Guia pa mayor 2022-2023 KMWE

Den nos afan pa por tin un mihó komunikashon ku mayor nos ta presentá na boso
e guia pa mayor aki. Nos ta spera ku e informashonnan aki den lo por duna kada
mayor un bista di kiko nos skol ta para pe.
Si tin informashon ku no ta kla pa mayor, por aserká skol pa haña un splikashon
i/òf aklarashon. Esaki via nos programa digital “ Classdojo “ i naturalmente via
nos numbernan di telefòn 4624162/ 4624670. Pa informashon tokante sifranan
di nos yunan nos por subi riba ouderportaal”. Mi ta urgi tur mayor pa entregá
boso email adres na skol. I aktivá despues di haña e petishon pa “log in”. Pa
mayor por keda konektá ku skol , mester hasi uso di e medionan virtual.
For di aki nos ta yama bonbini na nos alumnonan i mayornan nobo. Alabes nos ta
gradisí di antemano tur mayor pa e koperashon, partisipashon i komprenshon, pa
e aña 2022-2023 bira unu éksitoso.
Aténtamente,
Na nòmber di e tim di Kolegio Mons Willem Ellis
Direktor i direktor athunto,
Yùfrou Faina Cathalina i yùfrou Joulaika La Cruz- Mambi
4