memoria terceiro ciclo de primaria - Buscador de Centros educativos.

Memoria Curso 2010-2011 Ceip Condesa de Fenosa
MEMORIA DO EQUIPO DIRECTIVO
a) Dinamización dos órganos de goberno e de coordinación docente do
centro e o impulso da participación nestes dos diversos colectivos da
comunidade educativa.
Os equipos de coordinación docente reuníronse cunha periodicidade semanal, agás
nalgunha data sinalada nos que se substituíu a reunión de ciclos por algunha reunión xeral
de carácter informativo ou para a coordinación de actividades complementarias. Para
facilitar o tratamento dos temas facilítase un guión con algúns puntos de importancia para
os ciclos, así como notas informativas, que permiten que se teña un coñecemento similar
dos procesos que se realizan no colexio por parte de todos os ciclos.
Como elemento que pon en común as aportacións dos ciclos aos distintos temas tratados
e que determina as liñas de actuación unitarias está a comisión de coordinación
pedagóxica. Este órgano reúnese os luns, agás, do mesmo xeito que os ciclos, cando se
substitúe a súa reunión pola convocatoria dunha reunión xeral.
No tocante a outros órganos, como é o claustro ou o consello escolar de centro, reúnense
cando é preceptivo e cando os asuntos pendentes así o requiren. É de sinalar o traballo
que dende o equipo directivo se fixo para que se cubrisen as vacantes de todos os
sectores da comunidade educativa representados no consello escolar de centro.
b) Xestión dos recursos humanos e materiais para proporcionar unha
oferta educativa ampla e axustada ás demandas sociais.
Dentro do noso centro funcionan varios equipos que pretenden, coa súa actividade,
satisfacer demandas sociais básicas, como son o coidado do contorno, o fomento da
lectura, a normalización lingüística e a educación compensatoria de situacións
desfavorecidas socialmente.
A este nivel tense traballado, e moito, na adecuación dos patios interiores do colexio como
hortas, a dinamización do espazo da biblioteca, o uso da aula de ordenadores (tamén
empregada en actividades ofertadas polo concello ao noso alumnado).
Tamén, e tal e como se reflectía no PXA, afrontamos este curso a implantación das aulas
ABALAR no 5º curso de primaria. O proceso, no que puxemos todo o noso esforzo, xa que
consideramos importante a introdución das novas tecnoloxías no ámbito educativo, non
estivo, sen embargo, carente de problemas.
Por unha banda o atraso na chegada dos equipamentos fixo que o primeiro trimestre non
se puidese comezar co traballo cos ordenadores. Tras isto o segundo trimestre estivo
marcado por problemas de configuración, caídas do servidor e outros problemas, que,
sumados á prohibición de alterar ningún parámetro de configuración por parte do
profesorado do centro e aos atrasos nas asistencias técnicas, fixeron que a marcha do
proceso fose lenta, e só se regularizara, en certa medida, durante o terceiro trimestre.
Tampouco puidemos desenvolver o proceso de formación como a nós nos tivese gustado
facer, xa que unha boa parte do profesorado estivo fóra do ámbito da formación ofertada
polo CEFORE, ao tempo que se vedaba a posibilidade de artellarmos un proxecto de
formación en centros que abordase a capacitación do profesorado no entorno ABALAR.
O resultado é que só un reducido grupo de mestres recibiu a formación ofertada dende o
CEFORE (profesorado titor e especialistas implicados na aula) e só dous mestres máis
puideron acudir a un curso de 10 horas, evidentemente insuficiente para unha capacitación
axeitada para o cambio metodolóxico que debería supor este proxecto.
En canto á implantación de Ubuntu como sistema operativo predefinido nos ordenadores
3