memoria terceiro ciclo de primaria - Buscador de Centros educativos.

Memoria Curso 2010-2011 Ceip Condesa de Fenosa
Un ano máis queixámonos da falta de autonomía por parte dos alumnos, que teñen que
preguntar a cada pouco o que hai que facer. De novo proponse traballar mais o
razoamento lóxico a través de actividades ou xogos, e mellorar esa
inseguridade que teñen. O ano pasado quedou pendente o traballo da importancia do
esforzo. Este ano en 3º fíxose unha reubicación dos contidos,
Tamén se pretende traballar en conseguir unha maior orde nas filas e mais silencio en todo
o recinto escolar. Neste senso, traballouse co Proxecto de Axenda 21.
Por outra banda utilizouse bastante o carné por puntos, pero poucos alumnos faltaron a
actividades como consecuencia da perda de puntos aínda que o mereceran. Valórase que
hai que ser máis estritos na súa aplicación.
Lectura silenciosa
A lectura silenciosa valorouse positivamente xa que permitiu aos alumnos acceder a
grande cantidade de libros e cultivar o gusto pola lectura. De todos xeitos a parte negativa
é que algúns alumnos tardan moito en sentarse a ler, e outros non len, tan só pasan follas.
Tamén que somos nós, os que recordamos case sempre que hai que cambiar os libros
para incitalos a ler. Parécenos unha boa idea facer extensivo a todo o ciclo o que sexan
eles os que elixan os títulos para que sexa mais motivador e valorándolles as lecturas por
medio de resumos.
Dificultades atopadas
Aínda que non se trata dunha maioría, nalgún caso atopamos unha falta de interese,
atención e motivación total por parte dos alumnos á hora de realizar tarefas, estudar ou
prestar atención en clase e ter un comportamento correcto. Tamén nalgún destes casos
que se deu, a colaboración da familia foi escasa ou nula ou noutros casos os pais pecaron
de sobre-proteccionistas.
En xeral, notamos no alumnado que cada día é máis difícil manter a súa atención de xeito
continuado o que inflúe na súa concentración e comportamento. Non é en todas as clases
por igual, pero se que se nota un incremento con respecto a outros cursos anteriores
Avaliación dos apoios
Os apoios realizados foron de dous tipos:
• Apoios feitos polos especialistas de PT e AL con resultados moi positivos ,
• Apoios de integración ao alumnado emigrante, levados a cabo por especialistas de
P.T.
Os apoios valóranse moi positivamente, xa que durante ao curso se puido atender
correctamente aos nenos que o necesitaron, conseguindo na maioría dos casos unha
mellora e incluso se lle deu a algún alumno de alta.
Avaliación do programa de lingua e cultura portuguesa
O programa de lingua e cultura portuguesa valórase positivamente, en canto que lles
permite aos alumnos coñecer mellor esta lingua próxima a nós e adquirir maior
vocabulario. Este ano, a coordinación entre esta materia e a de Coñecemento do Medio
(que é a hora na que saen os alumnos á clase de Lingua e Cultura Portuguesa) foi moito
mellor que en anos anteriores.
17