1. Normativa urbanística

PLAN XERAL DE ORDENACIÓN URBANA DE BRIÓN
_____________________________________________________________________
3.3.4. USO COMERCIAL.
1. Definición.
Enténdese por uso comercial a actividade desenvolvida en calquera local, que supoña a
compra-venda ao por menor ou permuta de mercadorías.
2. Clasificación.
A efectos de aplicación destas Normas, establécense as seguintes categorías:
Categoría 1ª . Edificios con máis do 60 % da súa superficie total destinada a usos
comerciais e o resto a outros usos, excepto o de vivenda.
Categoría 2ª . Locais comerciais no primeiro sóto, semisoto e planta baixa.
Categoría 3ª . Locais comerciais en corredores ou galerías.
3. Grupos en función da superficie construída.
En función da superficie construída de uso comercial, os establecementos distinguiranse
nos seguintes grupos:
GRUPO A.- Superficie construída total < 100,00 m 2 .
GRUPO B.- Superficie construída total ≥ 100 m 2 < 300 m 2 .
GRUPO C.- Superficie construída total ≥ 300 m 2 < 750 m 2 .
GRUPO D.- Superficie construída total ≥ 750 m 2 .
4. Condicións dos locais.
Os locais de uso comercial deberán observar as seguintes condicións:
1. A zona destinada ao público no local terá unha superficie mínima de seis metros
cadrados e non poderán servir de paso nin ter comunicación directa con ningunha
vivenda.
2. No caso de que no edificio se dean usos residenciais, deberán dispoñer éstes de
accesos, escaleiras e ascensores independentes.
___________________________________________________________________
consultora galega s.l. normativa urbanística
50