MEMORIA DE ACTIVIDADES 2011 - agaca
MEMORIA DE ACTIVIDADES 2011 - agaca
MEMORIA DE ACTIVIDADES 2011 - agaca
Create successful ePaper yourself
Turn your PDF publications into a flip-book with our unique Google optimized e-Paper software.
S AÚDA DO DIRECTOR- XERENTE<br />
Estimados cooperativistas:<br />
A tensión dos prezos na distribución minorista foi a tendencia<br />
económica clave que marcou o ano <strong>2011</strong> do sector<br />
agroalimentario en xeral. As cadeas de distribución de desconto<br />
creceron e produciuse unha redución de vendas nas canles de<br />
maior valor engadido. Neste senso, a exportación converteuse<br />
nunha válvula clave para o sector agroalimentario galego. O<br />
<strong>2011</strong> foi un ano moi complicado para a maior parte dos<br />
subsectores, tendo en conta que os prezos das materias primas e os principais inputs agrarios creceron,<br />
estrangulando as marxes e facendo, en moitos casos, marxes negativas para os produtores agrarios.<br />
Os enormes problemas que atopan as nosas empresas nos mercados locais empuxáronnos a seguir<br />
promovendo e xestionando axudas de cara a impulsar as vendas nos mercados exteriores. O pasado ano<br />
2010 impulsamos en AGACA a primeira misión comercial inversa coa finalidade de fomentar o comercio<br />
exterior; neste ano, promovemos unha segunda experiencia a Bélxica e Holanda. En xeral, procuramos<br />
achegar todo tipo de asesoramento, información e apoio ás cooperativas para impulsar a súa presenza<br />
en mercados exteriores.<br />
Hoxe, máis que nunca, os agricultores e gandeiros deben crer na necesaria organización dos produtores<br />
a traveso das cooperativas, que son a ferramenta útil e próxima para facer valer os seus produtos nos<br />
mercados. Son as cooperativas as que poden reforzar o poder de negociación dos agricultores e<br />
gandeiros pola súa maior capacidade para concentrar a oferta a través da transformación e<br />
comercialización. No ano <strong>2011</strong>, dende AGACA puxemos en marcha un Acordo Marco con Vegalsa-Eroski<br />
para a comercialización coordinada e integrada dos produtos de horta nesta importante cadea de<br />
distribución en Galicia. Impulsouse unha saída conxunta e integrada das cooperativas gandeiras para<br />
facerse cos servizos da Planta de Clesa de Caldas de Reis e reactivar a transformación e comercialización<br />
do leite producido en Galicia. Mesmo no ano <strong>2011</strong>, coordinamos unha resposta solidaria das<br />
cooperativas galegas ante o terremoto de Lorca, onde participaron preto de 30 entidades, enviando un<br />
camión de leite das marcas de Alimentos Lácteos e Feiraco. Neste senso, en AGACA reforzamos no <strong>2011</strong><br />
todas as accións encamiñadas a integración das cooperativa.<br />
A Unión de Cooperativas AGACA, que ten como finalidade representar e defender os intereses das 120<br />
entidades socias que agrupan a máis de 34.000 agricultores e gandeiros de Galicia, ten unha clara<br />
vocación de prestación de servizos e axudas ás entidades socias, o que nos obriga a unha constante<br />
adaptación ás demandas e tendencias no sector agroalimentario galego. Os fortes recortes dos ingresos<br />
da organización obrigounos a procurar “facer máis con menos”. Cun orzamento inferior ao do ano 2010<br />
tivemos que desenvolver un gran número de actividades e iniciativas, consecuencia dunha situación<br />
socioeconómica excepcional e unha delicada situación empresarial. Por iso, anímovos a ler esta<br />
Memoria para coñecer en profundidade a Organización e a situación socioeconómica que nos rodeou o<br />
pasado exercicio, que resulta unha descrición da nosa realidade agraria e agroalimentaria. Aproveito<br />
para expresar o meu agradecemento a todas cantas persoas traballaron ou colaboraron con AGACA e<br />
coas cooperativas socias, agradecemento que expresamente traslado aos representantes dos nosos<br />
órganos directivos e aos reitores das cooperativas, pola súa dedicación e entrega, e por seguir confiando<br />
en nós.<br />
Nesta Memoria <strong>2011</strong> encontraredes multitude de actividades e servizos prestados a infinidade de<br />
persoas e colectivos -a maioría socios deste entidade, e uns poucos, a non socios- con clara vocación de<br />
servizo á comunidade agroalimentaria galega en xeral e ao seu medio rural. Por iso, todos os esforzos do<br />
Equipo Técnico están centrados en satisfacer as necesidades das nosas entidades socias e do colectivo<br />
xeral que representamos.<br />
Higinio Mougán Bouzón<br />
Director-Xerente de AGACA