1. Normativa urbanística

PLAN XERAL DE ORDENACIÓN URBANA DE BRIÓN
_____________________________________________________________________
Toda peza habitable terá luz e ventilación directas por medio de ocos de superficie total
non inferior a 1/8 da que teña a planta do local, permitindo dependencias unidas por
medio de embocaduras de comunicación, sempre que o fondo total, contado a partir do
oco non exceda de 10 metros.
3.2.1.10. Portais.
O portal terá un ancho mínimo de dous metros dende o oco de entrada ata a escaleira
principal ou o ascensor, se o houbese. O oco de entrada non terá menos de 1,30 metros
de luz.
3.2.1.11. Escaleiras.
Agás as excepcións que se detallan en cada uso, as escaleiras con utilización polo
público non poderán ter un ancho inferior a 1 metro, sendo obrigada, nese caso, a súa
ubicación no interior do corpo edificado.
Permítese a luz e ventilación cenital á caixa de escaleiras por medio de lucernarios.
3.2.1.12. Cerramentos.
1. Tódolos soares sen edificar deberán estar pechados de acordo coas condicións
que para cerramentos se sinalan nas ordenanzas respectivas.
2. Deberán situarse na aliñación oficial. Cando se abran novas vías, os propietarios
dos soares que dean fronte ás mesmas terán a obriga de efectualo no prazo que
sinale o Concello, contado a partir da finalización da pavimentación da rúa e
encintado de beirarrúas.
3. Cando se produza o derrubamento de calquera edificación, sen que se prevea
unha construcción inmediata, será obrigatorio o peche do soar situándoo no
aliñamento oficial e nas condicións fixadas no punto 1) anterior. Efectuarase no
prazo que fixe o Concello, contado a partir da data de concesión da licencia de
derrubamento.
___________________________________________________________________
consultora galega s.l. normativa urbanística
36