Guia pa mayor 2022-2023 KMWE

Formashon Artístiko Kultural
Músika, pintamentu, dramatisashon i obra di man ta wòrdu duna den henter skol.
E área aki ta hopi importante paso e ta forma un “cluster” na final di rapòrt i ta
konta riba rapòrt. Pa esaki no ta hasi uzo di ningun método ainda.
Lo bai konsentrá hopi riba e formashon Artísíto serka e alumnonan. Pa ku esaki ,
nos mester di mayor su koperashon, pa e yu por kumpli ku tareanan risibí. E
enfoke e aña aki ta pa nos alumnonan progresá den nan abilidatnan artístiko i
kreativo. I asina forma nos alumnonan den nan talentonan i abilidatnan kreativo.
Formashon Físiko i di salú
Tur klas ta haña formashon físiko. Esaki ta ser duná pa e dosente di formashon
físiko: mr Shamir.Lèsnan di landamentu den grupo 5 ta obligatorio.
Nos skol ta partisipá na diferente aktividatnan di deporte. Entre nan futbòl,
vòley, i mas. Nos tin e diferente timnan na skol ,na kua jùfr Jeamine i su pareha
Faisel ta guia. Nos ta spera di mayornan pa duna respèt i balor na e dosente i
entrenadornan . I pa guia e yu den hasi deporte. Disiplina i respèt ta e base pa un
formashon sano i deportivo. Nos ta pidi mayornan pa bin trese i buska e yu na
tempu riba dianan ku tin aktividat deportivo.Durante di e aktividatnan aki, e
komportashon mester ta bon. Si esaki no ta e kaso, nos ta haña nos obligá na
saka e yu for di e aktividatnan.
Formashon Sosial Emoshonal
Pa hasi e alumnonan konsiente di nan mes komportashon i komportashon pa ku
otro maestranan ta duna lès saka for di e método Balor di tin balor i ta hasi uzo
tambe di metanan stipulá pa Ministerio di Enseñansa. Ta hasi uzo tambe di
‘checklist’.
Maestra por hiba kombersashon nan tambe a base di situashonnan ku presentá
na kas, skol òf den komunidat. E aña aki nos lo bai enfoká hopi riba e formashon
sosial emoshonal. Esaki ta start for di mainta na e forma ku ta kuminda otro, ora
drenta klas. Lo bai tin hopi momentunan pa kombersá tokante emoshon i tambe lo
bai para ketu na e mucha i su emoshon. Aki alumnonan i koleganan ta bai siña pa
tin empatia pa otro. Tur esaki ku e meta pa traha na un mucha felis i un maestro
felis. Algun temanan ku lo ser tratá lo ta : disciplina, ordu, rèspèt, Konsenshi,
hustu, bèrdat, kuido i komprenshon, kombibensia, union, afikshon, bondat,
atenshon, apresio, gratitud, amistad, alegria, felis, pas, trankilidat, fieldat,
amor.
24