Guia pa mayor 2022-2023 KMWE

Organisashon di enseñansa den Kolegio Mòns Willem Ellis
Enseñansa di fundeshi
Na aña 2002 enseñansa di fundeshi a keda introdusí. Na 2008 Gobièrnu di Antia
a dekretá e Lei di Enseñansa di fundeshi.
Meta di enseñansa di fundeshi:
1. Enseñansa di fundeshi ta pa muchanan for di 4 aña. E ta pone fundeshi pa
enseñansa sekundario.
2. Enseñansa di fundeshi tin komo meta pa duna formashon na e alumno di
komunidat Antiano menshoná den insiso 1. Sin hasi distinshon di ningun
klase. Enseñansa di fundeshi ta duna formashon intelektual, sosial,
emoshonal, motóriko, artístiko i moral.
Areanan di edukashon
Den enseñansa di fundeshi nos konosé 8 area di edukashon i e kantidat di minüt
pa siman pa kada area di edukashon pa siklo 1 i pa siklo 2.
Area di edukashon Siklo 1 Siklo 2
1 Idioma Literashon i Komunikashon 495 600
2 Matemátika 270 315
3 Siensia Sosial 75 75
4 Siensia i Teknologia 75 120
5 Formashon Artístiko Kultural 225 135
6 Formashon Físiko i di salú 90 45
7 Formashon Sosial Emoshonal 60 60
8 Filosofia di bida 60 75
Bou di ILK ta kai Papiamentu, Hulandes, Spañó i Ingles i tambe skibimentu.
Idioma di instrukshon
Lei di enseñansa di fundeshi ta duna skolnan e derecho pa skohe e idioma di
instrukshon for di e idiomanan Hulandes, Papiamentu i Ingles.
Kolegio Mòns Willem Ellis a skohe pa e modelo bilingual. Esaki ta enserá ku den
grupo 1-2 e idioma di instrukshon lo ta na Papiamentu i for di grupo 3 e idioma di
instrukshon ta Hulandes.
20