Bibelgaven 4/2023

Uavhengig og sjølvstendig
I fleire tiår har det vore den såkalla
Bibelkommisjonen som har stått for utdeling
og sal av Bibelen på Cuba. Under leiing
av Alain Montano har dei gjort ein formidabel
innsats, ikkje minst med den store
aksjonen «Ein million biblar til Cuba» som
vart fullført i 2018.
Men Bibelkommisjonen har aldri vore eit
sjølvstendig bibelselskap. Sidan revolusjonen
i 1959 har det ikkje vore mogleg å
stifte nye organisasjonar på Cuba. Men
«Rådet av kyrkjer på Cuba», som er ein
protestantisk organisasjon, vart danna på
1950-talet og har heile tida vore aktivt, men
med ulik profil gjennom åra. Dette rådet
danna på 1980-talet ein kommisjon for å ta
seg av bibeldistribusjon, og etter kvart fekk
kommisjonen eit eige styre som ikkje var
medlemmer av rådet.
Men dette blir forandra ved at
Bibelselskapet no blir registrert som ei eiga
juridisk eining. Bernt G. Olsen understreka i
si tale at det nye bibelselskapet vil ha dei
same kjenneteikna som alle andre bibelselskap
i verda: Det skal vera uavhengig og
sjølvstendig, det skal femne om alle kyrkjer
som ynskjer å vera medlem, og det skal ha
same formål: å gje alle menneske Guds ord
på eit språk dei forstår og til ein pris dei kan
betale.
Ein viktig overgang
Eit teikn på
Leiaren for kontoret for religiøse spørsmål i
Sentralkomiteen på Cuba, Caridad del einskap
Rosario Diego Bello, var til stades og markerte
den viktige overgangen til sjølvstendig
bibelselskap. Det er også ho som
står for den offisielle godkjenninga av det
nye bibelselskapet.
Ho henta i si tale fram eit sitat frå Fidel
Castro (1926–2016) som ingen av dei
frammøtte hadde høyrt før: Den gamle presidenten
skal ein gong, i ei tale til legar, ha
understreka kor viktig kunnskap og lærdom
er, med følgjande sitat:
– Denne boka er for ein lege like viktig som
Bibelen er for ein prest!
Den nasjonale TV-kanalen var òg til stades
og laga eit lengre innslag om markeringa.
Innslaget gjekk på lufta i beste sendetid, og
det vart sett av anslagsvis fem millionar
TV-sjåarar.
Ordet samlar
– Dette er ein viktig dag, seier Dámaris
Gonzáles Naranjo frå Den episkopale kyrkja
på Cuba.
– Vi treng verkeleg å koma saman som
kyrkjer. For det er mykje meir som samlar
oss enn som skil oss.
Ho fortel at Bibelkommisjonen har vore ein
møtestad for kyrkjene på Cuba. Ein slik
møtestad vil det nye bibelselskapet òg
vera.
– For Guds ord er så sentralt! Det vil alltid
vera Ordet som samlar oss, og som kallar
oss til einskap, til vitnemål og til handling.
Det er ein del av Jesu bøn for oss at vi alle
skal vera eitt. Ikkje at vi skal vera like, men
at vi skal vera eitt. •
– Det at så mange
kyrkjeleiarar har
kome hit i dag,
fortel kor viktig
Bibelen er for kyrkjene
på Cuba.
Det er framleis
stort behov for
biblar på Cuba!
– Eit sjølvstendig
bibelselskap er
meir enn eit teikn
på at vi er einige –
det er eit teikn på
einskap. Og
denne einskapen
kan vi berre oppnå
gjennom å
samlast omkring
Guds ord.
Pastor Maria Armenia Yi
(Iglesia Los Amigos)
nummer 4 I 2023I Bibelgaven 17