2007 - Hordaland fylkeskommune

Hordaland fylkeskommune sitt
internasjonale engasjement
- RAPPORT OVER VERKSEMD I 2007

1 Generelt om internasjonalt arbeid
1.1 Nasjonale rammer for det internasjonale
arbeidet
Noreg er ein del av eit stadig meir samanvevd
internasjonalt samfunn. Internasjonale avtaler,
så vel som utviklinga på den internasjonale
marknaden påverkar Noreg, heilt ned til dei
lokale effektane. Den auka globaliseringa er ei
utfordring for norske verksemder som må
konkurrere med lavkostnadsland, men den gir
og moglegheiter for eit auka samarbeid over
landegrensene. Regionalpolitikken er eit godt
døme på sterkare internasjonal integrering.
Regionar samarbeider over landegrensene med
utfordringar. Internasjonalt samarbeid har og
blitt ein viktig reiskap for læring, erfaringsutveksling
og politikkutvikling.
Internasjonal deltaking understrekast og i dei
førande dokumenta frå regjeringa. Kvart fjerde
år leggast det fram ei stortingsmelding om mål
og strategiar i distrikts- og regionalpolitikken. I
alle dei tre siste prinsippmeldingane (1996-
1997, 2000-2001 og 2004-2005) har verdien av
internasjonale samarbeid og program blitt
understreka. I den siste av dei, St. meld nr 25
”Om Regionalpolitikken” (2004-2005)
framhevast internasjonalt samarbeid igjen som
eit av dei sentrale virkemidla for å nå dei
regionalpolitiske måla; ”Internasjonalt
samarbeid: Regjeringa legg opp til at Noreg
skal halde fram med å delta aktivt i fleire typar
av samarbeid for regional utvikling over
landegrensene, gjennom Barentssamarbeidet,
Interreg og nordisk samarbeid.
Det er viktig å sjå på internasjonalt samarbeid
som ein reiskap for å nå dei måla som
fylkeskommunen har satt, og ikkje som eit mål i
seg sjølv. Dette presiserast og i St. meld. 19
”Nye oppgåver for lokaldemokratiet” (2001-
2002); ”Deltaking i internasjonalt
regionalpolitisk samarbeide har som
utgangspunkt dei forskjellige moglegheitene og
utfordringane ein region står ovanfor.
Deltaking i slikt samarbeid skal på lik linje med
andre verkemiddel bidra til å fremme ein god
regional utvikling (..)Det internasjonale
samarbeidet må inngå som ein integrert del av
det regionale utviklingsprogrammet.”
Derimot er det internasjonale arbeidet ein særs
viktig reiskap for fylka, eit faktum som
regjeringa har understreka ved fleire høve; I St.
meld 21 ”Hjarte for heile landet Om distriktsog
regionalpolitikken” (2005-2006)
understrekast nok ein gang fylkeskommunane si
rolle som regional utviklingsaktør med at
”Deltaking i internasjonalt regionalpolitisk
samarbeid er i dag ein integrert del av det
regionalpolitiske arbeidet til dei fleste
fylkeskommunane.”
Det er ikkje bare samarbeidet gjennom dei EUfinansierte
programma, slik som Interreg, som
blir tillagt vekt, i St. Meld 12 ”Regionale
fortrinn – Regional framtid” (2006-2007)
understrekast det og kor viktig det er å ”delta i
faste internasjonale samarbeidsorganisasjonar
eksempelvis (..) Nordsjøsamarbeidet”.
Den internasjonale verksemda i Hordaland
Fylkeskommune er dermed i god
overeinstemming med dei føringane som er lagt
frå regjeringa si side.
1.2 Dei politiske rammene for det
internasjonale engasjementet i Hordaland
Regjeringa sin fokus på internasjonalt
samarbeid gjenspeglar seg i Hordaland Fylkeskommune
sitt internasjonale engasjement.
Fylkeskommunen har i over 20 år vore ein aktiv
og engasjert aktør i internasjonalt samarbeid;
gjennom samarbeidsregionar, EU-finansierte
program eller medlemskap i internasjonale
organisasjonar, og det internasjonale
engasjementet har såleis blitt ein viktig reiskap
for fylkeskommunen i arbeidet med å oppfylle
dei vedtekne måla - internasjonalt arbeid skal
såleis gjennomsyra heile organisasjonen og vere
ein integrert del av arbeidet innan kultur,
næringsutvikling, opplæring, miljø, samferdsel
og sosiale spørsmål.
Dei eksisterande visjonar, mål og strategiar for
det internasjonale arbeidet i Hordaland Fylkeskommune
blei vedtatt av Fylkestinget i
desember 2004.
1

Den overordna visjonen er:
”Vestlandet; ein kreativ, inkluderande og
verdiskapande region i Europa.”
Hovudmåla for det internasjonale arbeidet i
fylkeskommunen er at det skal bidra til å:
• gjere Vestlandsregionen kjend utafor
Noreg sine grenser
• fremje Vestlandsregionen sine interesser
• auke samhandlinga mellom
innbyggjarar og verksemder i
Vestlandsregionen og inn-byggjarar og
verksemder i andre deler av verda
Kvar avdeling formulerar sine delmål i høve til
behov og ønskje.
Dei konkrete strategiane for å oppnå disse
måla er som følgjer:
1. Hordaland fylkeskommune skal samarbeide
med dei andre fylkeskommunane på
Vestlandet i si internasjonale satsing
2. Hordaland fylkeskommune skal vere ein
aktiv medspelar for kommunar, skolar,
verksemder og andre aktørar i deira
internasjonale satsing
3. Hordaland fylkeskommune skal, gjennom
strategisk informasjonsarbeid til ulike
aktørar i regionen, auka kunnskapen om
andre land sin struktur og kultur, Europa og
EU-systemet inkludert.
4. Hordaland fylkeskommune skal, i
samarbeid med vidaregåande skolar,
høgskolane, UIB og forskingsinstitusjonane,
bidra til at internasjonale stønadsordningar
som EU og Nordisk råd sine FOU program
vert nytta betre.
1.3 Organisering av det internasjonale
arbeidet i fylkeskommunen
Alle avdelingane i sentraladministrasjonen er
engasjerte i internasjonale aktivitetar og har
ansvar for å formulere sine eigne delmål for si
internasjonale verksemd.
utviklingsarbeidet og er i dag den operative
internasjonale eininga i fylkeskommunen.
Europakontoret har m.a. ansvaret for EUprogram
som Leonardo da Vinci, Aktiv
Ungdom og Interreg.
Arbeidslaget Internasjonalt arbeid (etablert i
mars 2003) skal samordne, profilere og utvikle
det internasjonale engasjementet til fylkeskommunen,
i nært samarbeid med dei andre
avdelingane.
2 Geografisk fokus: Samarbeidsregionar
Hordaland Fylkeskommune samarbeider med ei
rekkje regionar, først og fremst innan Europa,
for å nå dei måla som er sett for fylkeskommunens
virkefelt. Samhandling med disse
regionane er ikkje eit mål i seg sjølv, men eit
middel til å oppnå dei andre måla som er sett.
2.1 Formaliserte samarbeidsregionar
Hordaland Fylkeskommune har 4 formelle
samarbeidsavtalar med regionar i Europa;
Basse-Normandie i Frankrike, Cardiff i Wales,
Orknøyane i Skottland, og Kaunas i Litauen
Conseil Régional de Basse-Normandie
Samarbeidet byggjer på dei historiske banda
mellom regionane og tar sikte på å omfatte både
kultur, opplæring og næringsutvikling. Ein
samarbeidsavtale vart underteikna i 1993.
I løpet av 2007 har det vore aktivitetar innan dei
definerte områda, om enn på eit moderat nivå.
Innan opplæring var ein Erasmusstudent frå
Nedre-Normandie våren 2007 utplassert i
Fylkesadministrasjonen, medan ein student frå
Université de Caen hadde utplassering i tre
månader på gard i Hardanger etter fullførd
utveksling til Universitetet i Bergen.
I tillegg har fylkeskommunen to einingar som
jobbar spesifikt med den internasjonale
kontakten; Europakontoret/hjemmeapparatet til
Vestnorsk Brusselkontor og Internasjonalt
Arbeidslag. Europakontoret blei etablert i 1996
for å vektleggje den europeiske dimensjonen i
2

Innan kultursektoren bidrog den musikalske
gruppa ”Rendez Vous”, med folkemusikkutøvarar
frå både Hordaland og Normandie,
med eit program som viste fram både norske og
franske musikktradisjonar, mellom anna under
”Bergen International Stoccafisso Festival”.
Innan næringssektoren var samarbeidet fokusert
på det marine, med ein studietur for kartlegging
av marin sektor i februar og deltaking på
symposiet Sante-Mer, om positive helseeffektar
av sjømat og algar, i oktober.
Vurdering av samarbeidet
Aktivitetsnivået i forhold til Nedre-Normandie
har dei siste åra vore lågt. Det er derimot eit
potensial for samarbeidsaktivitetar innan fleire
område, og det er håp om at den nye organiseringa
på fransk side vil gjere det lettare.
Cardiff, Wales
Samarbeidet med Cardiff-området hadde sin
bakgrunn i attreisinga av den norske sjømannskyrkja
og vart formalisert ved ein avtale med
regionen South Glamorgan i 1993, og med
Cardiff i 2000 (etter regional omorganisering).
Samarbeidet vil fremja næringsutvikling,
utdanning, kultur, sport og ungdom.
I 2007 deltok Hordaland på Cardiff Food and
Drink Festival i juli. Denne deltakinga var
viktig både i forhold til reiselivet,
opplæringsfeltet og satsinga på matkultur.
Det har og vore følgjande aktivitetar :
Innan opplæring og ungdom er utveksling av
elevar på vidaregåande skole, organisert av
Knarvik vidaregåande, er ein viktig del av
samarbeidet. Skoleåret 2007/08 er 16 elevar
utplassert på forskjellige skolar i Cardiff og
Vale of Glamorgan. Fylkeskommunen deltok
og på seminaret Generation Europe, i oktober,
om dei utfordringane som både dei yngre og dei
eldre generasjonane møter.
Innan kultursektoren deltok Hordaland i
november ved tenninga av lysa på juletreet ved
den norske kyrkja i Cardiff, samt konsertar
arrangert av fylkeskonsertane. Fylkesordføraren
representerte fylkeskommunen.
Innan næringssektoren var Nettverk for planog
byggesakshandsamarar i Nordhordland,
saman med representantar for fylkesmannen og
fylkeskommunen i november, på fagtur til
Cardiff for å studere deira forvalting.
Vurdering av samarbeidet:
Samarbeidet med Cardiff har lenge hatt fokus
på kultur og opplæringssamarbeidet, men i
2007 kom felta ungdom og næringsutvikling
sterkare inn. Fleire ulike aktivitetar er og
planlagde for 2008.
Orkney Islands Council, Scottland
Hordaland Fylkeskommune og Orkney Islands
Council inngjekk vennskapsavtale i 1983 og eit
tett samarbeid har utvikla seg gjennom åra.
Aktivitetane i 2007 var konsentrerte omkring
opplæring og kulturarrangement.
Innan kultur var
julefestivalen i
november/ desember
det leiande
arrangementet.
Gruppa Fabelfolk
framførde sin
mellomaldermusikk
under både skolekonsertar
og kveldskonsertar
over fleire
dagar. 1. desember var
fylkesvaraordføraren
frå Hordaland med å
tenne lysa på juletreet
utanfor St. Magnus
katedralen i ein seremoni som samla 1000 av
regionens vel 20 000 innbyggarar. Andre
kulturtiltak inkluderer ein skotsk studie av
friluftsundervisning i Bergen og turnè på
Orknøyane med Kammerkoret ”Takt og tone”.
På opplæringsfeltet er utveksling av elevar i den
vidaregåande skole sentralt. Skoleåret 2007/08
er det ein elev frå Slåtthaug vidaregåande ved
Kirkwall Grammar School, medan to elevar frå
Kirkwall er eit år på Voss Folkehøgskule.
Vurdering av samarbeidet
Orknøyane er Hordaland sin einaste
venskapsregion, og samkvemmet har eit breitt
grasrotengasjement. Det vert lagt vekt ein brei
kulturkontakt og ei framleis styrking av
utdanningssamarbeidet. I 2008 feirast 25-
årsjubileum for venskapsavtalen.
3

Kaunas, Litauen
Ein formell samarbeidsavtale blei skriven i
1998, men det har vore kontakt på opplæringsfeltet
sidan 1991/92. Avtalen blei revidert i mai
2004 og næringsutvikling og nyskaping vart
inkludert som nye samarbeidsområde.
I løpet av 2007 har det vore aktivitetar innan
følgjande område:
På kulturfeltet har det vore fleire samarbeidstiltak
slik som markering av Litauens
sjølvstendedag i februar med ei kulturhelg med
kunstutstilling og konsertar, den 10. Grieg-
Ciurlionis festivalen i Kaunas i mars med
deltaking av musikarar frå Hordaland, så vel
som kunstsamarbeid mellom Galleri 3,14 i
Bergen og litauiske institusjonar.
Innan opplæring har eit sentralt element vore
det toårige prosjektet ”Leiing i lærande
organisasjonar”, som blei avslutta hausten
2007. Det blei arrangert fire samlingar i løpet
av dei to prosjektåra, i 2007 blei det arrangert ei
samling i Hordaland i april og ei i Kaunas i
september. I tillegg samarbeider fleire
vidaregåande
skolar i
Hordaland med
skolar i Litauen
– både i Kaunas
og i andre byar.
Skoleåret
2007/08 er det
to elevar frå
Kaunas ved
Folkedanslinja
på Manger
Folkehøgskole.
På næringsfeltet har felles deltaking i interreg
IIIC prosjektet ENABLE og arbeidet med nye
søknadar til både interreg IVC og IVB ført til
gode kontaktar mellom ulike institusjonar i
Hordaland og i Kaunas-området. Hordaland
Fylkeskommune medverka og i 2007 ved
konferansen ved Lithuanian Regional Research
Institute, Kaunas, med temaet ”Competence
development of the human resources in
problematic regions in Lithuania”.
Vurdering av samarbeidet
Det har vore god og variert aktivitet i 2007. To
store samarbeidsprosjekt blei derimot avslutta i
løpet av året og det vil derfor være opp til
oppstarten av nye prosjekt om det same nivået
skal kunne oppretthaldast i 2008.
2.2 Uformaliserte samarbeidsregionar
Fylkeskommunen har og eit nært, men
uformalisert samarbeid med to regionar;
Edinburgh i Skottland og Thüringen i Tyskland
Thüringen, Tyskland.
Hordaland Fylkeskommune har eit særs godt
samarbeid med regionen Thüringen innan
utdanning, næringsliv, forsking og til dels
kultur. Samarbeidet med regionen vaks fram frå
1993 gjennom tiltak innan EU-programmet
COMETT II og seinare Leonardo da Vinci.
Innan næringsutvikling har det vore jamn
kontakt med dei regionale innovasjonsselskapa
i samband med ENABLE-programmet, samt
EUROPEER-prosjektet. I juni var tre
mediabedrifter frå Hordaland inviterte med på
”erwicon” som er Erfurt sin årlege konferanse
om nærings- og teknologiutvikling. Det vart
etablert gode kontaktar for vidare samarbeid.
Dette var ei oppfølging av prosjektet ”Erfurt
Direkt”. I desember var Hordaland, saman med
ni andre europeiske regionar, invitert til å ta del
i ein konferanse der Thüringen viste korleis dei
vil nytte nye EU-virkemiddel til styrka
regionalt samarbeid.
I forhold til opplæringsdelen er det eit
formalisert samarbeid om ”Hordalandsklassen”
ved Andreas Gordon Schule i Erfurt frå august
2007. Det var stor søkning til denne klassen og
8 elektro-elevar blei plukka ut. Tilbodet er
koordinert av Askøy vidaregåande skole.
Vurdering av samarbeidet
Det har dei siste åra vore stor aktivitet i forhold
til næringsaktivitetar med Thüringen, og begge
partar har vist stor vilje og evne til å engasjere
seg. ”Hordalands-klassen” i Erfurt er vonleg eit
teikn på at og opplæringssamarbeidet med
Erfurt no blir sterkare.
Edinburgh, Skottland
Samarbeidet med Edinburgh by har sitt
utgangspunkt i juletreet som Hordaland dei
siste 24 åra har gitt som takk for hjelpa under
andre verdskrig, og er framleis knytt opp mot
4

førjulsarrangementa. Siktemålet er m.a. å
profilera Hordaland i innan kultur, utdanning,
turisme m.m.
Aktivitetane i 2007 var i hovudsak knytte opp
mot kulturarrangementa Edinburgh Capital
Christmas Festival kor tenninga av lysa på
julegrana frå Hordaland blei ein integrert del i
2000. Årets juletre på The Mound blei tent 22.
November. Lord Provost, Edinburgh og
Fylkesordføraren i Hordaland stod for den
offisielle delen, medan eit Grieg-program var
årets kulturelle bidrag, m.a. under adventskonserten
i St. Giles Cathedral.
Fleire skotske familiar er og blitt invitert til
Hordaland, som ledd i strategien for auka fokus
på Hordaland som reislivsmål. Familiane til
vinnarane av høvesvis skrive- og teiknekonkurransane
for skolane i Edinburgh, kom i
mai og juni 2007, mens familien som vann ein
tur for å delta i hogginga av årets juletre (sjølv
om det dessverre blei avlyst) kom i november.
Vurdering av samarbeidet
Det norske Generalkonsulatet i Edinburgh har
vore ein viktig støttespelar og har på mange
område vore mellomleddet mellom dei
regionale administrasjonane og nedlegginga av
generalkonsulatet hausten 2008 vil stille nye
krav til oppfølging. Sjølv om vinterfestivalen i
Edinburgh er eit flott kulturarrangement er det
potensial for utvida samkvem med Edinburgh.
2.3 Resten av verda
Hordaland har og samarbeid med andre
regionar, men då meir fokuserte einskilde tiltak.
Etter kvart har fylkeskommunen utvikla eit nært
samarbeidsforhold med fleire av desse og det
som byrja som eit samarbeid konsentrert om ein
aktivitet eller prosjekt har etter kvart utvikla seg
til å omfatte fleire ulike felt.
Regionen Liguria i Italia er eit slikt eksempel.
Gjennom samarbeidsprosjekt i ulike EUprogram
og i bilateralt samarbeid har dette blitt
ein viktig samarbeidsregion. Stikkord for
samarbeidet: Tørrfiskfestival i Bergen, slowfood-opplæring,
lærlingeutplasseringar,
samarbeid i ulike EU-prosjekt og -søknader
mm. I oppfølginga av ENABLE, vart Liguria
invitert til å vere med i søknaden til
INTERREG IVC i prosjektet HUMANS
Sjølv om alle Hordaland sine formaliserte
samarbeidsregionar ligg i Europa, finst det og
samarbeid med regionar utanfor Europa –
kanskje først og fremst på kultur. Innan Kulturog
Idrettsavdelinga har Seksjon for Kulturminnevern
hatt kontakt med Mozambique.
Fylkeskonsertane har gjennom det siste året
vore involvert i konsertar både i Guatemala og
Kina, og i førebuingane til det kommande
Interreg-prosjektet ”Economuseums Northern
Europe” har Seksjon for Kulturbasert Verdiskaping
samarbeidd nært med Quebec i Canada.
Opplæringsavdelinga har og kontaktar utanfor
Europa, t.d. entreprenørprosjektet i Zambia og
den internasjonale klassen ved St. Paul High
School, USA, organisert av Øystese Gymnas.
Arbeidslaget Verdiskaping i Kystsona deltok i
november med innlegg på ein konferanse ved
Simon Fraser University i Vancouver, Canada
om oppdrett, miljø og lokalsamfunn, med
etterfølgjande besøk til landsbyar i provinsen
for å sjå på fiskeoppdrett i små lokalsamfunn.
Sidan januar
2006 har
opplæringsavdelinga
og
Sotra vidaregåande
skole
vore involvert i
prosjektet
”School integrated entrepreneurship” på Mbala
High School i Northern Province, Zambia.
Prosjektet har hatt som mål å integrere ungt
entreprenørskap i undervisninga i Zambia. Frå å
vere eit skole-til-skole-prosjekt går dette over
til eit region-til-region-prosjekt i januar 2008 (jf
FUV-sak 20071120).
5

3. Samarbeidsfora: Organisasjonar
3.1 Internasjonale organisasjonar
Medlemsskap i interregionale (interesse-)
organisasjonar er viktig for at Hordaland skal få
ein påverkingsmoglegheit i EU-systemet, som
uavhengig av norsk medlemskap har ein
verknad på norske fylkeskommunar. I tillegg til
dette er organisasjonane ein viktig møteplass og
ein sentral arena for erfaringsutveksling og
kompetanseheving. Hordaland er med i 4
internasjonale organisasjonar.
Conference on Peripheral and maritime Regions
CPMR er ein interesseorganisasjon for perifere
og maritime regionar i Europa. Dei er paraplyorganisasjon
for 7 geografiske kommisjonar og
involverer meir enn 150 regionar frå 26 land.
Strategi- og Næringsavdelinga/Plan og Miljø
presenterte Hordaland på CPMR sin
generalforsamling i Toscana i oktober.
Slutterklæringa til generalforsamlinga la vekt
på maritim politikk, bærekraftig energi &
kampen mot klimaendringar og regionanes rolle
i globaliseringa. I 2007 har CPMR og engasjert
seg sterkare på den internasjonale arenaen
gjennom leiarskapen i det nye globale
nettverket av regionar – FOGAR.
Vurdering av deltakinga i CPMR:
Hordaland Fylkeskommune har ei moderat
deltaking i CPMR. Likevel har medlemskapen
konkret nytte for fylkeskommunen, kanskje
særleg i forhold til kompetansebygging,
nettverksbygging og ”benchmarking”.
Organisasjonen sender ut jamlege nyheitsbrev
som gir god oppdatering på EU-saker som er
relevante for regionane. Generalforsamlinga er
ein stad der blikket vert heva, og perspektivet
på regional utvikling vert sett i større
samanheng. Dei siste åra har det vore fokus på
berekraftig utvikling. I 2007 var klima eit
sentralt tema, og både i innlegga og
diskusjonane kom det fram perspektiv som har
vore sers nyttig i utarbeiding av ei sak til
Fylkestinget om oppstart av ein klimaplan for
Hordaland. CPMR si generalforsamling er også
ein uformell møteplass mellom norske
regionpolitikarar og fagfolk. Kontakten og
nettverket som vert utvikla er svært viktige.
Nordsjøkommisjonen - NSC
NSC, som vart oppretta i 1989, er ein av sju
geografiske kommisjonar under paraplyorganisasjonen
CPMR. Den representerer 64
regionar frå 8 land i Nordsjøregionen.
Hordaland fylkeskommune har representantar i
alle dei 5 temagruppene: Culture & Tourism,
Innovation & Education, Sustainable
Development, Marine Resourses og Transport,
sjølv om aktivitetsnivået har vore varierande.
Hordaland har vore særleg aktiv i gruppene
Kultur og turisme og Marine ressursar. M.a.
blei det, etter initiativ frå temagruppa Marine
ressursar halde eit North Sea Inshore Fisheries
Seminar i Glasgow, i mai, der det var innlegg
ved Fylkesvaraordførar Tom-Christer Nilsen,
samt ein representant frå Fiskarlaget Vest.
Nordsjøkommisjonen og Nordsjøprogrammet
(Interreg IVB) arrangerer kvart år ein felles
konferanse, der også Generalforsamlinga i
Nordsjøkommisjonen vert gjennomført.
Felleskonferansen 2007 fann stad på Brunstad,
Vestfold i juni. I samband med konferansen
vart det nye Nordsjøprogrammet – 2007-2013,
lansert. Konferanseprogrammet omfatta
seminar og verkstader om det nye Interreg IVBprogrammet
og prioriteringane.
Work Shadowing Scheme
I 2007 lanserte Nordsjøkommisjonen eit
opplegg for “Work Shadowing”, for å betra
samarbeidet mellom medlemsregionane i
Nordsjøkommisjonen. Siktemålet er å investere
i og lære opp sakshandsamarar frå lokalt og
regionalt nivå i Nordsjøområdet. Opplegget
satsar på utveksling av “best practice” og
tilgang til studieopplegg på eit breitt felt.
6

Vurdering av medlemskapen
Nordsjøsamarbeidet er velorganisert og
fungerer etter føremålet. Via CPMR kan
Nordsjøkommisjonen påverka arbeidet på EUnivå
på ulike felt.
Alle temagruppene har utarbeidd handlings- og
satsingsplanar for perioden 2008-2010,
godkjende av styringskomiteen. Det er viktig å
oppretthalde både fagleg og politisk kontakt.
Nordsjøsamarbeidet er ein særs viktig
innfallsport til internasjonalt samarbeid. Det gir
nettverk, læringseffekt, økonomisk utteljing og
medverknad på den europeiske arenaen.
Arbeidet gir utteljing i form av nettverk og
kontaktar som seinare kan løyse ut eksternt
finansierte samarbeidsprosjekt
Assembly of European Regions -AER
AER er ein interesseorganisasjon for europeiske
regionar som vart stifta i 1985 og har omlag
200 medlemer. Hovudmålet er å stimulera til
dialog, diskusjon, studiar og samhandling
mellom regionar i land som er medlem av EU
og /eller Europarådet.
Aktivitetar 2007
- To elevar deltok på sommarskole i Devon,
England (jf FUV-sak 116/07),
- Fylkesordføraren (og ein frå administrasjonen)
deltok på generalforsamlinga i november (jf
FUV-meld 323/07).
- Fylkesordføraren var i 2007 medlem av
Byrået (styret) i AER som ein av to norske
representantar og deltok på styremøte på Hamar
i mai og styremøte i samband med
generalforsamlinga i november
- Administrativ deltaking på konferanse om
regionalisme i Skandinavia..
- Hordaland fylkeskommune deltok i eit
forprosjekt "Decentralisation Indicators" saman
med 3 andre europeiske regionar og eit
forskingsinstitutt i Basel, der målsettinga var å
lage eit sett med indikatorar for å måle grad av
politisk makt til å forme eiga utvikling. Siktemålet
er eit hovudprosjekt som vurderer korleis
regional makt påverkar regionane/fylka sin
økonomiske veksttakt.
- Fylkesordføraren tok del i eit møte blant
norske AER- fylkeskommunar på Gardermoen
2. februar der m.a. generalsekretæren i AER tok
del.
Vurdering av medlemskapen
Generalforsamlingane i AER har vore
gjennomgåande interessante og halde ein høg
standard som gjer det mogleg å få kunnskap om
viktige prosessar i Europa. Når det gjeld
ungdomsaktivitetane, så har deltakarane på
Ungdommens sommarskule kome med positive
tilbakemeldingar. Fleire norske fylke er aktivt
med i AER sitt ungdomsarbeid, og det gir eit
viktig nettverk.
AER driv og ei rekkje prosjektaktivitetar og
konferansar med aktuelle tema. Gjennom arbeid
i AER er det mogleg å arbeide på ein lite
byråkratisk og kostnadskrevjande måte. Det gir
høve til å kunne følgje med internasjonalt og gir
nettverk med regionar i andre land. Mulege
tema er energipolitikk, spesielt utvikling av
alternativ energikjelder, klima- og miljøutfordringar,
reiseliv og næringsutvikling.
Organisasjonen arbeider med å utvikle nettverk
av kunnskap om regionalisme og
regionaliseringsprosessar, og med å utarbeide
eit europeisk regionalt treningsinstitutt.
Baltic Sea States Subregional Committee
BSSSC er eit politisk nettverk for regionane i
de 10 landa som grensar til det baltiske hav.
Samarbeidet blei grunnlagd i Stavanger i 1993
og Hordaland har vore medlem sidan 2000.
Hordaland Fylkeskommune var representert på
generalforsamlinga i Turku i september ved
både Europakontoret og Hordaland Olje og
Gass (HOG). Generalforsamlinga samla nesten
300 personar frå den baltiske regionen for å
diskutere viktige spørsmål knytte til bærekraftig
energi og mogleg innsats for å møte truslane
knytte til klimaendringar. Prosjektet Magalog –
Intelligent Energy Project, der HOG er ein av
deltakarane, blei og presentert i
parallellsesjonen ”Climate and Energy in the
Transport Sector”.
Vurdering av medlemskapen
Fylkeskommunen bruker i dag ikkje medlemskapen
i BSSC aktivt, utover deltaking på
generalforsamlinga.
7

3.2 Regionale nettverk
Vestlandsrådet
Vestlandsrådet er eit formelt samarbeidsråd
etablert av dei 4 fylkestinga på Vestlandet. Det
består i alt av 20 personar – 5 representantar
valde frå fylkestinga i kvart fylke. Leiinga av
Vestlandsrådet går på omgang med intervall på
om lag eitt år. 1. januar 2008 tar Hordaland tar
over sekretariatsfunksjonen for Vestlandsrådet
og fylkesordførar Torill Selsvold Nyborg blir
dermed leiar for Vestlandsrådet i 2008
Handlingsplanen for Vestlandsrådet består av 4
satsingsområde: Internasjonalt arbeid, Kultur,
Næringsutvikling/innovasjon og Samferdsel.
Det er oppretta ei administrativ ansvarsgruppe
mellom fylkeskommunane innan kvar av desse
satsingsområda.
På møtet i Kristiansund i desember blei det
stadfest at dei fire vestlandsfylka skal utvikle
nærare kultursamarbeid på tre område; Tool
quiz Kulturnettsamarbeid, og North Sea Trail.
Vestlandsrådet ønskjer og at dei 4 fylkeskommunane
aukar samarbeidet om prosjekt,
engasjement og relasjonar i Nordsjøområdet.
Vestlandsrådet har også vedtatt å lage ein
informasjonsstrategi om EU-program og andre
samarbeidsprosjekt i Nordsjøregionen.
4. Prosjektsamarbeid
4.1 Interreg III programmet
Interreg-programmet er oppretta for å styrkje
samarbeidet i grenseområde og auka sosial og
økonomisk integrasjon mellom europeiske
(nabo)regionar.
Interregprogrammet har følgjande delprogram:
• Interreg A: grenseregionalt samarbeid,
• Interreg B: transnasjonalt samarbeid, som
fremjar territorial integrasjon ved å utvikla
regionale strategiar
• Interreg C: interregionalt samarbeid, som
føregår uavhengig av geografisk plassering
prosjekt innan rammene av Interreg IIIB- og
IIIC-programma.
Interreg IIIB: Nordlig Maritim Korridor - NMK
Nordlig Maritim Korridor (NMK) er eit
prosjektsamarbeid for utvikling av maritim
godstransport i Nordsjø- og Barentsregionen.
Det overordna målet for NMK har vore å
utvikle ein effektiv, berekraftig og sikker
maritim transportkorridor både innan og
mellom desse regionane. Partnarane kjem frå 7
område: Flandern, Nederland, Tyskland,
England, Skottland, Danmark og Noreg, i
tillegg til at 3 regionar i nordvest-Russland har
delteke i prosjektet. Rogaland har vore Lead
partnar.
Samferdselsavdelinga i fylkeskommunen har
vore fagansvarleg frå Hordaland sin side og har
fyrst og fremst delteke i arbeidspakke E:
”Polycentric Port Scenarios and Framework
Conditions for Short Sea Shipping”.
Prosjektet blei starta i 2002 og vil halde fram til
juni 2008 (første fase vart avslutta i 2005).
Resultata frå NMK vil bli brukt vidare under
prosjektet ”Motorways of the Seas – Stratetic
Demonstration Project” der Hordaland søkjer
om å få bli partnar.
Interreg IIIB: NAVE Nortrail
Etter at ein forstudie, der Hordaland
fylkeskommune var leiande partnar, vart
avslutta i 2000, vart det søkt om eit nytt
prosjekt med 26 partnarar frå Noreg, Danmark,
UK og Tyskland. Hovudprosjektet starta opp i
januar 2003, med avslutning i april 2007.
Leiande partnar for prosjektet har vore
Aberdeenshire Council, Skottland.
Interreg III-perioden gikk frå 2000 til 2006,
sjølv om mange prosjekt fortsette inn i 2007.
Hordaland fylkeskommune deltok i fleire
8

Nordsjøløypa hadde som mål å:
• Binde saman eit gjennomgåande nettverk av
turløyper i kystlandskapa rundt Nordsjøen.
• Utvikle eit nettverk av historiske nettverk
og kulturelle møtestader.
• Utvikle eit nettverk av overnattingsstader
langs dei gamle ferdselsårene og
vandringsvegane.
• Utvikle ein kunnskapsbase om
kulturlandskap og historie gjennom bok og
Internett.
Mange av regionane har etablert program for å
involvere den lokale handel- og service næringa
langs ruta. På norsk side finn vi prosjekta
”Smak av Nordsjøløypa” og ”Perler i Nordsjøløypa”
der Fylkeskommunen deltar for å auke
fokus på Nordsjøområda som reiselivsmål.
KIA/Seksjon for kulturbasert verdiskaping har
vore fagansvarleg frå Hordaland sin side.
Vidareføring av Nortrail under IVB
På det siste transnasjonale møtet i prosjektet, i
Skottland, mars 2007, gjekk alle 26 partnarane
(i 5 regionar) inn for at prosjektet burde bli
vidareført under IVB-programmet. Det blei
samstundes vedtatt at vidareføringa av Nordsjøsykkelruta/North
Sea Cycle Route skulle skje i
samband med vidareføringa av Nordsjøløypa.
Hordaland tok på seg ansvaret for å koordinere
arbeidet fram mot ei ny søknad til Interreg.
Interreg IIIC: ENABLE - ”Enabling European
Regional Entrepreneurship” (2004-2007)
ENABLE er eit Regionalt rammeprogram -
Regional Framework Operations (RFO) - og
handlar om å betra dei regionale instrumenta
retta mot små og mellomstore bedrifter (SMB),
med fokus på:
• å betre overføring av forsking og teknologi
frå høgskular og universitet til næringslivet
• å leggje til rette for etablering av nettverk
mellom SMB
• å stimulera til entreprenørskap
I mars 2007 blei ENABLE offisielt avslutta og
totalt har det då vore gjennomført 21
transregionale delprosjekt, kor Hordaland
deltok i 11. Fokus har vore å utvikle gode
metodar som støttar næringsutvikling og skapar
verksemder med internasjonal konkurransekraft
og evne til omstilling.
Prosjekta i ENABLE har famna vidt, frå høgteknologi
til reiseliv og 11 verksemder frå
Hordaland har vore direkte partnarar i
prosjekta. Totalt har ENABLE hatt eit nettverk
på i alt 400 verksemder.
ENABLE er eit samarbeid mellom Vestlandet
(Hordaland /Sogn og Fjordane), Thüringen
(Tyskland), Carinthia (Austerrike) og Kaunas
(Litauen). Næringsavdelinga og Europakontoret
har vore fagansvarlig frå Hordaland.
Det har vore eit viktig siktepunkt i arbeidet på
norsk side, at Vestlandsfylka være mest
mogeleg koordinert i dette arbeidet. Vestlandsrådet
vedtok i desember at vidareføringa av
Nordsjøløypa skulle vere ein av deira prioriterte
samarbeidsarenaar. Vidareføringa av Nordsjøløypa
har såleis god forankring i Vestlandsfylka
Det nye programmet, gjer det og naturleg å sjå
koplingar mellom dette prosjektet og Riksantikvaren
sitt verdiskapingsprogram ”Perler i
Nordsjøløypa” (PIN).
Går alt etter planen, vil det bli sendt inn ny
søknad til Interreg IVB programmet i mars
2008, med Hordaland som leiande partnar. Ein
reknar med om lag 30 partnerar i prosjektet, og
ei total prosjektramme på 8 mill. euro.
Vidareføring av ENABLE – i HUMANS
ENABLE har vore ein suksess. Mange
verksemder held fram med samarbeidet, m.a.
innan teknologi- og produkt-utvikling og
marknadsføring. Regionane har gjennom
program- og prosjektutvikling hausta verdfulle
erfaringar og skapt varige nettverk. Med eit
utvida partnarskap ønskjer regionane å halde
fram samarbeidet i eit nytt prosjekt. Målsettinga
9

er å bruke erfaringane som blei gjort i
ENABLE til å skape ny og berekraftig vekst
basert på ”human capital”, spesielt i dei nye
medlemslanda i EU. Partnarane i ENABLE
inviterte hausten 2007 3 nye regionar til
samarbeid mot Interreg IVC; Gorensjka
(Slovenia), Liguria (Italia) og Central-
Transdanubia (Ungarn). Dette førde til
prosjektsøknaden HUMANS - Human resources
for stimulating regional entrepreneur-ship &
innovation”, som blei sendt januar 2008.
4.2 Interreg IV programmet
Mens våren 2007 blei brukt til å avslutta dei
fleste prosjekta under Interreg III-programmet,
blei hausten 2007 for ein stor del brukt til å
starta førebuingane til søknadar under Interreg
IV-programmet.
Hordaland Fylkeskommune kan delta under
følgjande program:
• Interreg IVB – regional samarbeid :
- Nordsjøprogrammet
- Nordlig Periferi programmet
- Østersjøprogrammet
• Interreg IVC – interregionalt samarbeid
Nasjonalt kontaktpunkt for Nordsjøprogrammet
2007-2013
I 2007 blei funksjonen som nasjonalt kontaktpunkt
for Nordsjøprogrammet overført frå Rogaland
fylkeskommune til Hordaland. Fylkeskommunen
vart peika ut av KRD etter innstilling frå Vestlandsrådet
og den operative funksjonen er lagt til Europakontoret.
Utnemninga må sjåast på som ei tillitserklæring
til det internasjonale kompetansemiljøet
som fylkeskommunen har bygd opp over fleire år.
Nasjonalt kontaktpunkt har oppgåver knytt opp mot
nasjonal representasjon av programmet,
informasjons- og rådgivingstenester overfor
potensielle prosjektsøkjarar i Noreg, deltaking i
styringskomiteen, samt i ein nasjonal referansegruppe
saman med KRD.
To søknadar blei sendt frå Hordaland
Fylkeskommune hausten 2007, begge til
Interreg IVB-programmet;
”Small Scale Business Clusters in Coastal
Areas”, under Nordsjøprogrammet. Colchester
Borough Council i England var ”lead partner” i
prosjektet som skulle skape nettverk av små
bedrifter i rurale kystsamfunn for å sikre
bærekraftig vekst. Hardanger Fartøyvernsenter
var med frå Hordaland, saman med Fylkeskommunen.
Prosjektet blei derimot ikkje
godkjent av programkomiteen.
”Economuseums Northern Europe” under
nordlig periferi programmet. Hordaland er
”lead partnar” i dette prosjektet som vil søkje å
etablere Economuseum som sameinar kultur,
handverk og turisme til ein bærekraftig
økonomi i 5 nordeuropeiske land i løpet av ein
3-års periode, deriblant 5 i Hordaland/Sogn og
Fjordane. Prosjektet blei godkjent i programstyret
17. desember.
Arbeidet med Economuseumsøknaden
Gjennom det NORA støtta forprosjektet ”Nord-
Atlantisk Economuseum”, fikk ein, saman med
partnarar på Færøyane og Island knytte kontakt
og skapt eit fagleg og organisatorisk samarbeidsgrunnlag
med opphavsorganisasjonen
for Economuseumrørsla i Canada. Ein
delegasjon frå Canada vitja og Vestlandet to
gonger, og fann verksemder som Aurlandsskoen
og Oselvarverkstaden som begge vil
kunne verte gode Economusé.
Det har dessutan vore lagt mykje arbeid ned i å
få etablert eit forprosjekt basert på Ecomuseumidéen
innan Interreg IV programmet. Eit
forprosjekt vart godkjent og sluttført i løpet av
perioden fram til 31.oktober, då ein hovudprosjektsøknad
vart sendt inn.
4.3 Andre prosjekt
Intelligent Energy Europe-
MAGALOG - Marine Fuel Gas Logistics
”Clean air in port cities and on the highways of
the Baltic Sea”, er hovudmålet med prosjektet.
Magalog- prosjektet skal ta tak i problemet med
utslipp i hamnene i Europa, med spesielt fokus
på det baltiske hav, gjennom etablering av ei
leveringskjede for alternativt drivstoff (LNG -
Liquefied Natural Gas).
10

5. Sektorvise aktivitetar
5.1 Ungdom og internasjonalisering
Hordaland Fylkeskommune satsar på
ungdommane sin moglegheit for internasjonal
erfaring, anten det dreier seg om utdanningsopplegg,
fagleg praksis eller ikkje-formell
læring. For å oppnå dette målet nyttar
fylkeskommunen ein kombinasjon av program.
Europakontoret koordinerar EU-programma
Aktiv Ungdom og Leonardo da Vinci, og i
tillegg til dette nyttar dei enkelte vidaregåande
skolane seg av ein kombinasjon av virkemidlar
for å internasjonalisere undervisninga.
Leonardo da Vinci
Leonardo da Vinci-programmet er EU sitt
program for opplæring og yrkesutdanning, og
stimulere til innovasjon og nyskaping i bedrifter
og auka internasjonalisering av næringslivet i
Hordaland - i tråd med satsingsområda til
Hordaland fylkeskommune. Europa-kontoret er
regional koordinator for programmet.
I 2007 sendte Europakontoret ut i alt 52 elevar,
lærlingar, studentar og instruktørar til ei rekkje
land i Europa. Gjennom LdV-programmet får
dei eit unikt høve til å få internasjonal
arbeidserfaring i bedrifter i Europa, noko som
gir eit fortrinn på arbeidsmarknaden. Desse
utplasseringane gir rett til å få Europass, som er
eit europeisk dokument som viser at ein har
internasjonal arbeidspraksis. Tilskottet frå LdV
dekkjer ca 70% av utgiftene til opphalda.
Gruppe Tal Periode Land Bransje
Lærlingar 11 8 - 13
veker
Studentar 2 13
veker
Elevar 25 3 - 4
veker
Instruktørar
Totalt 52
14 1 - 3
veker
Belgia,
Danm.
Irland,
Italia,
UK
Tyskl.
Portug.
Tyskl.
Danm.
Spania
Italia,
Tyskl.
UK
Hotell/rest.,
barne/ung.
industrimekani
kk
planteforsking
Økonomi og
markedsføring
Hjelpepleie,
barne/ung.
kjemi/prosess,
byggfag, helse,
akvakultur
Mek.fag,
Hotell/rest
bilmekanikk
lokalsamfunn
Statistikk
Fokus på internasjonal kompetanse i
fylkeskommunen
Dei siste åra har Leonardo-programmet vore
marknadsførd internt i fylkeskommunen for å
auke den internasjonale kompetansen hjå dei
tilsette. Dette resulterte i at 11 personar frå
sentraladministrasjonen i 2007 fekk tildelt
stipend for 1-4 vekers opphald på ulike
institusjonar og bedrifter i Europa. Som eit
eksempel var arbeidslaget Analyse, Utgreiing
og Dokumentasjon på studietur i England.
Aktiv Ungdom
Ung i Europa skifta i 2007 namn til Aktiv
Ungdom. Programmet er EU sitt program for
ungdomsutveksling og mobilitet. Gjennom
Aktiv Ungdom kan friviljuge organisasjonar,
fritidsklubbar, individuelle ungdommar og
grupper søkja om stønad til deltaking i
europeiske samarbeid; gruppeutvekslingar,
europeisk volontørteneste, ungdomsinitiativ,
studiebesøk og kontaktseminar. Europakontoret
er regionalt kontaktpunkt for Aktiv Ungdomprogrammet
og godkjend sendarorganisasjon
for norske volontørar.
Det er stor pågang i
samband med
Europeisk
volontørteneste.
Mange ungdomar
ønskjer å bruke eit
volontøropphald til
å få utanlandserfaring
og utvikle
sine språkkunnskapar.
Erfaringane til
ungdommane som har deltatt i volontørprosjekt
er svært positive. Volontørane får dekka alle
kostnadar, vert kjende med ein ny kultur,
utviklar språket, får nye vener, og lærar om
arbeidslivet.
Grunna internasjonale forhandlingar mellom
Noreg og EU, var Aktiv Ungdom- programmet
utilgjengeleg for norske søkarar i ein periode i
byrjinga av 2007. Dette førte til at fleire
potensielle volontørar ikkje fekk sine søknadar
handsama, og dei fekk derfor ikkje høve til å
reise ut. Talet på volontørar som har reist med
12

fylkeskommunen som sendarorganisasjon i
2007 er derfor lågare enn ønska, og reflekterer
ikkje ein redusert interessa for tenesta.
Aktivitetar:
• Informasjon om Aktiv Ungdomprogrammet;
råd, rettleiing, skolebesøk,
kurs i å skrive søknad.
• Individuelle spørsmål, rekruttering og
oppfølging av volontørar.
• Informasjonsteneste: Utsending av
nyhendebrevet ”Unytt” annankvar veke
• Informasjonsteneste: Eurodesk, som er ei
informasjonsteneste for ungdom om alle
spørsmål knytt til EU/EØS. Europakontoret
fungerer som eit av dei nasjonale Eurodeskpunkta.
• Volontørar som reiste ut i 2007: 8
ungdomar mellom 18-30 år i 7 EU-land
• Arbeid for å skaffa vertsprosjekt i
Hordaland for volontørar frå EU-landa
Internasjonal sommarleir
6.-15. august gjennomførte fylkeskommunen ein
internasjonal ungdomsleir ”YOUthful, Active and
Healthy Lifestyle (YAHL)” på Voss. Samarbeidsregionane
Cardiff, Basse-Normandie, Kaunas og
Türingen, og Olomouc i Tjekkia, var alle inviterte
til å sende 8 deltakarar kvar. Hovudsetet for leiren
var Dalane Fjellstova på Voss, etter to innleiande
dagar i Bergen.
Aktivitetar på dei vidaregåande skolane
Januar 2008 gjennomførde fylkeskommunen ei
kartlegging av den internasjonale aktiviteten for
2007 på alle dei vidaregåande skolane i
Hordaland 1 . Denne undersøkinga viser at over
91% av skolane har gjennomførd ei eller anna
form for internasjonal aktivitet i 2007 og om
lag ¼ har hatt eit aktivitetsnivå som var høgre
enn året før (mens 65% har lege på same nivå).
Den mest vanlege aktiviteten er elevturar på
opp til 4 veker, men mange har og utnytta den
ressursen det er å utveksle lærarar.
Fakta; internasjonale aktivitetar ved skolane
1 Elevtur opptil 4 veker 50,0 %
2 Lærarutveksling send ut lærar(ar) 40,6
3 Lærarutveksling mottatt
utanlandsk(e) lærar(ar)
4 Andre fellesprosjekt med
utanlandsk skole
5 Leonardo da Vinci - sendt ut
elevar
37,5 %
34,4 %
28,1 %
6 Deltaking i Comenius prosjekt 21,9 %
7 Utveksling av elevar - mottatt
utanlandske elevar – minst 4 veker
8 Utveksling av elevar - sendt ut
elevar – minst 4 veker
18,8 %
15,6%
9 Leonardo da Vinci - mottatt elevar 12,5 %
10 Etablering av vennskapsskole 9,4 %
11 Andre aktivitetar 50,0 %
Tema for leiren var friluftsliv og folkehelse og dette
vart gjenspegla i dei ulike aktivitetane. Det var sterk
fokus på ungdomsdeltaking og –medbestemming
gjennom heile prosjektet. Den norske
deltakargruppa var samansett av ungdommar frå
fleire ulike organisasjonar i Hordaland. Leiren fikk
støtte frå EU sitt program Aktiv Ungdom.
Den opne kategorien ”andre aktivitetar” viser at det
er ei enorm bredde i det internasjonale engasjementet
i Hordaland. Aktivitetane spenner frå samarbeid med
skolar i Norden og gjennom Nordplus Jr
programmet, til samarbeid med skolar i Zambia og
Guatemala. Faglig spenner det frå Griegkonsert i
Tyskland, til Slow Food i Genova, til prosjektet
CARBONSCHOOLS med Bjerknes- senteret.
Tidsmessig spenner det og frå internasjonal dag i
samband med Operasjon Dagsverk og dagsbesøk av
lærarar frå andre land til moglegheit for fulle skoleår
i USA, Tyskland eller på dei britiske øyer.
1 For ein komplett oversikt over kartlegginga på dei vidaregåande
skolane, sjå meldingssak til opplæringsutvalet mars 2008
13

Når det gjeld kva for andre regionar dei
vidaregåande skolane samarbeider med, er det
eit vidt spekter – det blir lista opp regionar i 14
ulike land. Bare 2 av disse, USA og Zambia er
utanfor Europa, mens 8 av dei 12 europeiske
landa er i det vestlege Europa.
Når det gjeld økonomisk støtte, har
opplæringsavdelinga i fylkeskommunen delt ut
ca 1,12 millionar i støtte til internasjonale
opplæringsprosjekt i 2007. Dette er fordelt som
direktestøtte til prosjekt på dei enkelte skolane
og til skoleutviklingsprosjektet i Litauen.
5.2 Kultursamarbeid
Innan kulturfeltet er det eit breitt internasjonalt
engasjement. I tillegg til dei aktivitetane som er
presenterte under dei enkelte
samarbeidsregionane og prosjekta er det på
kultursida og aktivitetar innan kunst- og
kulturformidling og matkultur.
Seksjonen har også i samband med Slow Fish i
Genova følgd opp det praktiske og matfaglege
samarbeidet med Genova- og Liguriaregionane
gjennom Leonardo-programmet.
Desse regionane si store deltaking på Bergen
Matfestival i år, var ein suksess der ein m.a.
gjennomførte tørrfiskkurs etter italienske
tradisjonar for 40 bergenskokkar. Det vart
formidla utplassering av 6 lærlingar og 3
instruktørar/kokkar til Genova og Liguria i
2007, og utplasseringsprogrammet held fram i
2008.
Kunst- og kulturformidling
I tillegg til dei musikalske bidraga som allereie
har vore omtalt under dei enkelte
samarbeidsregionane, har fylkeskommunen og
stått bak musikalske produksjonar andre stader i
verda. Fylkesmusikarane var m.a. med
representantar frå Stord Kommune til deira
vennskapskommune Comalapa i Guatemala.
Internasjonal matkultur
I arbeidet med matkultur internasjonalt, har det
i 2007 vore lagt vekt på internasjonal
kunnskapsoverføring, m.a. basert på utveksling
av personar gjennom Leonardo-programma, og
på å dra nytte av nettverk og kunnskap innan
Slow-Food-rørsla i t.d. produktpromotering.
Seksjon for Kulturbasert verdiskaping
koordinerte ei viktig promotering av vestnorsk
sjømat både på Slow Fish messa i Genova i mai
og ved Cardiff Food and Drink Festival i
Cardiff i juli saman med Rogne og Fitjar
vidaregåande skolar sine faglærarar.
Promoteringa sette fokus på kvalitetsprodukt frå
oppdrettsnæringa, særleg laks og aure, og
blåskjel. Oppdrettslaksen vert følgd opp vidare i
samarbeidd med Blom Fiskeoppdrett med sikte
på å få innpass i Slow-Food-rørsla i Italia.
Fylkeskonsertane sitt Grieg-program var på si
side med på Kinesisk-Norsk musikkveke for
ungdom i Shanghai i november, som ein del av
Rikskonserttane sitt program. Gjennom 39
konsertar, både skolekonsertar og
kveldskonsertar, spelte dei for meir enn 12’000
kinesarar. I tillegg til dette har
Fylkeskommunen og gitt støtte til uavhengige
grupper som har deltatt på ulike arrangement.
14

Refugium i Covarrubias, Spania
Det faktum at norskfødde prinsesse Kristina er
gravlagd i Covarrubias i det nordlege Spania
dannar bakgrunnen for landsbyens nære band til
Noreg. Bystyret i Covarrubias har no stilt eit
husvære til rådvelde for ”Prinsesse
Kristinastiftelsen”, til bruk som refugium for
norske kunstnarar. Hordaland Fylkeskommune
har løyvd 200’000 kroner til å sette i stand
huset, og i tida som kjem vil fylkeskommunen,
saman med Kristina-stiftelsen sette opp
retningsliner for kunstnarutveksling mellom
Covarrubias og Hordaland.
6. Informasjonsformidling og
kompetanseheving
Ein viktig del av det internasjonale arbeidet,
som omtalt i dei vedtekne strategiane er
informasjonsformidling og kompetanseheving.
Det å skape dialog med ulike aktørar i fylket og
informere om kva for moglegheiter som finst,
både i og utanfor EU-systemet, er sentralt i
forhold til å auke det internasjonale
engasjementet i Hordaland.
6.1 Kurs og konferansar
Kurs og konferansar er ein viktig arena for å
formidle informasjon, oppmuntre til bruk av
tilgjengelege program og skape entusiasme og
nettverksbygging. Nokre arrangement har
fylkeskommunen organisert på sjølvstendig
basis, mens i andre har vi vore bidragsytar.
Nye EU-program 2007-2013
I juni arrangerte Hordaland, saman med Sogn
og Fjordane Fylkeskommune eit seminar i
Bergen om regionalpolitiske verkemiddel i 7.
rammeprogram og Interreg.
Crashkurs i coaching
I mars arrangerte Europakontoret, saman med
BUFDIR/ Aktiv Ungdom dagskurs i coaching
for 21 ungdomsarbeidarar frå ulike institusjonar
i Hordaland. Deltakarane lærte om Coaching,
ein metode som skal hjelpe unge til å få ut heile
sitt potensiale i ungdomsprosjekt.
Seminar om Ungdom og Internasjonal
Kompetanse
Med midlar frå Eurodesk, arrangerte
Europakontoret eit seminar i juni om ungdom
og internasjonal kompetanse med fokus på
sosial inkludering for kommunalt tilsette og
ungdomsleiarar.
Informasjonsmøte om 7. rammeprogram for
forsking
I september var Europakontoret med på å
arrangere eit informasjonsmøte om EU sitt 7.
rammeprogram for forsking på ”Møteplass
Marin”, med ca. 50 deltakarar frå forskingsmiljø
og næringsliv i Bergen og omland.
LLP informasjonsmøte
I oktober arrangerte Fylkeskommunen, saman
med SIU, eit informasjonsmøte om EU sitt nye
Program for Livslang Læring. Dette var ein
kombinasjon av Europa-kontoret sitt årlege
informasjonsmøte om Leonardo da Vinci
programmet og ein nasjonal møteserie frå SIU.
Leonardo da Vinci prosjektleiarseminar
I november arrangerte SIU eit seminar for nye
og erfarne prosjektleiarar innan Leonardoprogrammet.
På dette seminaret presenterte
representantar frå fylkeskommunen erfaringar
med mobilitetsprosjekt under Leonardo, så vel
som føresetnadar for gode partnarskap.
6.2 Nyheitsbrev
Nyheitsbrev
Nærinytt: www.narinytt.no er eit nyheitsbrev
som Europakontoret sender ut kvar 14. dag om
EU/EØS-relaterte saker, retta mot næringslivet.
I 2007 mottok ca 2890 bedrifter Nærinytt. Ca
2000 nyheiter vart formidla, i tillegg til at det
blei publisert og distribuert ca. 430 teknologipartnarsøk
mellom europeiske og vestnorske
bedrifter (mot ca 240 i 2005).
Brusselnytt: www.west-
Norway.no/newsletter.php er Vest-Noregs
Brusselkontor sitt nyheitsbrev for offentleg
forvalting, politikarar og medlemmar. I 2007
blei det sendt ut 23 nummer av Brusselnytt kor
det blei vidareformidla nyheiter om EUpolitikk,
program og lovverk som er relevant
15

for Vestlandsfylka. Fagansvarleg i
fylkeskommunen er Europakontoret.
U-nytt: www.unytt.no er eit nyheitsbrev med
fokus på ungdom og internasjonal kompetanse,
publisert av Europakontoret kvar 14. dag.
Nyheitsbrevet marknadsfører tilbod og
moglegheiter for kurs og seminar, prosjektdeltaking
osb. I 2007 vart om lag 158 nyheiter
spreidd til kommunar, frivillige organisasjonar,
utdanningsinstitusjonar og andre som arbeider
med ungdom.
International newsletter: International
Newsletter er eit halvårleg nyheitsbrev på
engelsk, distribuert for første gong i desember
2007 som tar for seg dei internasjonale
aktivitetane i fylkeskommunen. Det blir sendt
til tilsette i fylkeskommunen, skolar,
kommunar, og andre samarbeidspartnarar -
nasjonalt og internasjonalt.
6.3 Anna informasjon
Internasjonale nettsider
www.hordaland.no/internasjonal er
fylkeskommunen sine nettsider for informasjon
om den internasjonale verksemda. I tillegg til
oppdaterte nyheiter, skal det og finnast
oppdatert informasjon om samarbeidspartnarar,
prosjekt, aktivitetar osb
7. Vest-Noregs Brusselkontor
Vest-Noregs Brusselkontor er eit informasjonsog
rådgjevingskontor eigd og drive av
kommunar, fylke og andre i Vest-Noreg.
Visjonen er at Vest-Noregs Brusselkontor skal
vere ein effektiv, tilgjengeleg, kjent og nyttig
reiskap for å:
• Fremme Foreininga Vest-Noregs
Brusselkontor sine interesser (innan
næringsutvikling, kultur, forsking og
utvikling og næringsutvikling)
• Markere Vest-Noreg som ein region med
felles økonomiske og kulturelle band
• Formidle informasjon frå EU av særlig
interesse for Vest-Noreg
• Identifisere EU-program og –prosjekt av
interesse for Vest-Noreg
Aktivitetar 2007:
I løpet av året har kontoret handtert om lag 200
saker, om lag same nivå som i 2006. Av dette
hadde ca. 90 saker opphav i Hordaland. Av
saksmengda kjem ca 50% frå aktørar innan
offentleg sektor, ca 20% frå aktørar innan
næringslivet, ca 20% frå forskings- og
utdanningsinstitusjonar og 10 % frå kulturfeltet.
I 2007 hadde kontoret eit særleg fokus på
maritim og marin sektor, og denne næringa vart
presentert under regionalveka ”Open Days” i
Brussel.
Den vart også følgt opp med eit arrangement i
Ålesund; Som del av møte-serien ”OPEN
DAYS going local” arrangerte VNB 18.
oktober eit seminar om maritim politikk i
Ålesund. Dette var oppfølging av EU sin
”Integrated Maritime Policy for the European
Union”, lansert veka før. Seminaret tok for seg
EU sin maritime politikk, inkludert miljøvern,
havbruk og maritim transport.
Europakontoret er ein del av heimeapparatet for
Vest-Noregs Brusselkontor
Måla for Vest-Noregs Brusselkontor er å:
• Synleggjøre regionen som
samarbeidspartnar for andre Europeiske
regionar
• Vere lyttepost/open dør mot regionane i EU
16

Prosjektet har fått midlar frå EU sitt ”Intelligent
Energy – Europe” program. Det vart starta i
januar 2007 og skal avsluttast i desember 2008.
Tre norske, to tyske og ein polsk partnar er med
i studia. Partnarane representerer industrien,
vitskapelege organisasjonar, interesseorganisasjonar
og styresmakter. GASNOR AS,
lokalisert i Bergen, er prosjektets lead partner,
mens fylkeskommunen er representert gjennom
Hordaland Olje & Gass (HOG).
Sixth Framework Program - EUROPEER SME
Prosjektet EUROPEER SME prøver å finne
svar på spørsmål så som kvifor er nokre
regionar sterke på innovasjon og nyskaping
mens andre regionar slit for å få det til, om det
er mogleg å overføre metodar og prosjekterfaringar
til ein anna region med andre
rammevilkår – og i så fall kva er det som er dei
kritiske faktorane ein må ta omsyn til for at ein
slik overføring skal være vellukka
Prosjektet er finansiert over EUs 6. Rammeprogram
for forsking og teknisk utvikling
(OMC-NET) og går over 26 månader.
Prosjektet omfattar 15 regionar frå 12
europeiske land
Hovudmålet for EUROPEER SME er:
• Fremje gjensidig læring, utvikle ”beste
praksis”, styrke gjennomslagsevna til
regionale og nasjonale FoU-tiltak mot SMB
• Optimere vilkåra for å utveksle ”beste
praksis” ved å identifisere nødvendige
vilkår for erfaringsover-føring og utvikle
metodar for erfaringsoverføring
• Redusere overlapping og styrke
koordineringa av tiltak retta mot SMB
Prosjektet har etablert eit livskraftig nettverk
som vil fortsette å eksistere etter at prosjektet er
avslutta. Resultata frå prosjektet vil og bli
vidareført i ein nettbasert kunnskapsbank, m.a.
slik at gevinstane kan utnyttast i andre
samanhenger og av andre konsortium.
I 2007 har alle deltakarane presentert dei beste
innovasjonsprosjekta frå sin region. Hordaland
presenterte ”Kompetansemeklarprosjektet” på
ein samling i Erfurt rett før jul. Det er lagt vekt
på å få fram både sterke og svake sider ved
planlegging, utforming og gjennomføring av
prosjekta.
KVIT prosjektet. (KValitetsutvikling I
Tannlegepraksis)
Bakgrunnen for prosjektet var at amalgam vart
fasa ut som fyllingsmateriale i jekslar før eit
fullgodt alternativ var tilgjengeleg. Formålet
med prosjektet er å undersøke korleis kvite
tannfyllingar av plast fungerer på tenner med
stor tyggebelastning.
Prosjektet starta opp i 2001 og skal etter planen
avsluttast i 2010. Samarbeidspartnarar er Den
offentlege tannhelsetenesta i Hordaland,
Børnetandplejen i Danmark. Universitetet i
Oslo og Universitetet i København. Det deltek
24 tannlegar frå Hordaland. Ansvarleg avdeling
i Fylkeskommunen er tannhelseavdelinga.
Prosjektet er hovudsakleg finansiert av årlege
tilskot frå Sosial- og Helsedirektoratet.
Det er som regel ei felles samling kvart år der
arbeidsgruppa og styringsgruppa er med.
Samlingane skiftar mellom Noreg og Danmark.
2007 var første år utan samling, men det blei
arrangert eit møte for dei norske deltakarane i
Bergen i november. Elles vart året brukt til å
kontrollere fyllingar som var lagt tidlegare.
Nordisk Transport Nettverk - NTN
Fokus for det opphavlige prosjektetet var
transport av gods i nordiske korridorar, og å
utvikle verktøy som kunne brukast i regional
planlegging. I dag har fokus skifta meir mot
effektivitet og berekraft, og ikkje berre på gods
i korridorar, men og kollektivtrafikk, ny
teknologi og anna utvikling innanfor trafikk.
Ei anna målsetning er at NTN si framtidige
rolle og funksjon skal vere eit politisk og
administrativt nettverk for transport og trafikk
der ein siktar mot å halde konferansar og
”workshop” innan transport og trafikk.
Samferdselsavdelinga er fagleg ansvarleg i
Hordaland Fylkeskommune. Andre deltakarar
kjem frå andre fylkeskommunar i Noreg og
regionar i Danmark.
NTN hadde liten aktivitet i 2007, men det er
planar om auka aktivitet i 2008.
11

Agnes Mowinckels gt 5
Postboks 7900
N-5020 BERGEN
tlf: 55 23 90 00
www.hordaland.no
MARS 2008