Guia pa mayor 2022-2023 KMWE

Anochinan di informashon i di rapòrt
Lo tin den e aña eskolar por lo menos 4 anochi di enkuentro ku mayor.
Durante di e promé enkuentro (anochi di informashon), mayornan lo haña un bista
di kiko lo bai trata den e aña eskolar i tambe konosé e maestro(a) di e yu mas di
aserka. Lo trata e reglanan di klas i skol i mas asuntu ku tur mayor. For di aki e
yu ta sinti si su mayor ta interesá den loke e ta haña na skol. Na final di kada
trimester, kada mayor ta mira desaroyo di su yu pa medio di e rapòrt.
For di aki nos ta urgi tur mayor pa ta presente na e enkuentronan aki. Pa e
mayornan ku tin yu den grupo 8 lo tin mas anochi di informashon.
Mayornan por traha sita semper pa papia tokante desaroyo di e yu.
Sakamentu di potrèt
Na skol por sosodé ku ta saka potrèt di alumnonan pa husa riba FB-page, den
korant òf grabashon pa televishon. Mayornan ku no ta deseá esaki, porfabor
informá e maestro di grupo di yu pa medio di un karta. Nos lo tene kuenta ku
esaki. Un bia pa aña nos tin un fotógrafo ku lo saka pòtrèt di e gruponan huntu ku
nan maestro i tambe por saka pòtrèt individual. Lo risibí un karta ora ta asina
leu.
Seguro
Tur mucha na skol ta kai bou di seguro di United Insurance Company Limited pa
tur aksidente sosodé durante e orario ku skol ta para responsabel pa nan.
Seguro ta solamente pa desgrasia personal. Seguro no ta kubri brel, tas, paña.
Seguro no ta kubri malesanan ku un alumno por tin manera e.o. asma.
E seguro ta kubri solamente daño personal i no ta kubri daño material. E seguro
ta kubri solamente serka un instansha. Si tin ku atendé ku mas instansha, esaki
ta kai bou di e yu su seguro básiko. Seguro ta kubri prome yudansa , asina yama”
eerste hulp”. E yudansa ku ta duna na momentu ku e aksidente tuma lugá.
Bakunashon
Tur aña Departamentu Salú Hubenil ta bin skol pa pasa alumnonan ku ta bini na
remarke angua. Nos ke pidi tur mayor pa sòru pa ora ku e karta bini kas pa yena
e formulario i manda esaki skol mesora huntu ku e karchi di bakuna di e yu.
16