1. Normativa urbanística

PLAN XERAL DE ORDENACIÓN URBANA DE BRIÓN
_____________________________________________________________________
Se se quere que sobresaia do plano de cuberta, deberá ser tratado como se se
tratase de calquera elemento dos citados no punto 5º anterior e, de calquera
xeito, terá que ser autorizado expresamente polo Concello en cada caso.
7º) No suposto de que se constrúan galerías ou miradoiros na última planta de
piso, recoméndase a súa coroación coa prolongación da cuberta, sen cambiar a
pendente en ningún caso.
3.2.1.4. Sotos, semisotos e plantas baixas.
- Sotos.
Os sotos non serán habitables, podéndose utilizar coma almacéns, aparcamentos
ou cuartos de instalacións ao servicio dos veciños das plantas superiores. Poden,
asimesmo, ter usos comerciais segundo determinen as presentes Normas. A
altura libre, en calquera caso non poderá baixar dos 2,30 metros. A planta de
soto non computará a efectos de edificabilidade, cando o seu uso sexa o de
garaxe de uso propio, instalacións do edificio ou usos semellantes, pero si cando
se destinen a usos lucrativos.
- Semisotos.
Os semisotos poderán ser destinados aos usos que se establezan, prohibíndose o
uso de vivenda neles. A altura libre non será inferior a 2,30 metros nin superior a
4 metros. A planta de semisoto computará a efectos de edificabilidade, cando se
destine a usos lucrativos; cando non sexa así, como no caso dos sotos
,unicamente computará a superficie que se atope por enriba de 1 metro sobre da
rasante da vía ou do terreo en contacto coa edificación.
- Planta baixa.
___________________________________________________________________
consultora galega s.l. normativa urbanística
30