Create successful ePaper yourself
Turn your PDF publications into a flip-book with our unique Google optimized e-Paper software.
S P O R T S M A N
ЭЦЛЯШ
çəkib. Buxarestdə olduğu kimi, Romada
da millimizin kapitanı ilə 23 yaşadək
güləşçilərin dünya çempionu
arasında qarşılaşma gərgin mübarizə
şəraitində keçib. Son dəqiqəyə
kimi 3 qat Avropa çempionumuz
hesabda 0:3 geridə olsa da, xarakter
göstərərək qələbəni təmin edib.
Həsənovun növbəti görüşü də asan
keçməyib. Cəbrayıl Rumıniya güləşçisiylə
mübarizədə xalların keyfiyyətinə
görə mərhələ adlayan tərəf olub.
Daha sonra Ermənistan güləşçisinə
gücünü göstərən Həsənov yarımfinala
vəsiqə qazanıb. Ancaq təcrübəli
güləşçimiz Rusiya güləşçisinə yenilərək
finala çıxa bilməyib. Cəbrayıl
3-cü yer üçün türk güləşçini sınağa
çəkib və minimalhesablı qələbəylə
8-ci dəfə qitə birinciliyində fəxri kürsüyə
qalxıb.
Nurməhəmməd Hacıyev (97 kq)
startda Macarıstan pəhləvanını yolundan
kənarlaşdırıb. Ancaq 1/4 finalda
olimpiya, 4 qat dünya və 3 qat
Avropa çempionu Abdulrəşid Sadullayevlə
bacarmayıb. Rəqib finala
yüksəldiyi üçün Hacıyev fevralın
15-də təsəlliverici görüşə çıxıb və
makedoniyalı həmkarını üstələyib.
Bürünc medal uğrunda qarşılaşmada
Gürcüstan təmsilçisinə minimal fərqlə
uduzan Nurməhəmməd bu dəfə fəxri
kürsüdən kənarda qalıb.
Aslanbek Alborov
Yarışa 1/4 finaldan start verən
İntiqam Vəlizadə (61 kq) Türkiyə
güləşçisinə qalib gələrək yarımfinala
yüksəlib. Finalın bir addımlığında son
dünya çempionu Beka Lomtadzeyə
məğlub olan həmyerlimiz fevralın 16-
da bürünc medal görüşünə çıxıb və
rumıniyalı idmançıya uduzub.
Hacımurad Hacıyev (74 kq) startda
Polşa güləşçisini vaxtından əvvəl
üstələsə də, 2 qat dünya və 3 qat Avropa
çempionu Frank Çamizoya uduzub.
Üstəlik, qolu sındığı üçün təsəlliverici
görüşə də çıxa bilməyib.
Abubakr Abakarov (86 kq) debüt
görüşündə Latviya idmançısını erkən
sıradan çıxarıb. Ancaq Avropa çempionu
və dünya üçüncüsü Artur Nayfonov
keçilməz olub. Rəqibin finala yüksəlməsi
Abubakr üçün bürünc medala
cığır açsa da, Abakarov təsəlliverici
görüşdə 4:0 üstünlüyü əldən verərək
fəxri kürsüdən kənarda qalıb.
Aslanbek Alborov (92 kq) təsnifat
mərhələsində macar həmkarına
aman verməyib. Ancaq 1/4 finalda
Türkiyə pəhləvanına məğlub olub.
Rəqib finala yüksəldiyi üçün son yarış
günündə yenidən xalça üzərinə
çıxan Alborov təsəlliverici qarşılaşmada
yerli pəhləvanı vaxtından əvvəl
üstələyib. Gürcüstan güləşçisiylə
gərgin mübarizə şəraitində keçən
dueldən də qalib ayrılan təmsilçimiz
karyerasında ilk dəfə Avropa çempionatında
fəxri kürsüyə qalxıb.
Camaləddin Məhəmmədov
Camaləddin Məhəmmədov (125
kq) əvvəlcə bosniyalı, daha sonra
türk rəqibini vaxtından əvvəl məğlub
edib. Lakin 1/4 finalda Polşa
güləşçisinə yenilib. Rəqib finala kimi
irəliləyib. Belədə Məhəmmədov mübarizəni
son yarış günündə davam
etdirib. Təcrübəli güləşçimiz təsəlliverici
görüşdə avstriyalı həmkarından
güclü olub. Həlledici qarşılaşmada
Ermənistan güləşçisiylə üz-üzə gələn
yığma üzvü sona 4 saniyə qalmış aldığı
xalla 4-cü dəfə Avropa üçüncüsü
olub.
Beləliklə, yığmamız AÇ-də ümumilikdə
5 medal (1 gümüş, 4 bürünc)
medal qazanıb.
Vüsal M.
спортсман № 123 / 2020
37