Guia pa mayor 2022-2023 KMWE

Lesa tékniko-Nivel di lesa
Pa stimulá i yuda kada alumno den lesamentu nos tin lesamentu na nivel. E nivel di
lesamentu ta keda di tèst via di e pakete di ‘AVI-toets’ ( Ulandes i “AFI- toets”
( Papiamentu).
Tres bes pa aña ta tèst tur alumno di grupo 4 te ku 8. Ta tèst alumnonan di
grupo 3 un bes pa aña. Riba rapòrt por mira na kua nivel e yu ta.Alumnonan di
grupo 4 te ku 8 ta haña bishita di trahadónan di banko Maduro, ku ta bin duna
guia na lesamentu ( leesouders). Banda di MCB , lo bai traha tambe ku un plug di
mayornan/ interesadonan ku ke bin sostené i guia nos alumnonan den lesamentu .
Mayornan interesá por akudí serka kabes di skol pa mas informashon. Pa e aña
eskolar aki Kolegio monsWillem Ellis ta bai intensivá uso di nos biblioteka na skol.
Alumnonan por fia buki pa nan por lesa na kas tambe.
Nos ta hasi un supliká na mayornan, pa sorù pa e muchanan kuida e bukinan di
skol. I trese esakinan skol bèk. Den kaso di pèrdidá di buki, distrukshon di e buki
i tas, mayornan ta para responsabel pa esakinan.
Lesa i komprondé-Begrijpend lezen
Esaki ta kuminsá na final di grupo 3. Ta hasi uzo di tekstonan kòrtiku riba
stènsel. Ta sigui den grupo 4 ku tekstonan un poko mas largu riba stènsel i tambe
tekstonan for di e método ‘Zonnig Nederlands’.
Grupo 5 te ku 8 ta hasi uzo di tekstonan for di ‘Zonnig Nederlands’, tekstonan
riba stènsel i e método ‘Nieuwsbegrip’. E método ‘Nieuwsbegrip’ ta trata
temanan aktual ku ta notisia den mundu.
Pa tantu Ulandes, Papiamentu, Spaño, Ingles, Matemátika i lesamentu , M&M,
MNT, lo bai hasi hopi uso di programanan digital manera Nieuwsbegrip, Junior
Einstein i otronan, tambe Classdojo pa sostené e materianan . E enfoke ta pa
traha na e desaroyo digital serka nos muchanan.
Skibimentu
Den grupo 1 i 2 ta traha riba e desaroyo motóriko gròf i fini .Aktividatnan
manera traha ku klei, pinta, prek, sker.
Den grupo 3 alumnonan ta kuminsá ku e skibimentu. Nos ta hasi uso di e método
“Pennenstreken”.Den grupo: 3 alumnonan ta kuminsá skibi lèter nan lòs i despues
algun palabra simpel.Den grupo 4 te ku 5 nan ta sigui ku e aspektonan di skibi di e
método. Por ehèmpel siña kon pega lèter nan na otro i lèter kapital.
22