Guia pa mayor 2022-2023 KMWE

Historia di Kolegio Mons Willem Ellis
Kolegio Monseñor Willem Ellis ta un kombinashon di tres skol ku a bini huntu esta
Bernadette/Stephanus College i Teresita kleuterschool.
Bernadette/Stephanus College:
Bernadette College i Stephanus College tabata dos skol katóliko. Bernadette
tabata skol di mucha muhé i Stephanus tabata skol di mucha hòmber. E skolnan
akí tabata separá for di otro. Den transkurso di aña nan a pone nan huntu. Pues
tabatin tantu mucha muhé komo mucha hòmber huntu na tur dos e skolnan. Tur
dos skol tabatin su mes kabes di skol i miembronan di personal. Naturalmente
kada un tabatin su mes unifòrm. Stephanus tabatin mener Juliana i Bernadette
tabatin mener Vornis komo kabes di skol. Despues di algun aña direktiva di
skolnan katóliko a disidí di papia ku tantu e kabes di skol komo e personal
tokante e plan pa pone e dos skolnan akí huntu. Direktiva di skolnan katóliko a
disidí di nombra mener Vornis komo kabes di tur dos skol komo ku mener Juliana
entre tantu lo mester a bai ku penshun. Entrante 2004 skol di fundeshi a hasi su
entrada. Pues mester a pone un skol preparatorio den besindario huntu ku e skol
básiko. Esaki a resultá di ta:
Teresita kleuterschool:
Promé Teresita kleuterschool tabata konsistí di 5 klas, pero despues mester a
sera dos di nan debí na pérdida di un kantidat di mucha ku tabata emigrá pa
Hulanda. Loke tabata falta hopi tabata un sala será di rekreo (speelzaal). Tabata
hasi wega den un di e klasnan ku a sera. Na aña 2004 Bernadette i Stephanus
tambe a sera 3 klas i e ora ei por a hinka e tres klasnan di Teresita
kleuterschool den e dos skolnan ei. Dor di inovashon den enseñansa mester a
pone e 3 skolnan den besindario huntu.
Tabata situá den lanthùis Habaai na Radulphusweg. Despues e skol a bai den kas
di ansianonan na Habaai i na aña 1964 a traha un edifisio nobo pa e skol. Tras di e
skol tabatin un santana kaminda tabata dera solamente sùrnan katóliko. Na
aprel/mei di aña 2005 tantu e kabes di skol komo miembronan di personal a disidí
di buska un nòmber nobo pa e skol, ku ta: Kolegio Monseñor Willem Ellis.
6