NDESHEN NE AUTOSTRADE - Gazeta Express

More documents

Recommendations

Info

2 Pressing Fjalët tona Gjeni zgjidhje. MOTI PRISHTINË Sot Nesër <strong>Gazeta</strong> <strong>Express</strong> është botim i MediaWorks, LLC Adresa: Dardania 1/1 Prishtinë, 10000, Kosovë E-Mail: info@gazetaexpress.com Tel. +381 (0)38 76 76 76; fax: 038 76 76 78 www.gazetaexpress.com Catherine Ashton, Përfaqësuesja e Lartë e BE’së, i ka porositur kështu liderët e Shqipërisë. Sipas saj, ata mbajnë përgjegjësi të veçantë për të mos vënë në rrezik jetët e qytetarëve. Kosova meriton fi llimin e dialogut për liberalizimin e vizave. Bajram Rexhepi, Ministër i Punëve të Brendshme, duke folur rreth fillimit të dialogut për liberalizimin e vizave. Ai mori pjesë në takimin e Grupit Punues për Liberalizimin e Vizave me BE’sën. Edhe paratë i kanë shpenzuar jo seriozisht. Ismet Beqiri, Shef i Grupit Parlamentar të LDK-së, teksa ka arsyetur braktisjen e seancës nga aid he kolegë të tij. Beqiri e ka quajtur Qeverinë joserioze. Max: 23 °C Min: 10 °C Max: 22 °C Min: 12 °C Thëniet e dëgjuara kohëve të fundit nga ish-presidenti shqiptar, Moisiu, dhe zëvendëskryeministri serb, Dacic, përveç që zhvendosin vëmendjen e bisedimeve drejt çështjeve të rrezikshme, shërbejnë si rikujtim për bashkësinë ndërkombëtare – se në Ballkan marrëzia vdes e fundit. E premte, 20 maj 2011 Kryeredaktor: Leonard Kerquki leonard.kerquki@gazetaexpress.com Politikë: Bekim Greiçevci bekim.greicevci@gazetaexpress.com Nacionale dhe siguri: Jeton Musliu jeton.musliu@gazetaexpress.com Ekonomi: Arben Hyseni arben.hyseni@gazetaexpress.com Bota: Arsim Buxhovi arsim.buxhovi@gazetaexpress.com Arte: Faton Raçi faton.raci@gazetaexpress.com Editorialet dhe Shkurt e Shqip: Arben Idrizi arben.idrizi@gazetaexpress.com Sport: Valdet Hasani valdet.hasani@gazetaexpress.com Fotografia: Atdhe Mulla atdhe.mulla@gazetaexpress.com, Drejtore e marketingut: Vjollca Musa, marketing@gazetaexpress.com redaksia: info@gazetaexpress.com tel: 038 76 76 76, ; fax: 038 76 76 78; Shtypi: Roto Print: MediaWorks. Faton.Raçi @gazetaexpress.com Dy thëniet e së kaluarës Alfred Moisiu kohë më parë deklaroi se Kosova është një krahinë e Shqipërisë. Kjo thënie e tij u prit mirë nga qarqe të caktuara dhe keq nga disa të tjera, në Kosovë e Shqipëri. Dhe, përderisa palët pro dhe kundër deklaratave të ish-gjeneralit të ushtrisë shqiptare dukej se gjetën temën e radhës për debat, s’vonoi shumë dhe të parët u forcuan me Këshillin Drejtues të Institutit Albanologjik të Prishtinës. Ky i fundit vendosi që ish-presidentin koncensual shqiptar ta shpallë anëtar nderi të tij. Kjo për shkak se, siç u tha, Moisiu është një fi gurë e rëndësishme e integrimeve mbarëshqiptare, i dëshmuar për angazhimin konstruktiv në kohën sa ishte president! Të gjendur para vendimit të një “institucioni aq në zë”, kundërshtuesit e thënies së Moisiut qetësisht e braktisën debatin. U mposhtën. Por, ende pa u ftohur mirë gjakrat në Kosovë, e besa edhe në Shqipëri, deklarata e Moisiut u pasua nga një anë krejt tjetër, me një propozim që dukej të ishte në të njëjtën vijë me atë të ish-presidentit shqiptar. Zëvendëskryeministri serb, Ivica Dacic, doli me thënien se kthimi i Kosovës nën Serbi është i pamundur, prandaj, sipas tij, ndarja e saj del të jetë opsion shumë më i pranueshëm për Beogradin. Prishtina pastaj, përkundër refuzimit kategorik të kësaj mundësie, sipas Dacic, do të detyrohej ta pranonte rezultatin e imponuar. Natyrisht se ideja e Dacic nuk është as e re e as origjinale. Atë shumë përpara tij e propozonte dhe e promovonte haptas “babai i kombit serb”, Dobrica Cosic. I ri është momenti kur Dacic, por edhe Moisiu, në njëfarë mënyre dalin me ide që janë plotësisht në shpërputhje me ato se si BE’ja e sheh rrugëtimin e dialogimit të nisur mes Kosovës dhe Serbisë. E i cili, sipas Brukselit, në asnjë formë nuk do të hapë e as aludojë ndarjen e Kosovës, por do të përqendrohet vetëm në zgjidhjen e çështjeve teknike mes dy shteteve. Megjithatë, meqenëse për realizimin në terren të thënieve (të pamenduara) të Dacic dhe Moisiut nevojitet shumë më tepër se vetëm një retorikë e thatë, mbase është e udhës që të kujtohen veprimet që pasuan idetë e ngjashme dhe që Ballkanit pastaj i kushtuan goxha shtrenjtë. Një e tillë gjithsesi se ishte ideja e materializuar në vitin 1992 mes ish-presidentit kroat, Franjo Tudjman dhe “babait të kombit serb”, Cosic, për ndarjen dhe “shpopullimin human” të popullatës së një pjese të madhe të ish-Jugosllavisë. Kështu, përmes ideve të kësollojshme, edhe fi lloi ajo që në librat historikë njihet si kasaphana më e madhe në Evropën e pas Luftës së Dytë Botërore. Të gjithë atyre që lindën të paktën dhjetë vjet para vitit 1999 u kujtohet fare mirë se si u duk ky “shpopullim human” edhe në rastin e Kosovës, por edhe se çfarë ndodhi me ata që nuk u “shpopulluan” në mënyrë “humane”. *** Derisa po e shkruaja këtë tekst, m’u kujtua një bisedë që para pak ditësh po e bëja me një të afërm timin, edhe pse ajo nuk ndërlidhet drejtpërdrejt me këtë temë. Më tregonte se si dikur – para luftës – po bisedonin në spitalin e Prishtinës njëfarë doktor Bora Moracic dhe një doktor tashmë i ndjerë shqiptar (emrin e të cilit nuk po e përmendi qëllimisht). Ky i yni po e akuzonte Dr. Borën për marrje të mitos nga pacientët. “Si s’po të vjen turp të marrësh mito nga pacientët?” i tha ai Dr. Borës. E Dr. Bora ia ktheu: “A e di ti se cili është dallimi mes meje e teje? Unë miton e pranoj. Pra, nuk e refuzoj. E, ti e kërkon”. Në rastin e deklaratave të fundit, Moisiu do të mund të krahasohej me doktorin shqiptar, e Ivica Dacic me Dr. Moracic’in. Kjo, ngase edhe në politikë nismat që shpesh nxisin emocione të caktuara, por që qartazi s’janë të menduara mirë, në të shumtën e rasteve prodhojnë efekte të kundërta prej atyre që synohen. Kështu mjaftoi një deklaratë e pamatur e një shtetasi shqiptar, i cili fundja s’ka asnjë lidhje me ekipin bisedues kosovar, që presidenti Tadic përmes zyrtarit të tij të lartë të na e qesë mbi tryezë kundërpërgjigjen e tij të gatshme, të cilën ne e dimë që Serbia, fatkeqësisht, ende e mban nën mëngë. Mbase nxjerrja e ‘atusë’ së fundit nga mënga e Beogradit edhe do të mund të shfrytëzohet nga ekipi kosovar për të sqaruar deri në fund pozicionin tonë në bisedime dhe karshi fqinjëve, por edhe për t’ia rikujtuar paralelisht Brukselit dhe Beogradit historinë dhe rezultatin e hidhur dhe jo aq të largët, që buroi nga idetë e ngjashme të “babait të kombit serb”, gjegjësisht nga miku në prapaskenë i presidentit Tadic.
E premte, 20 maj 2011 3 Ka ndodhur një shkarje e madhe në procesin e tranzicionit postkomunist shqiptar. Në vend se të ndodhte kalimi nga regjimi i partisë-shtet në regjimin kushtetues demokratik, ka ndodhur diçka tjetër. Vendin e regjimit të partisë-shtet e ka zënë një formë regjimi që në fi lozofi në politike njihet si partitokraci. Partitokracia Shqiptare Blerim Latifi Ka njëzet vjet që Shqipëria ka dalë nga komunizmi dhe ende nuk po arrinë të ndërtojë një sistem të qëndrueshëm, funksional dhe të besueshëm të legjitimimit elektoral të pushtetit. Çdoherë që mbahen zgjedhjet vendi hyn në ankthin kolektiv të fundosjes në greminë. Zgjedhjet janë bërë një traumë e vërtetë nacionale. Pse ka ndodhur dhe po vazhdon të ndodhë kështu? Në gjithë këto vite janë dhënë përgjigje të shumta në këtë pyetje themelore. Në shumësinë e këtyre përgjigjeve do të mund të veçonim tre prej tyre. Njëra është përgjigjja raciste, e cila rëndom qarkullon nëpër qarqe të caktuara që kultivojnë animozitete të ndryshme ndaj shqiptarëve. Sipas saj, demokracia nuk po zë dot rrënjë në Shqipëri për shkak se shqiptarët nuk janë popull i pjekur për vlerat demokratike. Kjo qasje është e qartë se bazohet në paragjykime e stereotipe, por jo në ndonjë argument të pranueshëm. Të tilla janë të gjitha përgjigjet raciste. Pastaj kemi një përgjigje tjetër, që duket se është më e përhapura, e që është përgjigjja psikologjiste. Sipas saj, problemet e shqiptarëve me demokracinë burojnë nga karakteret e liderëve politikë të saj. Sistemi demokratik nuk po funksionon sepse liderët janë të këqij, qofshin ata të së Djathtës apo të Majtës. Qasja psikologjiste dominon edhe debatin publik në Shqipëri, si dhe fushatat politike në luftën për pushtet. Debatet televizive janë argumenti më i mirë për këtë. Këto debate rëndom janë një kakofoni e hedhjes së fajit herë tek njëri e herë tek tjetri. Asgjë më tepër. Nga qasja psikologjiste shpesh dalin ide që thonë se për të kaluar krizën nevojitet ndërrim i elitave politike, ose liderëve kryesorë të tyre. Hiqeni Berishën dhe Ramën në doni të shpëtoni, thonë promovuesit e këtyre ideve. E meta themelore e kësaj qasje qëndron në faktin se ajo i sheh karakteret e liderëve si konstanta të pavarura nga konteksti social dhe politik. Ajo nuk merr parasysh faktin se liderët janë produkte të këtij konteksti dhe duke qenë rëndom liderë mesatarë nuk arrijnë kurrë të dalin mbi të ose edhe ta transformojnë. Mbi kritikën e qasjes psikologjiste qëndron ajo që mund të quhet përgjigjja e tretë në pyetjen për shkaqet e mosfunksionimit të demokracisë shqiptare. Kjo është përgjigjja institucionaliste. Ajo thotë se ka ndodhur një shkarje e madhe në procesin e tranzicionit post-komunist shqiptar. Në vend se të ndodhte një kalim nga regjimi i partisë-shtet në regjimin kushtetues demokratik, ka ndodhur diçka tjetër. Vendin e regjimit të partisë-shtet e ka zënë një formë regjimi që në fi lozofi në politike njihet si partitokraci. Partitokracia është ai regjim politik ku ngatërrohen kufi jtë mes asaj që është partiake dhe asaj që është shtetërore, ku nuk bëhet dallimi në mes shtetit dhe pushtetit. Si rezultat, në partitokraci partitë synojnë të marrin nën kontroll vetë shtetin, e jo thjeshtë pushtetin. Lufta për përmbushjen e këtij synimi merr ose trajtën komuniste ku një parti eliminon të gjitha rivalet tjera dhe bëhet parti-shtet, ose trajtën pluraliste ku dy ose tre parti luftojnë për të marrë nën kontroll shtetin, por që nuk mund të eliminojnë krejtësisht ekzistencën e njëra tjetrës për shkak të kufi zimeve formale demokratike. Kjo e dyta e karakterizon gjithë periudhën njëzetvjeçare që nga rënia e enverizimit stalinist. Të gjitha krizat që i kemi parë gjatë kësaj periudhe vijnë prej kësaj shkarje të tranzicionit post-komunist shqiptar. Në regjimin partitokratik askush nuk beson në pavarësinë politike të institucioneve publike, sikurse janë gjykatat, policia, ushtria, mekanizmat e administrimit të proceseve elektorale, shërbimet inteligjente, shkollat, e të tjera. Arsyeja është se shteti nuk perceptohet si një instancë që është mbi partitë. Shteti është i asaj partie që ka arritur të tregohet më e shkathtë në zgjedhje, do të thotë në mbledhjen e votave me të gjitha mjetet e mundshme, e që një studiues i regjimeve politike e quan “makiavelizëm elektoral”. Në këtë mënyrë partitokracia shkatërron parimet themelore të demokracisë liberale. E para parimin e sundimit të ligjit, sepse partitokracia është sundim i partive e jo i ligjit dhe e dyta parimin e ndarjes së pushteteve. Kur kjo ndodhë atëherë gjithçka tjetër është e mundshme, që nga grushtet-shtetet, deri tek revoltat anarkiste, të cilat i vënë zjarrin gjithçkaje që gjënë përpara. Kjo shpjegon faktin pse aq shumë fl itet për dalje në rrugë sa herë që mbahen zgjedhjet në Shqipëri. Askund nuk është parë më mirë kjo shkallë e mosbesimit partitokratik se sa gjatë procesit të numërimit të votave për Kryetarin e Tiranës. Shumë komentatorë e quajtën “shembull të transparencës”, a në fakt më shumë i përngjante skenave nga fi lmat e Al Paçinos, ku dy grupe mafi oze derisa këmbejnë mallin ia mbajnë në kokë njëra tjetrës revolet dhe ku çdo lëvizje e dyshimitë shkakton gjakderdhje të menjëhershme. Në fund duhet thënës se zgjidhja e gjithë kësaj nuk vjen nga ndonjë kompromis ad hoc për atë se cila parti duhet të marrë kësaj radhe pushtetin, por nga fi llimi i një procesi të rishqyrtimit të natyrës së regjimit politik të këtyre njëzet viteve. E ky proces rishqyrtimi mund të fi llojë me një veprim simbolik: në billbordat, anës rrugëve, ku shkruhet “Fajin e ka Salihu”, apo “Fajin e ka Edi Rama”, të shkruhet slogani “Fajin e ka partitokracia”. Mirëserdhët në botën HD!
Page 1: BOTA BOTA: : TENSIONOHET TIRANA f12
Page 5 and 6: E premte, 20 maj 2011 Dacic paralaj
Page 7 and 8: E premte, 20 maj 2011 7 Nacionale R
Page 9 and 10: Lajme të mira E premte, 20 maj 201
Page 11 and 12: E premte, 20 maj 2011 EKONOMI 11 Mi
Page 13 and 14: E premte, 20 maj 2011 BOTA 13 Strau
Page 15 and 16: E premte, 20 maj 2011 PUBLIKIM I NJ
Page 17 and 18: E premte, 20 maj 2011 R epublika e
Page 19 and 20: TREMBELAT | IQ CONSULTING | 1103-01
Page 21 and 22: E premte, 20 maj 2011 Aktoret e rre
Page 23 and 24: E p premte, , 20 maj 2011 ROZE 23 N
Page 25 and 26: E premte, 20 maj 2011 25 Fjalët e
Page 27 and 28: E premte, 20 maj 2011 bjektet banë
Page 29 and 30: E premte, 20 maj 2011 Heitinga, i l
Page 31 and 32: E premte, 20 maj 2011 Silvio, në A

NDESHEN NE AUTOSTRADE - Gazeta Express

You also want an ePaper? Increase the reach of your titles

Delete template?

Save as template?