KERKOJNE REFORMA - Gazeta Express

E hënë, 12 mars 2012
Në vend se Qeveria e Kosovës t’i shtojë përpjekjet
për t’i zbutur dallimet evidente në vlerësimin e
Marrëveshjes së Brukselit, ajo ka vendosë që mos ta
bëjë hesap fare opozitën, dhe çka është më e keqja,
as qytetarët e Kosovës.
S’na bëjnë
hesap. Fare.
Blerim Shala
Në vjeshtën e 2009-shit, Komisioni (Evropian,
vër.ime), do të prezantojë studimin e fi zibilitetit,
duke i vlerësuar mjetet për zhvillimin e mëtejshëm
politik dhe socio-ekonomik të Kosovës, dhe duke
kërkuar se si mund Kosova të përparojë më së miri,
si pjesë e rajonit, drejt integrimeve të mëtejme në
rajon dhe në Bashkimin Evropian.
Është kjo fjalia kyç e një Komunikate për media të
Komisionit Evropian për Kosovën, që mban datën
e 5 nëntorit, 2008.
Lexoni edhe një herë: 5 nëntor, 2008!
Pra, këtu i referohemi qëndrimeve të BE-së të
nëntorit të vitit 2008, të cilat paralajmërojnë inicimin
e procesit të studimit të fi zibilitetit për Kosovën
(ky është zaten edhe titulli i Komunikatës së Zyrës
Ndërlidhëse të Komisionit Evropian në Kosovë), i
cili, do të na vijë në Kosovë, sipas paralajmërimeve
të fundit, këto javë, pasi që në ndërkohë Kosova dhe
Serbia, apo, thënë më mirë, përfaqësuesit e tyre, u
dakorduan me 24 shkurt, në Bruksel për mënyrën
se si do të prezantohet Kosova në takimet rajonale
dhe në ato që përkojnë me BE-në.
E pabesueshme, por e vërtetë.
Kështu disi, ju kujtohen, reklamohen gjërat a
produktet që shquhen me një lloj të mrekulli-bërje
sa i përket efekteve të tyre pozitive, apo kështu paraqiten
dukuri që janë shumë befasuese në natyrë
a në shoqëri.
Çfarë ka ndodhë që Brukseli, në nëntorin e vitit
2008, atëherë kur Kosovën e kishin njohur 22 shtete
anëtare të BE-së (në këtë aspekt, siç dihet, asgjë nuk
ka ndryshuar në ndërkohë), kishte bërë këtë zotim
për ta braktisur pastaj në tërësi, kjo mbase do të duhej
të ishte pjesë e një hulumtimi gjithëpërfshirës.
Pyetja kryesore këtu në fakt na adresohet neve.
Pse Qeveria e Kosovës, pse liderët institucionalë të
vendit, nuk janë marrë me këtë çështje sa dhe si
duhet, kur kanë pasur argumente të bollshme për
të ndërmarrë iniciativë karshi autoriteteve më të
larta të Brukselit, ashtu që ato t’i dalin zot përkushtimit
të shfaqur dhe të shpallur në këtë mënyrë
eksplicite.
Diçka pra që ka mundur të bëhet qysh në vitin
2009, do të bëhet, nëse në ndërkohë nuk do të ketë
befasi të reja, në vitin 2012.
Më e pakta pra që këtu mund të thuhet është
që Qeveria e Kosovës e Kryeministrit Thaçi dhe
e koalicionit të atëhershëm PDK-LDK, kanë lënë
anash këtë temë shumë të rëndësishme për proceset
integruese të Kosovës në BE.
Prandaj, kemi ardhur në situatë kur në dimrin e
këtij viti, tre vjet e pak më shumë prej kësaj komunikate,
qytetarët e Kosovës e marrin lajmin për një
sukses a një arritje e cila është dashtë të ndodhë
gati tre vjet më parë.
Kosova po merr pak dhe vonë, kur bëhet fjalë për
raportet me BE-në. Dhe këtu nuk ka si të mos kër-
kohet a ngrihet përgjegjësia edhe prej autoriteteve
vendore. Thjeshtë, nuk ka justifi kim.
Aq më pak mund të ketë shpjegim dhe arsyetim
mënyra se si Qeveria e Kosovës po sillet ndaj partive
opozitare, ndaj qytetarëve të vendit dhe ndaj
mediave, në këtë periudhën pas-Fusnotiane, nëse
ajo mund të defi nohet në këtë mënyrë.
Sot e kësaj dite, kosovarët nuk dinë se çfarë në
të vërtetë përmban Marrëveshja e 24 shkurtit në
Bruksel midis Edita Tahirit dhe Borko Stefanoviqit.
Tek opinioni kosovar, përmbajtja e saj është zbardhë
nëpërmjet të përkthimit nga gjuha serbe, sepse
Qeveria e Serbisë e ka shpallë në web-siten e saj
këtë Marrëveshje. Kjo është e tëra.
Rendi ka qenë që kjo Marrëveshje të botohet në
të gjitha mediat e Kosovës, pasi që ta kanë marrë
të gjithë deputetët e Kuvendit të Kosovës.
Me Rezolutën e Kuvendit të Kosovës për dialogun
e Prishtinës dhe Beogradit, të miratuar në marsin
e vitit të kaluar, madje, pasi që bisedimet kishin
nisë në Bruksel, Qeveria ka marrë zotimin që ta
informojë Kuvendin e Kosovës për rrjedhën e tyre
dhe për rezultatet e tyre.
Zëvendës-Kryeministrja e Kosovës që u prinë
këtyre bisedimeve, Edita Tahiri, e sheh të arsyeshme
dy herë në muaj të shkojë në Tiranë dhe ta
njoftojë Kryeministrin e Shqipërisë, Sali Berishën
për këto bisedime, por kjo nuk e ka pa të obligueshme
që ta informojë qytetarin e Kosovës dhe aq
më pak, deputetët e Kuvendit të Kosovës për konkluzionet
e bisedimeve treditëshe të shkurtit.
E pabesueshme, por e vërtetë. Kështu del edhe
një herë, apo jo.
Rezultati i këtyre bisedimeve do të testohet së
shpejti në Kuvendin e Kosovës, kur do të duhej
të votohej për anëtarësimin e Kosovës në EBRD
(Bankën Evropiane për rindërtim dhe zhvillim),
dhe kur duhet të mblidhen 80 vota në favor të këtij
anëtarësimi. Dihet që mundësia për inkuadrim
në EBRD po ashtu ka ekzistuar që prej se Kosova
ishte bërë anëtare e IMF-it (Fondit Monetar Ndërkombëtarë)
dhe Bankës Botërore, por si në këtë rastin
paraprak, duket që edhe këtu, ka pasur dyzim
të paaftësisë së Qeverisë së Kosovës me ngathtësitë
e zakonshme, mbase edhe të shtuara (në rastin e
Kosovës), nga ana e zyrtarëve të BE-së.
S’ka dilemë që po qe se anëtarësimi i Kosovës në
EBRD do të bëhet njëlloj si në IMF dhe në Bankën
Botërore, pra me emrin kushtetues të Kosovës
(Republika e Kosovës), që votimi në Kuvendin e
Kosovës do të jetë një demonstrim i unitetit të
deputetëve në synimin e njohur të Kosovës kah
Brukseli, kah BE-ja. Por e tëra do të jetë ndryshe,
nëse Kosova do të mund të hyjë në EBRD vetëm
përmes të fusnotës së dakorduar para disa javësh
në Bruksel.
Nuk është vështirë të parashihet se çfarë do të
ndodhë në Kuvendin e Kosovës në atë rast. E në
ndërkohë, në vend se Qeveria e Kosovës t’i shtojë
përpjekjet për t’i zbutur disi dallimet evidente midis
saj dhe opozitës në vlerësimin e këtyre proceseve,
ajo ka vendosë që mos ta bëjë hesap fare as opozitën
dhe çka është më e keqja, as qytetarët e Kosovës.
» Autori është
Nënkryetar i Parë i Aleancës për Ardhmëninë e Kosovës.
Kjo kolumne është shkruar enkas për Gazetën Express
BIG
BROTHER 5
Big Brother 5
3