memoria terceiro ciclo de primaria - Buscador de Centros educativos.

Memoria Curso 2010-2011 Ceip Condesa de Fenosa
Avaliación.
A avaliación proporciónanos información para axustar a intervención educativa. Por iso non
podemos cinguirnos só aos alumnos, senón tamén á nosa práctica como docentes.
Respecto aos alumnos, levamos a cabo unha avaliación inicial, continua e formativa
mediante:
• A observación directa do traballo diario dos alumnos, observando o seu traballo
individual e en grupo, en diferentes tarefas e situacións.
• Análise das produccións dos alumnos.
• Observación sistemática.
• Rexistros de conducta, anecdotarios, ..
• Axendas de ida e volta.
• Sesións de avaliación trimestrais.
• Informes trimestrais as familias.
• Entrevistas cos titores/as e resto de profesionais participantes.
• Entrevistas cos/as pais/nais ou titores legais.
A evolución dos alumnos/as foi moi dispar. Algúns alumnos/as do primeiro ciclo, con
dificultades de aprendizaxe, alcanzaron o nivel medio do seu grupo de referencia e deixan
de recibir o apoio. O resto do alumnado, se ben evolucionou, todavía precisan seguir
recibindo o noso apoio. Os alumnos/as de aulas específicas, van evolucionando máis
lentamente.
En canto ao noso traballo como mestres/as démoslle prioridade a:
• O nivel de interacción cos alumnos.
• A adecuación dos materiais empregados.
• A pertinencia das actividades propostas.
• O nivel de interacción e coordinación entre os profesores e apoios.
• O nivel de interacción coas familias.
• O interese do profesorado pola participación en cursos de formación e a
repercusión do traballo no aprendizaxe dos alumnos.
Como documentos de avaliación, temos os Informes Trimestrais para as familias, e os
Documentos de Adaptación Curricular (ACIs).
Debemos destacar o labor desenvolvido pola nosa orientadora, que grazas ás súas pautas
e criterios de actuación instaurados, poidemos seguir desenvolvendo con normalidade as
nosas tarefas dacordo co plan de traballo. Tamén, foi positiva a actitude da orientadora en
funcións, que soubo adaptarse rapidamente ao modo de traballo.
Propostas de mellora
Cara o curso que ven, consideramos necesario:
• O cambio dos ordenadores da Casiña. Os xa reemplazados non funcionan
correctamente, e o resto seguen sen sustituirse.
• Enviar as ACIs rematadas en setembro e realizar as pendentes no primeiro
trimestre.
• Ampliación da Casiña para mellorar os espazos existentes.
• Material específico para o alumnado que o precise, tal como bipedestador e
material para psicomotricidade.
• Reformar unha aula da casiña, para convertila en “Aula de Estimulación
Multisensorial”.
32