Testet Gjuha Shqipe 4 - Albas

18 18
Teste Gjuha shqipe 4
Lexo përrallën e mëposhtme.
Plaka misterioze
Varianti II
Një ditë feste, katër vasha shkonin udhës të zbukuruara si asnjëherë dhe
shend e verë.
Para tyre u doli një plakë gjithë zhele, e shëmtuar dhe e ndotur këmbë e
kokë. Në duar mbante një kabash të mbushur me ujë të pastër. Plaka i thotë
vajzës së parë:
-Moj vashë, eja më laj pak!
-Ç’të thotë mendja, të bëhem unë pis për ty? Shih si jam veshur! - ia priti ajo.
-Eja më laj ti! - i thotë plaka vajzës së dytë.
-Nuk dua! - ia priti ajo.
-Po ti do të më lash? - pyeti sërish plaka, kësaj radhe vajzën e tretë.
-Kur të kthehem nga festa, të shohim, - i thotë kjo, duke e vënë në lojë.
Atëkohë doli përpara plakës vajza e katërt, që ishte më e bukura nga vajzat.
-Do të të laj unë, moj gjyshe! Ja, ngrije pak fytyrën, të lutem!
Dhe vasha fi lloi ta lante. Plaka krejt e lumtur i thotë:
-Kam diçka në kurriz. A ma fërkon pak, po deshe!
-Patjetër, gjyshe! - i thotë ajo.
Po sa u habit vasha, kur pa në kurrizin e varfanjakes, mes teshave të saj, një
xhep plot me stoli, me tesha dhe sandale, me perla plot.
-Ç’janë këto? - e pyeti ajo.
-Janë për ty, bijë, sepse ti më lave e më çlodhe kockat. Ty të erdhi keq për
mua. Tani vishu dhe zbukurohu dhe shko në festë.
Kur shoqet e panë të veshur e të stolisur, e pyetën se ku i kishte gjetur gjithë
ato gjëra të bukura.
-M’i dha plaka që hasëm rrugës e që e ndihmova, - u tha ajo.
Vajzat rendën për te plaka, por, aha, ajo ishte zhdukur.
Dhuratat që dha plaka misterioze mbetën gjithnjë të reja.
- kabash - kanë uji