Norsk Svømming nr 1 - Norges Svømmeforbund

Alexander Dale Oen Det har vore ein usedvanleg kald og snørik vinter i Bergen. Han er glad han kan pakka vekk topplua og reisa
med landslaget til Miami i 14 dagar.
med Kõsuke Kitajima og trenaren hans,
Nori Harai. Kitajima har vore den
leiande brystsymjaren i verda i mange
år, og det var også han som tok sigeren
i sølvløpet mitt. Å vera saman med
desse folka, og å få oppleva storbyen
Tokyo (36 millionar innbyggarar) på
nært hald i tre veker, var heilt spesielt.
Å ta del i eit miljø der respekt, disiplin
og takksemd er det essensielle, var
lærerikt både treningsmessig og reint
menneskeleg.
▼
[Likt og ulikt om Alexander Dale Oen]
Siste boka du har lese?
– Eg held på med ei nett no, ”Words that
work”. Den handlar om korleis George
Bush jr. kunne vinne valet i USA, når alt
talte imot. Om makta til den som skriv
talane. Det er ikkje kva du seier som er
avgjerande, men kva mottakaren høyrer.
Interessant. Er ikkje veldig interessert i
skjønlitteratur.
Er Bergen symjehovudstaden?
– By far. Bergen er og blir den sterkaste
symjebyen. Trur det heng nøye
saman med at det alltid har vore god
konkurranse mellom klubbane i byen.
Difor er det også heilt naturleg at
hovudanlegget kjem her. Bergen har i
dag ingen arenaer av internasjonal
storleik.
Bryr du deg om Brann?
– Spelte fotball heime i oppveksten, og
var nok Brann-patriot den gongen. I
dag er ikkje fotball noko eg har særskilt
interesse for. Men klubben har ein
enorm posisjon i Bergen.
Olympiatoppen?
– Eit fantastisk apparat. Treng eg lege,
ernæringsråd eller fysikalske hjelp er
det berre å ta ein telefon. Sjølv er eg
gjerne innom ein gong kvar tredje
veke. Litt pinleg at eg ikkje veit namnet
på fleire av dei eg møter der.
Kor mykje trenar du?
– På vekedagane er det to eller tre økter.
I helgane som oftast rolegare. Den første
økta startar ofte klokka seks om morgonen.
Då kan det vera nærare 30 konkurransesymjarar
på plass i Sentralbadet. Eg
prøver også å kvile ein time i løpet av
dagen.
Kva gjer deg forbanna?
– Folk som berre klagar, sjølv når ein bur
på fine hotell og et god mat på restaurant.
Det er noko av det verste eg veit.
Når ein bur i Noreg har dei fleste det
ufatteleg bra, og då burde ein vera takksam
i staden for å syta og klaga.
Kor går draumeturen?
– Det er mange utflukter eg kunne
tenkt meg å vera med på. Men kanskje
står ein skitur til Sydpolen øvst på
ønskelista. Let meg lett fascinera av
slike ekstremopplevingar, og trur det
kunne vore noko å strekkja seg etter.
Kva er drivkrafta?
– Det er når du slår inn i bassengkanten,
kikkar opp på tavla og ser at du
har smadra persen, eller sett ny OLrekord.
Det er opplevingar som også
får deg til å lika smerte like mykje som
den høgaste ekstasen. Og berre slik
kan ein leggja grunnlaget for det heilt
store.
[NORSK SVØMMING 1/2010] 15