.
Spelar dei andre gode
Sjølv om Østgård innrømmer at det til tider
klør i fingrane etter å gjere sitt beste for å
finne «motstandarane» ute i skogen. HVsoldaten
i han vil gjere oppgåva si, og vere
på den rette sida. Likevel held markørane eit
godt fokus på oppgåva, og speler rollene dei
har fått.
Solnedgangen nærmar seg med stormsteg,
og ingenting skjer. Østgård og eit par av soldatane
i troppen har reist ut på patrulje, mest
for å skape aktivitet og «erte» soldatane han
veit ligg i skogen.
Eit par timar seinare får HV-Bladets utsendte
beskjed om at det ikkje vil skje noko her i
kveld, kanskje ikkje før morgonen etter. Skuffa
må me pakke saman utstyret vårt, og vende
snuten attende til basen.
Angrep i morgontimane
I ettertid kunne Østgård fortelje korleis
scenarioet i Varvika utspelte seg. Klokka 06.00
kom eit overfall, leda av kapasitetane til sjøs.
Innsatsstyrken opna ild, og markørane såg
seg nødd til å svare. Planen var i utgangspunktet
at «terroristane» i Varvika skulle bli
pågrepne, men etter ildåpning endte det
med at alle markørane på staden vart tatt ut.
På nokre måtar eit tragisk utfall for Håvard
Østgård og troppen hans, men målet vart
oppnådd. Innsatsstyrken fekk trent på det
dei skulle, og alle kunne derfor gå nøgde frå
staden. Bortsett frå Håvard Østgård, for han
er død.
Anders Veberg
Anders Veberg og Benedicte Eggesvik
MONTER: Det nye anti-luftvåpenet Havland kan skilte med blir her montert av «terroristene»
8 HV-bladet // Juli 2010 Juli 2010 // HV-bladet 9