Sebastián Martínez Risco, mestre de xuristas - Galeguizar Galicia

72
as raíces nas xentes, vive sobre elas, nutrida e
determinada por factores humanos e cósmicos.
O devalar da historia (vida social, loitas
políticas, organización familiar), e o escenario
xeográfico (a terra chá ou montesía, interior
ou mariñeira, doada ou pobre, cumprida ou
esnaquizada), determinan as regras de dereito,
cuxo discernimento é o fin da xustiza, e,
xa que logo, rematan por configurar a xustiza
mesma. Neste senso, a xustiza imponse ao
home como ente individual, vénlle, por así dicir,
de fóra, sen que faga moito por procurala.
Ten, dalgún xeito, un senso de loita, de cousa
que, de maneira máis ou menos fadal, nos é
dada e que podemos, ao noso turno, xulgar.
Se pensamos en institucións como o foro e
a compañía familiar galega, en certas regras
consuetudinarias de paso e disfrute colectivo
dos montes, estaremos en presenza de axeitados
exemplos de materiais xurídicos saídos
da canteira da terra, que rematan por determinar
unha certa maneira de xustiza.