1. Normativa urbanística

PLAN XERAL DE ORDENACIÓN URBANA DE BRIÓN
_____________________________________________________________________
3.2.1.8. Pátios.
- Pátios de parcela.
Os pátios de parcela dimensionaranse en función das alturas máximas permitidas na
zona de que se trate e das dependencias que abran ocos ás mesmas, cumprindo a tal fin
o disposto no Decreto 311/92 de 12 de novembro da Xunta de Galicia, sobre
Habitabilidade de Vivendas.
Nos pátios de parcela -agás que se impida nas ordenanzas específicas ou nos planos de
ordenación- poderase edificar a nivel de planta baixa, sempre que nesa planta non vaia
haber vivenda. Entón deberase acristalar a cuberta en, alomenos 2/3, de planta de pátio
ocupada e realizar nela os necesarios ocos de ventilación para a planta baixa. A
superficie e/ou volume así edificado serán contabilizados para os cálculos de
edificabilidade na súa totalidade.
Os paramentos dos pátios aos que poidan abrir ocos os dormitorios e locais de traballo e
oficinas deberán ser tratados coma fachadas exteriores.
- Pátios mancomunados.
1. Os pátios de parcela poderán mancomunarse para os fins que se permitan na
normativa incluido o uso de garaxes. Para poder considerar as súas dimensións totais
a efectos de clasificación e, polo tanto, de apertura de ocos ao mesmo, será necesario
que exista acordo de mancomunidade coa inscrición do dereito de servidume dos
respectivos solares no Rexistro da Propiedade, funcionando a partires dese momento
coma calquera pátio de parcela.
2. A mancomunidade de pátios só se poderá cancelar coa autorización do Concello
cando non existan xa os edificios cuios pátios requerían o dito acordo de
mancomunidade para cumplir as dimensións mínimas.
3. Poderanse erguer muros de separación ao interior do pátio mancomunado dunha
altura máxima de 2 metros a partir da rasante do pátio que estea situado máis abaixo.
___________________________________________________________________
consultora galega s.l. normativa urbanística
34