Create successful ePaper yourself
Turn your PDF publications into a flip-book with our unique Google optimized e-Paper software.
эимнастика
S P O R T S M A N
İlin ilk Dünya kuboku
Azərbaycan Gimnastika
Federasiyası (AGF) tərəfindən
2020-ci ildə təşkil ediləcək
beynəlxalq yarışların cədvəlində
ilk olan batut gimnastikası və
tamblinq üzrə Dünya Kuboku
turniri başa çatıb.
Olimpiya Oyunlarına təsnifat xarakterli
2 günlük yarışda dünyanın
30 ölkəsinin 150-yə yaxın idmançısı
birincilik uğrunda mübarizə aparıb.
Olimpiya çempionları Vladislav
Qonçarov (Belarus), Rozanna Maklennan
(Kanada), Donq Donq (Çin),
Olimpiya medalçısı Brioni Peyc (Böyük
Britaniya), dünya çempionları
Qao Ley və Liu Linqlinq (Çin), eləcə
də Yana Lebedeva, Aleksandr Lisitinin
(Rusiya) də çıxış etdiyi bu Dünya
kubokunda Azərbaycan idmançıları
da öz qüvvələrini sınayıblar.
Tamblinq yarışlarında ölkəmizi
Fərid Mustafayev, fərdi batut yarışlarında
isə Selcan Mahsudova təmsil
edib. Hər iki gimnast ilk dəfə Dünya
kubokunda böyüklər proqramında
çıxış edib. Fərid yarışların final mərhələsində
8-ci, Selcan isə Olimpiya
növü olan fərdi batut proqramında
32-ci yerdə qərarlaşıb.
AGF-nin təşkil edəcəyi növbəti
yarış isə 7-8 martda keçiriləcək kişi
idman gimnastikası üzrə “1-ci AGF
Junior Trophy” adlı beynəlxalq turnir
olacaq. Turnirdə gənclər yaş qrupuna
daxil olan 2003-2006-cı il təvəllüdlü
gimnastlar öz bacarıqlarını nümayiş
etdirəcəklər.
İlkin qeydiyyat siyahısına əsasən,
yarışda 13 ölkədən 84 gimnast birincilik
uğrunda mübarizə aparacaq.
Qeyd edək ki, “AGF Junior Trophy”
mayın 27-31-də Milli Gimnastika
Arenasında təşkil ediləcək kişi idman
gimnastikası üzrə Avropa çempionatından
öncə gənc gimnastlar
üçün bir növ sınaq turniri rolunu oynayacaq.
40
спортсман № 123 / 2020