SMALL-123

KARATE
S P O R T S M A N
gənclər arasında üçüncü yeri tutan
Fidan Teymurova (-50 kq) və Mədinə
Sadıqova (-55 kq, hər ikisinin
məşqçisi Seymur Xudaverdiyev)
bürünc medalların sayını üçə çatdırıblar.
Qeyd edək ki, çempionatın əvvəlki
günlərində 16-17 yaşlı gənclər
arasında Sultan Hüseynov (-55 kq,
məşqçisi Rəşad Hüseynov), Fərid
Ağayev (-76 kq, məşqçisi Namiq
Priverdiyev) və Osman Osmanlı
(+76 kq, məşqçisi Rövşən Allahverdiyev)
Avropa çempionu, Ayla
Rzazadə (-59 kq, məşqçisi Seymur
Xudaverdiyev) gümüş medala,
Əminağa Quliyev (-61 kq, məşqçisi
Elnur Həsənov) isə bürünc mükafata
sahib olub, həmçinin bir gün
əvvəl 14-15 yaşlı yeniyetmələrdə
Fərid Savadov (-57 kq) birinci yerə
çıxıb.
Tale Yaqubov (-68 kq, məşqçisi
Cahangir Babayev), Hümmət
Baxşəliyev (-67 kq, məşqçisi Vüqar
Hüseynov), Arina Bezrebra (+54
kq) və Həsənəli Həsənəliyev (kata)
bürünc medal uğrunda həlledici
görüşdə məğlub olublar. Murad
Hacızadənin (+84 kq) təsəlliverici
döyüşdə hakim qərəzliyi idmançımızın
məğlubiyyətinə səbəb olub.
Yeniyetmə və gənclər seçmə
komandasının baş məşqçisi Anar
Allahverdiyev və kişilərdən ibarət
milli komandanın böyük məşqçisi
Şahin Xudaverdiyevin rəhbərliyi ilə
Avropa çempionatında çıxış edən
Azərbaycan karateçiləri 4 qızıl, 1
gümüş və 3 bürünc medalla 52 ölkə
arasında 3-cü pilləni tutaraq, bu
yaş qruplarının tarixində ən yüksək
nəticə göstərib. A.Allahverdiyevin
qeyd etdiyinə görə, yeniyetmələrin
heyətində 2022-ci il gənclərin olimpiadasına
lisenziya qazana biləcək
perspektivli idmançılar da var.
Əlli iki ölkədən 1155 idmançının
qatıldığı Yeniyetmə və Gənclərin
47-ci, 21 yaşadək karateçilərin isə
12-ci Avropa çempionatını idarə
edən hakimlər arasında beynəlxalq
referilər Cahangir Babayev və
Vüqar Kərimov da yer alıb. Azərbaycan
Milli Karate Federasiyasının
prezidenti və Avropa Karate
Federasiyası (EKF) idarə heyətinin
üzvü Yaşar Bəşirov fərqlənən
idmançıları mükafatlandırma mərasimində
iştirak edib. Beynəlxalq
karate mütəxəssisləri və EKF rəsmiləri
Azərbaycan karateçilərinin
çıxışlarını yüksək dəyərləndiriblər.
Yeniyetmə və gənclərin növbəti
Avropa çempionatı Polşada keçiriləcək.
Bakıda keçiriləcək Avropa
çempionatına hazırlıq işləri
müzakirə edilib
Macarıstanın paytaxtı Budapeştdə
Avropa Karate Federasiyası
(EKF) idarə heyətinin iclası
keçirilib. Azərbaycan Milli Karate
Federasiyasının prezidenti, EKF-in
idarə heyətinin üzvü Yaşar Bəşirov
yığıncaqda iştirak edib.
Bu il martın ikinci yarısında Bakıda
keçiriləcək böyüklərin 55-ci
Avropa çempionatına hazırlıq işləri
də müzakirə olunub. Y.Bəşirov nüfuzlu
tədbirə hazırlıqla bağlı məlumat
verib.
EKF rəsmiləri kütləvi beynəlxalq
yarışlar keçirməkdə böyük təcrübəsi
olan Azərbaycanın bu tədbiri də
uğurla təşkil edəcəyinə inandıqlarını
bildiriblər.
11-ci beynəlxalq “Baku
Open” turniri keçiriləcək
Martın 5-8-də Boks Mərkəzində
11-ci beynəlxalq “Baku Open” karate
turniri keçiriləcək.
Yarışda 6-13 yaşlı uşaqlar, 14-
15 yaşlı yeniyetmələr, 16-17 və 18-
20 yaşlı gənclər, böyüklər və veteran
karateçilər iştirak edəcəklər.
Fərdi və komanda yarışlarında
10-dan artıq ölkədən 1000-dək idmançının
iştirakı gözlənilir.
Azərbaycanlı karate
hakimi kumite üzrə beynəlxalq
dərəcəyə layiq görülüb
Azərbaycanlı karate hakimi kumite
üzrə beynəlxalq dərəcə alıb.
Mais Mədətov kumite üzrə B
dərəcəsinə layiq görülüb.
Avropa Karate Federasiyası
(EKF) hakimlər komitəsinin Budapeştdə
təşkil etdiyi nəzəri və praktiki
imtahanlara qatılan M.Mədətov
hər iki sınaqdan uğurla keçib.
28 спортсман № 123 / 2020