1. Normativa urbanística

PLAN XERAL DE ORDENACIÓN URBANA DE BRIÓN
_____________________________________________________________________
Edificio exclusivo.
É o que cumpre coa condición de que en tódolos seus locais se desenvolvan actividades
comprendidas no mesmo uso.
Edificabilidade.
É a medida da edificación permitida nunha determinada área do solo. Pódese establecer
de xeito absoluto (totalidade dos m 2 edificados ou edificables) ou de xeito relativo (m 2
edificables por cada metro cadrado de superficie da zona ou área de que se trate).
Nas parcelas ou soares a edificabilidade pode vir fixada explicitamente dalgunha das
maneiras citadas ou implicitamente, débendose obter a edificabilidade, neste caso, a
partires do cómputo de condicións de volume que afectan á dita parcela ou soar.
A tódolos efectos, e agás manifestación en contrario, a edificabilidade outorgada a unha
parcela é a que lle corresponda á parcela bruta.
Para a determinación da superficie edificable total deberán terse en conta as seguintes
regras:
- Computaranse tódalas superficies edificables de carácter lucrativo, calquera
que sexa o uso ó que se destinen, incluidas as construídas no subsolo e os
aproveitamentos baixo cuberta, coa única excepción das construídas no
subsolo con destino a aparcadoiros e instalacións de calefacción,
electricidade ou análogas.
- O índice de edificabilidade aplicarase sobre a superficie total do ámbito,
computando os terreos destinados a novos sistemas xerais incluídos nel, e
con exclusión, en todo caso dos terreos reservados para dotacións públicas
existentes que o plan manteña, e dos destinados a sistemas xerais adscritos
para efectos de xestión que se sitúen fóra do ámbito.
Edificios fóra de ordenación.
___________________________________________________________________
consultora galega s.l. normativa urbanística
22