Økologisk tungmetall - Fagbladet Økologisk Landbruk

på gården
Økologisk tungmetall
Knut Magne Valle har innreia
musikkstudio i ei gamal mølle
på garden i Gjerstad. Her
produserar han musikk for blant
anna Mayhem, og arrangerer
kvart år Møllafestivalen. Det
serverast heimelaga økomat til
tungrockerane!
Inger Birkeland Slågedal | NLR Agder
Knut Magne Valle (36) er noko så
sjeldan som ein norsk tungmetallgitarist,
låtskrivar, platestudioeigar,
plateprodusent og festivalarrangør. I
tillegg er han musikklærar, gitarmakar og
økologisk bonde; ein ekte mangesyslar
med kone og tri born.
Han driv Prestfoss Mølle lyd og
musikkstudio, som ligg godt gøymt inni
skogen øvst i Gjerstad, ei lita bygd aust i
Aust-Agder. I august kvart år er det tid
for Møllafestivalen, som i år gjekk av
stabelen for åttande gong.
Ull og feit lyd
Knut Magne og kona Idun tok over
garden etter foreldra hans i 2002. Garden
hadde vore eit mjølkebruk i mange år,
men kvota blei selt og det var økologiske
Knut Magne speler sjølv i metallbanda
Ulver og Arcturus når han ikkje arbeider på
garden som han og kona Idun driv økologisk
med mohairgeit. Foto: Ole J. Kverneland
ammekyr der då dei unge tok over.
Dei hadde då budd i Oslo i fleire
år, der han dreiv platestudio og ho var
kjøkkensjef på eit hotell. Dei har begge
sansen for gardsdrift og livet på landet,
men Knut Magne ville ikkje gje opp
den spesielle musikkinteressa si, og Idun
som er glad i dyr ville drive med geit.
Løysinga blei å satse på ull og feit lyd. Og
det har dei klart. No bur dei på garden
Eskeland med sine tri born Tyra (11),
Ask (9) og Frøya (6).
Geitedraumen
Idun Feltberg Valle er oppvaksen på
Hønefoss og har jobba på hotell i mange
år. Ho har alltid vore veldig glad i dyr,
og då ho slo seg saman med odelsguten
Knut Magne, kunne draumen om eigne
husdyr bli verkeleg.
Ho starta med nokre høns, litt sau og
gjekk så over til mohairgeit. No er det
kring 27 geiter i flokken, som er ein av
to Debiogodkjente Mohairbesetningar i
landet. Dei driv 75 daa jord til slått og
beite, og har òg kring 5 daa fôrkorn som
malast på ei lite kornkvern til dyra, samt
litt grønsaker og potet til eige bruk og til
festivalen.
Geitene får bare høy, ikkje ensilert
grovfôr. Dei blir klypt ein gong i året og
noko av ulla blir sendt til Telemark for
spinning, men det er ennå ikkje noko
mottak for større mengder ull. Det er
særs dårleg pris på kjøtet, så det er sal
av livdyr og fellar som gjev økonomi.
Hannkjea blir kastrerte og fôra opp
,og deretter slakta hos slaktar Eide i
Lillesand, som samarbeider med ei bedrift
som preparerer skinna.
4H-jentene er en viktig del av festivalen som Knut Magne har gjort til en bygdefest. Thea
Aasbø, Amalie Grunnevoll, Eirin Dalen og Malin Høgbrot. Foto: Inger Birkeland Slågedal
Faklar og god stemning
Knut Magne har restaurert den gamle
mølla, som mest heldt på å dette ned
då han starta det store arbeidet. Her
har han bygd eit av Noregs største
musikkstudio, med plass til ein felemakar
i første høgda. Rett utanfor mølla durar
Prestfossen i eit malerisk miljø som dei
1000 deltakarane på Møllafestivalen er
så glad i.
Ein tridagars festival med rock og
metall, ikkje just for sarte sjeler - eller
kanskje akkurat det Heile festivalen
har på ein måte eit hippiepreg. Sjølv om
bandet Arvas gjekk hardt ut på sena
fredag, er folka bak snille gutar med
langt hår og omsorg for kvarandre - trur
eg. I alle fall er stemninga på topp når
hundrevis av faklar lysar opp området
kring Mølla fredag 20. august, og
musikken dundrar ut frå dei gigantiske
høgtalarane. Regnet høljar ned, men
44 Nr. 3
2010

Bøndene på Gjerstad har den eine av to
Debiogodkjente Mohairbesetningar i landet.
Foto: Idun F. Valle
Det er god stemning når Arvas utfolder seg på senen. Foto: Inger Birkeland Slågedal
publikum let seg ikkje merke med det,
og ein gigantisk presenning sørgjar for at
folk heldt seg nokolunde tørre.
Himmel og rockejord
Festivalen er som eit bransjetreff med
andre musikarar, men òg fans frå heile
verda. Knut Magne som spelar i det
avantgardistiske operametallbandet
Arcturus er godt kjent i rockemiljøet
rundt i verda, i tillegg til at han har
produsert 50-60 plater.
Publikum kjem frå både Noreg,
Norden, England og heilt frå New
Zealand for å oppleve stemninga og
samhaldet. Med ein gong eit band spelar
opp er hovudslenginga i gong. Langt
hår, med og utan krøllar, får lufta seg
skikkeleg fram og tilbake, og i ring. Her
er folk heilt med!
Metallringar i øyre, nase og sikkert
mange andre stadar, store, flotte
tatoveringar og svarte klede dominerar,
men vanlege klede og vanlege folk finst
òg. Folk frå 10 til 70 år – alle ser ut til å
kose seg på den fantastiske plassen med
fossedur og skogen full av faklar. Og unge
Tyra ser ut til å vere vant med å stå på
scenen og introdusere alle banda.
Naturleg festival
Nokre timar etter festivalstart støyter
eg på Knut Magne ved inngangen. Då
har eg nett prata med to av dei mange
friviljuge som gjer festivalen muleg.
Dei synest det er skikkeleg moro å selje
billettar og klemme silkearmband på
folk med Møllalogoen i raudt på svart
bakgrunn. På spørsmål om hossen det
Hundrevis av faklar setter ei flott ramme rundt arrangementet. Foto: Ole J. Kverneland
går svarar Knut Magne: - det går greitt,
men det er heilt vilt med ting å passe
på, mykje logistikk veit du. Han får bare
5000 kr i tilskot til heile arrangementet,
og dei pengane har han ikkje ein gong
søkt om. Det er visst kulturleiaren i
kommunen som har fått inn festivalen på
budsjettet, seier Knut Magne som ikkje
likar for mykje byråkrati.
Elles er alt gjort på dugnad; her blir
graset slått med ljå i bakkane, trær er
felt og snikra saman til benkar. Rundt
om i terrenget finn ein ølbu, matbu,
lydbu, dass og små bruer. Heile området
er gjerda inne med ein flott skigard.
Full søppelsortering er òg på plass med
tydelege skilt.
Mat frå garden
Idun er matsjef og har saman med
gode hjelparar stått på kjøkkenet på
Gjerstadheimen og laga hjorteburgarar,
kyllinggryte med dressing, speltsuppe og
vegetarisk rotgryte. Ho har bakt grove
rundstykke og laga eggesalat. Til og med
hamburgarbrøda har ho laga sjølv, med
nesten alle råvarar økologiske frå garden
eller frå naturen. Fire blide 4H-jenter
står i matbua og sel denne gode maten.
Dei likar ikkje den hardaste musikken,
men gler seg stort til at Mari frå X-faktor
skal avslutte festivalen laurdag kveld.
Her er noke for alle!
www.mollamusic.com
inger.slagedal@lr.no
Nr. 3
2010
45