1. Normativa urbanística

PLAN XERAL DE ORDENACIÓN URBANA DE BRIÓN
_____________________________________________________________________
Uso hoteleiro: Corresponde ao servicio ao público de aloxamento temporal das
persoas. Consideraranse incluídas as residencias xeriátricas así como outras sen
fins asistenciais e actividades complementarias.
Uso de sáas de reunión e usos hosteleiros: Comprende aquelas actividades de
vida social ou de relación entre os individuos. Inclúense aquelas actividades de
hostelería que non impliquen aloxamentos (bares, restaurantes, cafés, cafeterías,
tabernas, salóns tradicionais de baile, discotecas, pubs, salóns de xogos e
semellantes).
Uso administrativo. Corresponde coas actividades desta natureza desenvolvidas
por organismos públicos e non se corresponden con ningunha das relacionadas a
seguir.
Uso sanitario: Corresponde ás actividades de tratamento e/ou aloxamento de
enfermos e, en xeral, as relacionadas con sanidade e a hixiene.
Uso asistencial: Corresponde a aquelas actividades de tipo social que polo seu
carácter de servicio a grupos actualmente considerados “marxinais” non se
integran no resto das actividades maioritarias de carácter social (garderías, club
de xubilados, educación de minusválidos físicos e/ou mentais, etc.).
Uso educativo ou docente: Comprende as actividades formativas e de ensino.
Uso socio-cultural: Comprende aquelas actividades culturais con carácter de
relación social (casa de cultura, museos, bibliotecas, etc.).
Uso relixioso: Comprende as actividades relacionadas co culto relixioso.
Uso deportivo: Refírese ás actividades relacionadas coa educación física e a
práctica de xogos deportivos.
Uso recreativo: Comprende as actividades relacionadas co lecer, o tempo libre e
o espallamento lúdico.
Uso residencial-móbil: Comprende as actividades de acomodo de residencias
transportables e temporais directamente relacionadas co uso recreativo e turístico
(camping, caravanas-roulottes...).
___________________________________________________________________
consultora galega s.l. normativa urbanística
42