Norsk Svømming nr 1 - Norges Svømmeforbund

▼
Han var aldri den store
barnestjerna, men har
like fullt prestert som
ingen andre norske symjarar
i vaksen alder.
Alexander Dale Oen lengtar
framleis mot toppen.
Om det er øvste trinnet
på pallen, eller ein ny og
uprøvd fjellformasjon.
VIDAR ALFARNES [TEKST OG FOTO]
HÅVARD BJELLAND [FOTO]
ALEXANDER DALE OEN [FOTO]
Norsk Svømming har ete frukost med
symjaren, fotografen, friluftsmenneske
og globetrottaren Dale Oen. Som mange
andre vestlendingar oppvaksen omtrent
i fjøresteinane, veit han eitt og anna om
utferdstrong og hardt fysisk arbeid.
– Eg er berre så utruleg glad for at eg fekk
sjansen til å veksa opp langt ute på landet.
Trur knapt eg kunne hatt det betre
enn i Øygarden. Eg er også heldig som
har ein storebror som Robin. Sjølv om han
er fem år eldre enn meg, trudde eg alltid
at eg skulle ta han. Vi konkurrerte om alt,
og var høgt og lågt. Men eg måtte stort
sett gje tapt. Det var ikkje sjeldan han sat
over meg, og eg hadde hendene rett opp
og ropte: ”Eg gjer meg”.
Høg arbeidsmoral
– Når eg tenkjer attende kjem eg også
på at Robin alltid trudde han skulle ta
pappa i handbak. Men det klarte han
aldri. Veit ikkje om han klarar det den
dag i dag, smiler Alex.
Pappa Ingolf har vore maskinist i eit
langt liv, og har eit utal turar på fiske bak
seg. Bestefedrane til Robin og Alex var
også fiskarar. Den eine var med i ein
konvoi under D-dagen i Normandie. Den
andre har vore heilt til Sørishavet.
– Noko av det første eg lærte i livet mitt
var at ein skal vera stolt av det ein driv
med. Og ein annan ekstremt viktig ting:
Det er svært hendig når ting kjem lett,
men når ein har jobba som hardast for
noko, er gleda over å få det til endå større.
Lærdom eg har teke med meg inn i
min kvardag som toppidrettsutøvar, fortel
sølvmedaljøren frå Beijing-OL.
Endra på opplegget
Sjølv var Alex 13 år då han for alvor sa
at han skulle bli ein god symjar, og
Norsk Svømming har ete frukost med ein svolten Alexander Dale Oen. – Det er supert
at norsk symjesport er i kraftig utvikling, men ingen er betre enn sitt neste løp, seier
den eminente brystsymjaren frå Øygarden.
satsa friskt. Men dei store resultata kom
ikkje.
– Det var først som 17-åring at eg innsåg
at det måtte drastiske endringar til i treningsopplegget
om eg skulle bli så god
som eg verkeleg ønskte. Og sidan har
det stort sett gått rette vegen.
Kameramann
Vanlegvis er det 24-åringen frå
Øygarden som vert intervjua og teken
bilete av. Det kanskje ikkje alle veit er at
Dale Oen sjølv er ein framifrå fotograf.
Han er for tida fotostudent på Norges
Kreative Fagskole i Bergen, der målet er
å ta ein bachelor innan fotokunsten.
– Med åra har eg vorte meir og meir
interessert i estetikk. Ikkje noko kan
måla seg med vakre landskap. Å vakna
opp saman med sola på Skålatårnet
(1850 moh) i Loen ein septembermorgon
klokka halv seks, med nysnø på toppane
og ein utsikt som er tilnærma uendeleg:
Då blir det berre ikkje flottare.
Eller når eg har puddersnø under plankane
saman med gode vener ned fjellsidene
i Lofoten, og havet formeleg kjem
mot oss. Det er opplevingar som gjer
noko med deg som menneske, og du
kjenner deg uendeleg privilegert, hevdar
Dale Oen.
Hentar impulsar
Men om han er aldri så glad i heimlandet
sitt, veit den eminente brystsymjaren
betre enn nokon at impulsar og
påverknad frå det store utlandet er både
nyttig og naudsynt.
– Før jul var eg i Japan og trena saman
14 [NORSK SVØMMING 1/2010]