NDESHEN NE AUTOSTRADE - Gazeta Express
NDESHEN NE AUTOSTRADE - Gazeta Express
NDESHEN NE AUTOSTRADE - Gazeta Express
Create successful ePaper yourself
Turn your PDF publications into a flip-book with our unique Google optimized e-Paper software.
E premte, 20 maj 2011 3<br />
Ka ndodhur një shkarje e madhe në procesin e tranzicionit postkomunist<br />
shqiptar. Në vend se të ndodhte kalimi nga regjimi i<br />
partisë-shtet në regjimin kushtetues demokratik, ka ndodhur<br />
diçka tjetër. Vendin e regjimit të partisë-shtet e ka zënë një formë<br />
regjimi që në fi lozofi në politike njihet si partitokraci.<br />
Partitokracia<br />
Shqiptare<br />
Blerim Latifi<br />
Ka njëzet vjet që Shqipëria ka dalë nga komunizmi<br />
dhe ende nuk po arrinë të ndërtojë një sistem<br />
të qëndrueshëm, funksional dhe të besueshëm<br />
të legjitimimit elektoral të pushtetit. Çdoherë që<br />
mbahen zgjedhjet vendi hyn në ankthin kolektiv<br />
të fundosjes në greminë. Zgjedhjet janë bërë një<br />
traumë e vërtetë nacionale. Pse ka ndodhur dhe po<br />
vazhdon të ndodhë kështu? Në gjithë këto vite janë<br />
dhënë përgjigje të shumta në këtë pyetje themelore.<br />
Në shumësinë e këtyre përgjigjeve do të mund të<br />
veçonim tre prej tyre. Njëra është përgjigjja raciste,<br />
e cila rëndom qarkullon nëpër qarqe të caktuara<br />
që kultivojnë animozitete të ndryshme ndaj shqiptarëve.<br />
Sipas saj, demokracia nuk po zë dot rrënjë<br />
në Shqipëri për shkak se shqiptarët nuk janë popull<br />
i pjekur për vlerat demokratike. Kjo qasje është e<br />
qartë se bazohet në paragjykime e stereotipe, por<br />
jo në ndonjë argument të pranueshëm. Të tilla janë<br />
të gjitha përgjigjet raciste. Pastaj kemi një përgjigje<br />
tjetër, që duket se është më e përhapura, e që<br />
është përgjigjja psikologjiste. Sipas saj, problemet e<br />
shqiptarëve me demokracinë burojnë nga karakteret<br />
e liderëve politikë të saj. Sistemi demokratik nuk<br />
po funksionon sepse liderët janë të këqij, qofshin<br />
ata të së Djathtës apo të Majtës. Qasja psikologjiste<br />
dominon edhe debatin publik në Shqipëri, si<br />
dhe fushatat politike në luftën për pushtet. Debatet<br />
televizive janë argumenti më i mirë për këtë.<br />
Këto debate rëndom janë një kakofoni e hedhjes së<br />
fajit herë tek njëri e herë tek tjetri. Asgjë më tepër.<br />
Nga qasja psikologjiste shpesh dalin ide që thonë<br />
se për të kaluar krizën nevojitet ndërrim i elitave<br />
politike, ose liderëve kryesorë të tyre. Hiqeni Berishën<br />
dhe Ramën në doni të shpëtoni, thonë promovuesit<br />
e këtyre ideve. E meta themelore e kësaj<br />
qasje qëndron në faktin se ajo i sheh karakteret<br />
e liderëve si konstanta të pavarura nga konteksti<br />
social dhe politik. Ajo nuk merr parasysh faktin se<br />
liderët janë produkte të këtij konteksti dhe duke<br />
qenë rëndom liderë mesatarë nuk arrijnë kurrë të<br />
dalin mbi të ose edhe ta transformojnë. Mbi kritikën<br />
e qasjes psikologjiste qëndron ajo që mund<br />
të quhet përgjigjja e tretë në pyetjen për shkaqet<br />
e mosfunksionimit të demokracisë shqiptare. Kjo<br />
është përgjigjja institucionaliste. Ajo thotë se ka<br />
ndodhur një shkarje e madhe në procesin e tranzicionit<br />
post-komunist shqiptar. Në vend se të<br />
ndodhte një kalim nga regjimi i partisë-shtet në<br />
regjimin kushtetues demokratik, ka ndodhur diçka<br />
tjetër. Vendin e regjimit të partisë-shtet e ka zënë<br />
një formë regjimi që në fi lozofi në politike njihet<br />
si partitokraci. Partitokracia është ai regjim politik<br />
ku ngatërrohen kufi jtë mes asaj që është partiake<br />
dhe asaj që është shtetërore, ku nuk bëhet dallimi<br />
në mes shtetit dhe pushtetit. Si rezultat, në partitokraci<br />
partitë synojnë të marrin nën kontroll vetë<br />
shtetin, e jo thjeshtë pushtetin. Lufta për përmbushjen<br />
e këtij synimi merr ose trajtën komuniste ku<br />
një parti eliminon të gjitha rivalet tjera dhe bëhet<br />
parti-shtet, ose trajtën pluraliste ku dy ose tre parti<br />
luftojnë për të marrë nën kontroll shtetin, por që<br />
nuk mund të eliminojnë krejtësisht ekzistencën e<br />
njëra tjetrës për shkak të kufi zimeve formale demokratike.<br />
Kjo e dyta e karakterizon gjithë periudhën<br />
njëzetvjeçare që nga rënia e enverizimit stalinist.<br />
Të gjitha krizat që i kemi parë gjatë kësaj periudhe<br />
vijnë prej kësaj shkarje të tranzicionit post-komunist<br />
shqiptar. Në regjimin partitokratik askush<br />
nuk beson në pavarësinë politike të institucioneve<br />
publike, sikurse janë gjykatat, policia, ushtria, mekanizmat<br />
e administrimit të proceseve elektorale,<br />
shërbimet inteligjente, shkollat, e të tjera. Arsyeja<br />
është se shteti nuk perceptohet si një instancë që<br />
është mbi partitë. Shteti është i asaj partie që ka<br />
arritur të tregohet më e shkathtë në zgjedhje, do të<br />
thotë në mbledhjen e votave me të gjitha mjetet e<br />
mundshme, e që një studiues i regjimeve politike<br />
e quan “makiavelizëm elektoral”. Në këtë mënyrë<br />
partitokracia shkatërron parimet themelore të demokracisë<br />
liberale. E para parimin e sundimit të<br />
ligjit, sepse partitokracia është sundim i partive e<br />
jo i ligjit dhe e dyta parimin e ndarjes së pushteteve.<br />
Kur kjo ndodhë atëherë gjithçka tjetër është<br />
e mundshme, që nga grushtet-shtetet, deri tek<br />
revoltat anarkiste, të cilat i vënë zjarrin gjithçkaje<br />
që gjënë përpara. Kjo shpjegon faktin pse aq<br />
shumë fl itet për dalje në rrugë sa herë që mbahen<br />
zgjedhjet në Shqipëri. Askund nuk është parë më<br />
mirë kjo shkallë e mosbesimit partitokratik se sa<br />
gjatë procesit të numërimit të votave për Kryetarin<br />
e Tiranës. Shumë komentatorë e quajtën “shembull<br />
të transparencës”, a në fakt më shumë i përngjante<br />
skenave nga fi lmat e Al Paçinos, ku dy grupe mafi<br />
oze derisa këmbejnë mallin ia mbajnë në kokë<br />
njëra tjetrës revolet dhe ku çdo lëvizje e dyshimitë<br />
shkakton gjakderdhje të menjëhershme.<br />
Në fund duhet thënës se zgjidhja e gjithë kësaj<br />
nuk vjen nga ndonjë kompromis ad hoc për atë se<br />
cila parti duhet të marrë kësaj radhe pushtetin, por<br />
nga fi llimi i një procesi të rishqyrtimit të natyrës së<br />
regjimit politik të këtyre njëzet viteve. E ky proces<br />
rishqyrtimi mund të fi llojë me një veprim simbolik:<br />
në billbordat, anës rrugëve, ku shkruhet “Fajin e<br />
ka Salihu”, apo “Fajin e ka Edi Rama”, të shkruhet<br />
slogani “Fajin e ka partitokracia”.<br />
Mirëserdhët<br />
në botën HD!