የመሬት ቅርምት ለልማት - Ethiopia: A voice for the voiceless

More documents

Recommendations

Info

4 ፍኖተ -ነፃነት ጋዜጣ ሐምሌ 2ዐዐ3 ዓ.ም ተመሠረተ፡፡ ፍኖተ ነፃነት በአንድነት ለዴሞክራሲና ለፍትህ ፓርቲ (አንድነት) ሥር የሚታተም በፖለቲካዊ፣ በማህበራዊ፣ በኢኮኖሚያዊ፣ በወቅታዊ ጉዳዮችና በመዝናኛ ላይ የሚያተኩር የፓርቲው ጋዜጣ ነው፡፡ ጋዜጣችን እንደ ፓርቲ ልሳን ብቻ ሳይሆን እንደ አንድ ሚዛናዊ የግል ጋዜጣ ሆኖ ማገልገል ይፈልጋል የማንኛዉም ሰዉ ሀሳብና አመለካከት የሚስተናገድበትና የሚንሸራሸርበት እንዲሆን እንሻለን ሰፊና ረዝም የሚዲያ ሽፋን ያለዉ ኢህአዴግም በዚህ ሚዲያ አቋሙንና ፖሊሲዉን ለማቅረብ ቢፈልግ ክፍት ነዉ ዋና አዘጋጅ፡- አንዳርጌ መሥፍን አድራሻ፡- የካ ክ/ከተማ ወረዳ 12 የቤ.ቁ አዲስ አዘጋጆች፡- ብዙአየሁ ወንድሙ ብስራት ወ/ሚካኤል አምደኞች፡- ዶ/ር ኃይሉ አርዓያ ኢ/ር ዘለቀ ረዲ አንዱዓለም አራጌ ግርማ ሠይፉ ዳምጠው አለማየሁ ተስፋዬ ደጉ በላይ ፍቃደ ወንድሙ ኢብሳ ኮምፒውተር ጽሑፍ፡- የሺ ሃብቴ ብርቱካን መንገሻ አከፋፋይ፡- ነብዩ ሞገስ አሣታሚው፡- አንድነት ለዴሞክሲና ለፍትህ ፓርቲ(አንድነት) አድራሻ፡- አራዳ ክ/ከተማ ወረዳ 07 የቤ.ቁ አዲስ አታሚ፡- ብርሃንና ሰላም ማተሚያ ድርጅት አራዳ ክ/ከተማ ቀበሌ 07 የቤ.ቁ 984 የዝግጅት ክፍሉ ስልክ +251 922 11 17 62 +251 913 05 69 42 +251 118-44 08 40 ፖ.ሳ.ቁ፡ 4222 ኢሜይል፡- udjparty@gmail.com andinet@andinet.org ፋክስ ቁጥር፡- +251-111226288 www.andinet.org.et ፍኖተ ነፃነት ማክሰኞ መስከረም 23 2004 ዓ.ም. ርዕሰ አንቀፅ ያለማቋረጥ እያደገ ያለው የዋጋ ንረት መልህቅ ይበጅለት ከ1999 ዓ.ም ጀምሮ የሃገራችን የገበያ ሁኔታ ይበልጥ እየተቃወሰና ከቀን ወደ ቀን እየታመሰ ቀጥሏል፡፡ የሕብረተሰቡ የኑሮ ሁኔታም ከድጡ ወደ ማጡ እየሆነበት መሠረታዊ የሆኑ የዕለት ፍላጎቶችን ማሟላት እየቸገረው ነው፡፡ በ1997 ዓ.ም 6.8% የነበረው የዋጋ ንረት በተከታዮቹ ሁለት አመታት 12.3 በመቶ እና 15. 8 በመቶ ደረሰ፡፡ ይህም ማለት የንረቱ እድገት መጠን በሁለት ዓመት ውስጥ 132 በመቶ ሆነ ማለት ነው፡፡ ከ1999 ዓ.ም በኋላ ያሉት አራት ዓመታት አጠቃላይ የዋጋ ንረት መጠንን ስንመለከት ደግሞ 1999 ላይ 15.8 በመቶ የነበረው በ2003 ዓ.ም 57 በመቶ ደርሷል፡፡ ይህም አጠቃላይ የአራት ዓመት የዋጋ ንረት እድገቱን 36ዐ.7 ፕርሰንት መድረሱን ያመላክታል፡፡ ከ1997 ዓ.ም ጀምሮ ያሉትን ስድስት ዓመታት አጠቃላይ የዋጋ ንረት እድገት ስንመለከት ደግሞ 714% ይሆናል፡፡ ይህም ማለት የገንዘብ የመግዛት አቅም ባለፉት ስድስት ዓመታት በ714 ፕርሰንት ወድቋል ማለት ነው፡፡ በአንፃሩ አማካይ ዓመታዊ ገቢ በ1997 ዓ.ም 165 ዶላር የነበረ ሲሆን አሁን 35ዐ ዶላር እንደደረሰ የአይኤም ኤፍ ሪፖርት ያመለክታል፡፡ ባለፉት ስድስት ዓመታት አማካይ አመታዊ ገቢ በ112 በመቶ አድጓል ማለት ነው፡፡ ከላይ ከተመለከቱት መረጃዎች የምንረዳው በስድስት ዓመቱ የገቢ እድገትና የዋጋ ንረት እድገት መካከል የ602 በመቶ ልዩነት እንዳለ ነው፡፡ በሌላ አነጋገር እያንዳንዱ ኢትዮጵያዊ በ1999 ዓ.ም ይኖር የነበረውን ኑሮ ዛሬ ለመኖር እንዲችል የዋጋ ንረቱ ከ14.4 በመቶ መብለጥ አልነበረበትም ወይም አማካይ አመታዊ ገቢ 1171.5 ዶላር መድረስ ነበረበት፡፡ በሃብታሙና በድሃው ዜጋ መካከል ያለው የሃብት ክፍተት እየሰፋ መሄድ እንዳለ ሆኖ የኢትዮጵያውያን የድህነት ደረጃ ባለፉት ስድስት ዓመታት በ324.7 በመቶ እንዳደገ መረዳት ይቻላል፡፡ ይህንን አሰቃቂ ሁኔታ ይበልጥ አስፈሪ የሚያደርገው ገዢው ፓርቲ ችግሩን ለማስወገድ ቀርቶ ባለበት እንኳን ለማስቆም አለመቻሉ ነው፡፡ እየወሰዳቸው ያሉት ርምጃዎችም አስተውሎት የጎደላቸው በመሆናቸው ችግሩን የበለጠ ሲያባብሱት እንጂ ሲቀንሱት አልታዩም፡፡ የኢኮኖሚ ኃይሎች (ፍላጎትና አቅርቦት) ገበያውን መምራት ሲሳናቸው መንግሥት ጣልቃ ገብቶ ማረጋጋት እንዳለበት እምነታችን ነው፡፡ ይህ ሲባል ግን መንግሥት የገበያ ኃይሎችን መቆጣጠር ወይም መተካት አለበት ማለት አይደለም፡፡ በትክክል መሥራት እንዲችሉ የሚረዱ የፊስካልና የገንዘብ ፖሊሲዎችን ተግባራዊ በማድረግ የኢኮኖሚውን አቅም ያጠናክራል እንጂ፡፡ በእርግጥ ገዢው ፓርቲ ገበያውን ለማረጋጋት የተለያዩ የፖሊሲና የቀጥተኛ ጣልቃ ገብነት ርምጃዎችን ወስዷል፡፡ እዚህ ላይ የሚነሳው ዋናው ጥያቄ ታዲያ ለምን የዋጋ ንረቱ የበለጠ እየተባባሰ ሄዴ? የሚለው ነው፡፡ የኢህአዴግ መሠረታዊ ችግር የችግሩን መነሻ ለይቶ ለማወቅ አለመቻሉ ላይ ነው፡፡ ኢህአዴግ የዋጋ ንረቱ በተከታታይ እየተመዘገበ ያለው የኢኮኖሚ እድገት የፈጠረው ነው ብሎ ያምናል፡፡ እ.ኤ.አ በ1929 በአሜሪካ የተከሰተው የኢኮኖሚ ዝቅጠትን ተከትሎ የተስፋፋው የኬንዚያውያን (Keynesian) የምጣኔ ኃብት ባለሙያዎች አስተሳሰብ በምጣኔ ኃብት እድገትና በዋጋ ንረት መካከል ቀጥተኛ ግንኙነት ስለአለ መንግሥት በከፍተኛ ኢንቨስትመንትና የሥራ ዕድል ፈጠራ ኢኮኖሚውን ሲያሳድግ የሕዝብ ገቢም አብሮ ያድጋል የሚል ነው፡፡ በመሆኑም የፍጆታ ወጪ መጠን ይጨምራል፡፡ ይህም የሸቀጦችና የአገልግሎት ዋጋ እንዲንር ያደርጋል የሚል በመሆኑም ኢኮኖሚው ባደገ ቁጥር የዋጋ ንረቱም ይቀጥላል ማለት ነበር፡፡ ይህ አስተሣሰብ በወቅቱ ትክክለኛ የነበረ ቢሆን በ1970ዎቹ የታየው የስራ አጥነትና የዋጋ ንረት “Stagflation” በተመሣሣይ ጊዜ በመከሰቱ (Stagflation) ውድቅ እንዲሆን አድርጎታል፡፡ በሃገራችን በአሁኑ ሠዓት እየታየ ያለው ክስተትም ከ1970ዎቹ የምዕራባውያን የኢኮኖሚ ቀውስ ጋር ተመሣሣይነት አለው፡፡ የዋጋ ንረቱ ሥራ አጥነቱ በእጅጉ እየተባባሱ ናቸው፡፡ ከገቢ አንፃር ሲታይም ከላይ እንደተገለፀው ባለፉት ስድስት ዓመታት ውስጥ የዋጋ ንረት በ714 በመቶ ሲያድግ ዓመታዊ ገቢ በ112 ፕርሰንት ብቻ ነው ያደገው፡፡ በመሆኑም በሃገራችን ያለው የዋጋ ንረት የኢኮኖሚው እድገት የወለደው ነው ሊባል ፈፅሞ አይችልም፡፡ በአንድነት ፓርቲ ዕምነት እይታ የዋጋ ንረቱ መሠረታዊ ምክንያቶች የሚከተሉት ናቸው፡- 1. መንግሥት ከፍተኛ ብዛት ያላቸው የገንዘብ ኖቶችን አሣትሞ በኢኮኖሚው ውስጥ መርጨቱ፣ 2. የመንግሥት ወጪ መጠን በከፍተኛ ደረጃ እያደገ መምጣቱ፤ ይህም በሃገር ውስጥ ምርት አቅርቦት እድገት አለመደገፉ፣ 3. በውጭ ምርቶች ላይ መሠረቱን የጣለው አቅርቦትና የውጭ አገር ምርቶች ዋጋ መናሩ፣ 4. የብር ዋጋ ከጊዜ ወደ ጊዜ እየወደቀ መምጣትና የውጭ ምርት አቅርቦትና ፍላጐት አለመጣጣም፣ 5. የመንግሥት የነዳጅ ድጎማ መነሳት፣ 6. የመሠረታዊ ዕቃዎች ፍላጎትና አቅርቦት ከፍተኛ ሁኔታ አለመጣጣም፣ 7. መንግሥት የግሉን ዘርፍ ተክቶ አቅርቦትና ሥርጭትን ለመቆጣጠር የሚያደርገው ጥረት፣ 8. በግል ባንኮች ላይ ተጥሎ የነበረው የብድር ጣሪያ የአገር ውስጥ ምርትንና ከውጭ የሚገቡ ሸቀጦችን አቅርቦት መገደቡ፣ 9. በግል ባንኮች ላይ የተጣለው የግምጃ ቤት ሰነድ ግዢ ግዴታ የሃገር ውስጥ ምርትንና ከውጭ የሚገቡ ሸቀጦች አቅርቦትን የሚገድብ መሆኑ የሚፈጥረው የአቅርቦት እጥረት፣ 10. በመሬት ፖሊሲው ምክንያት <strong>የመሬት</strong>ና የገበሬው ምርታማነት መቀነስ፡፡ ይህንንም ተከትሎ የሃገር ውስጥ ምርት አቅርቦትና ፍላጎት አለመጣጣም፣ 11. የመሠረተ ልማት ዝርጋታ ውስንነትና የዜጎች ከክልል ወደ ክልል ተንቀሳቅሶ የመሥራት መብት መገደብን ተከትሎ የምርትና የሰው ኃብት እንቅስቃሴ መወሰኑ፡፡ በዚህም ምክንያት የሰው ኃብትና ምትርት ከፍተኛ አቅርቦት ካለበት አካባቢ ወደ ከፍተኛ ፍላጎት ያለበት ቦታ ለመንቀሳቀስ አለመቻሉ በሃገራችን ከጊዜ ወደ ጊዜ እየተባባሰ በመምጣት ላይ ላለው የዋጋ ንረትና የኑሮ ውድነት ዋነኛ ምክንያቶች ናቸው፡፡ እነዚህን ችግሮች በአንክሮ ስንመለከት የሁሉም ምክንያቶች መነሻ የተዛቡ የመንግሥት ፖሊሲዎችና አስተውሎት የጎደለው የመንግሥት ጣልቃ ገብነት እንደሆነ እንረዳለን፡፡ በመሆኑም መንግሥት ይህን ውስብስብ ችግር ለመፍታት ቁርጠኝነቱ ካለው በመጀመሪያ ደረጃ የልማት እስትራቴጂውና ፖሊሲዎቹ ላይ መሠረታዊ ለውጥ ሊያደርግና ከግብታዊ ጣልቃ ገብነት ሊቆጠብ ይገባል፡፡ ይህን የማያደርግ ከሆነ ግን እየተባባሰ ያለው የኑሮ ውድነትና የዋጋ ንረት ማቆሚያ የሌለው እንደሚሆንና ካሁኑ የባሰ የተወሳሰበ ሰብአዊና ማሕበራዊ ቀውስ ሊያስከትል እንደሚችል ልብ ሊል ይገባል፡፡ ነፃ አስተያት 2ኛ ዓመት ቅጽ.2 ቁ.10 “ማነው ተው የሚለኝ?!” ይድነቃቸው ዐይኔ አብዛኛዎቻችሁ የዚህን ጽሁፍ ርዕስ ስታዩ የብርሃኑ ተዘራን ማነው ተው የሚለኝ ማነው? የሚለውን ዘፈን ታስታውሱታላችሁ ብዬ እገምታለሁ፡፡ ወይም ደግሞ በሰፈራችሁ፣ በአካባቢያችሁ እና በመንደራችሁ ስፓርታዊ እንቅስቃሴን (በተለይም ክብደት ማንሳትን) ለፀብ እንጂ ለፀባይ የማይሰሩ በትዕቢት የተሞሉ ጐረምሶች እና ወጣቶች ማነው ተው የሚለኝ አፍንጫውን እለዋለሁ፤ የሚለውን አባባል በተደጋጋሚ ስለሚጠቀሙት እነሱ ትዝ ….. ብለዋችሁ ይሆናል፡፡ እኔ ግን በጽሁፌ ላስታውሳችሁ የምፈልገው፤ ከሁሉም በላይ አባባሉን በመጠቀም ላይ ስለሚገኘው እና በተግባር ስለሚያውለው እንዲሁም በዚህ ድርጊቱ አቻ ስላልተገኘለት አካል ነው፡፡ የመቶ በመቶ የምርጫ ድል (ዘጠና ዘጠኝ ነጥብ ምናምን የሚለውን ቁጥር ያልተጠቀምኩት አውቄ ነው፡፡ ምክንያቱም ይህ ገለፃ፤ ምርጫው ሰማንያ በመቶ የማሸነፍ ያህል ያስመስለዋል፡፡ ሥነልቡናዊ ጥቅም አላት፡፡) ከኔ በላይ ለአገሪቱ ተቆርቆሪ ወገን የለም ብሎ የሚያስብ ገዢ ፓርቲ እና ይህን ሀሳብ የመጨረሻ እውነት አድርጐ የሚቆጥር የካድሬ ጐርፍ፣ የማያባራ የምሁራን እና የዜጐች ስደት (ያውም በሬድዮ ጭምር በሚለፍፉ የውጭ አገር የሥራ ዕድል ማስታወቂያ በሚቀርብበት ሁኔታ ላይ እስክንደርስ፡ ፡)፣ በዘፈቀደ የተቀመጠ ግትር ፖሊሲ መቃብራቸውን መማስ፣ የታዋቂ ፖለቲከኞች እና የጋዜጠኞች እስር እና ወከባ እንዲሁም ተመሳሳይ ሕዝባዊ በደሎች፤ በተጨማሪም የመልካም አስተዳደር እጦት እና የሙስና መንሰራፋት የተባባሱት እና የተበራከቱት በሌላ በማንም አይደለም፡፡ ማነው ተው የሚለኝ? ሊጠይቀኝ የሚችል ከኔ ጋር የተጠጋጋ ኃይል ያለው አካል ከወዴት አለ? እኔን የሚመጥን ጉልበተኛ ማን አለ? ከኔ በላይ አዋቂ፣ ከኔ በላይ ብልህ፣ ከኔ በላይ አስተዳዳሪ ለዘበት በሚል መንግስት እንጂ፡፡ ኢሕአዴግ ከጊዜ ወደ ጊዜ ሥር እየሰደደ በመጣው ኃይሉ እና ባለው የፖለቲካ ሥልጣን ልዕልና በመጠቀም፤ በእያንዳንዱ እርምጃ እና ድርጊት ያለመጠየቅን ፀጋ ተጐናጽፏል፡፡ ምርጫው ሙሉ ለሙሉ ሊባል በሚችል መልኩ ማሸነፉን እንደ በጐ ዴሞክራሲያዊ አካሄድ ማየት፣ የፈለጉትን ሕግ በፓርላማ ማፅደቅ እና በዚህ ሕግ ሌሎችን ማሸማቀቅ እንዲሁም ማስጨነቅ፣ የሌሎችን ሀሳብ እንደ መናኛ ቆጥሮ የራስን ሀሳብ ብቻ መናገር እና ማስነገር (የሀገሪቱን ትላልቅ እና ኃይል ያላቸው የመገናኛ ብዙሀንን ለራስ ብቻ በማዋል የሌሎችን ሀሳብ በመገደብ፡፡)፣ ሌሎችን ባለድርሻ አካላት ሳያማክሩ አገሪቷን አደጋ ላይ ሊጥሉ የሚችሉ ፖለቲካዊ እና ሥነ ምጣኔያዊ ውሳኔዎችን ማስተላለፍ፤ ተው የሚለኝ ካለ፤ ይሞክረኝ! የሚል ሀላፊነት የጐደለው መልዕክት ማስተላለፍ እንጂ ሌላ ምን ሊሆን ይችላል? በየወንዙ ዳር መቀደስ የተኛን ሴጣን ለመቀስቀስ ይህ አባባል በሁለት መስመር ቃላት ብዙ ማለት ከሚችሉ ኢትዮጵያውያት ሴቶች ከተናገሯቸው አባባሎች አንዱ እንደሆነ አምናለሁ፡፡ የእምነት ሰው ነኝ፣ የእግዚአብሄርን ስም ከኔ ወዲያ ማን ያውቃል? ከኔ በላይስ ክርስቲያን አለ? እንደው ከኔ ወዲያ ቀዳሽ በአገሪቱ ይኖር ይሆን? ብሎ በእምነት ሳይሆን በትዕቢት አለፍ ሲልም በሞኝነት የተሞላ ሰው የሚያደርገው አድራጐትን ይገልፃል አባባሉ የዚህ ሁሉ ቅዳሴ እና የእግዚአብሄርን ስም መጥራት ሰይጣንን ከመቀስቀስ አልፎ አምላክ ዘንድ እንደማይደርስ ይገልፃል አባባሉ፡፡ ይህንን አባባል ከተናገሩት ቀደምት ሊቃውንት ሁለቱን መስመር ተውሼ የሰሞኑን የመንግስታችንን ድርጊት ልመዝን፡፡ የፀረ- ሽብርተኝነት ሕግ አዋጁ እና ዘመቻው ሁሉንም ባለድርሻ አካላት ባግባብ እና ባሳተፈ መልኩ እንዳልተደረገ ለመናገር ኢትዮጵያዊ መሆን በቂ ነው፡፡ ከዛ ባለፈ የፓርላማን ውሎ እና ፓርላማው ነገሮችን በምን ፍጥነት አይቶ በምን ፍጥነት እንደሚያፀድቅ በቴሌቪዥን መስኮት ማየት ይበቃል፡፡ ፓርቲው የሚያቀርበው ሀሳብ በሙሉ የኔ ሀሳብ ነው፡፡ ፓርቲዬ የሚያቀርበው ሀሳብ በፍፁም እኔን አደጋ ላይ አይጥለኝም፤ በሚል የራስን ሀሳብ ገሎ በሌሎች ተጨፍልቆ የማሰብ አዙሪት ውስጥ በገቡ ሰዎች፤ ስንት ማህበራዊ እና ሀገራዊ አደጋን የሚያስከትሉ ፖሊሲዎች እና አዋጆች ጸድቀዋል? በኑሮ ውድነት፣ በአንድ ፓርቲ እና በአንድ ሰው የበላይነት በዴሞክራሲ እና በብልሹ አስተዳደር እንዲሁም ቀጣይነት በሌላቸው እና ፖለቲካዊ ዓላማቸውን እስካልሳቱ ብቻ በሚጸድቁ ፖሊሲዎች የተሰላቸው ህዝብ፣ አነሰም በዛም የሚያውቃቸውን እና የሚያከብራቸውን ከመንግስት በተቃራኒው የቆሙትን ፓለቲከኞች እና ጋዜጠኞች በሽብርተኝት ታርጋ ከለላ ወደ እስር ቤት መወርወር፤ ግለሰቦቹን እና ደጋፊዎቻቸውን ብሎም ጋዜጣችን “ፍኖተ-ነፃነት” ብለናታል፡፡ “ፍኖት” ማለት መንገድ ማለት ሲሆን ከነፃነት ጋር ሲጣመር “የነፃነት መንገድ” ማለት ነው!! ወደ 7 የዞሯል
2ኛ ዓመት ቅጽ.2 ቁ.10 ከወንድሙ ኢብሣ ፖለቲካ ፍኖተ ነፃነት ማክሰኞ መስከረም 23 2004 ዓ.ም. ያለ ታላላቅ ሰዎች አገር ትልቅና ባለፀጋ ልትሆን አትችልም በዚህ ርዕስ ሥር ክፍል ሁለትን የቀጠልኩበት ሁለትን ምክንያቶች ናቸው፡፡ አንደኛ ርዕሱ ሰፊ ስለሆነና በቀድሞ ጽሑፌ የመጨረሻ ሐረጐችን ትንሽ ለማብራራትና የአገር አባቶችን የታላቅነት ሚናን ጐላና ረገጥ አድርጌ ለማሳየትና ስለሱማሌ ሞቃዲሾ ታላላቆች አልቦ ያልኩትን በራሴ ለማረም አስቤ ነው፡፡ ከሁለተኛው ልጀምር፡፡ እውነትም በዛሬ የዓለም ተጨባጭ ሁኔታ ከ10 ዓመታት በላይና በእስከ ዛሬም በራሱ ለራሱ የመንግሥት ሥራ በብቃት በሚከውን መንግሥት አልባ ወይም ደካማ መንግሥት ያሉት የሞቃደሾ ሱማሌ አገዛዝ ታላላቆች አጥተው ወይስ የታላላቆቹዋ እርስ በርስ መታጣጣት ወይንም አለመግባባት ነው የሚለው ጥያቄ ቢነሳ ተገቢ ነው፡፡ አዎን በቀደም ጽሑፌ እንደገለጽኩት የትኛውም አገር ታላላቆች አልቦ አትሆንም፡፡ የሱማሌ ሞቃዲሾም አልባ አትሆንም፡፡ ይመረጣል፡፡ ችግሩ የሞቃዲሾ ሱማሌዎች ትልልቆች እያሏቸው ትልልቆቹ አንድም ወደ ጐረቤት አገሮች ለወረራ የሚቅበዘበዙ (በ1969 ዓ.ም የኢትዮጵያን ወሰን አልፈው ወረዋል፡፡ ይህ እንግዲህ) የፕሮፖጋንዳ ጦርነት የመንዛት አባዜ ባለቤት ስለሆኑ ነው፡፡ በተጨማሪም ትልልቆች ካልተደማመጡ ትንንሽ፣መናኛና ደካማ ተደርገው ስለሚታዩ ነው፡፡ ትልልቆች ይከበራሉ፤ይደመጣሉ፤የሞቃዲሾ ሱማሌ ችግር ይህ ነው፡፡ የአንድ አገር ታላላቆች እርስ በርስ መግባባት ካልቻሉ፣መከባበር ከዕቃቸው፣መደማመጥ ከሰለቻቸው፣ችኮና “ጉግማንጉጎች” ይሆናሉ፡፡ ጉግማንጉጎች የበዙበት አገር ጭላንጭልና ተስፋ ይጠፋል፡ ፡ ሌላ ቀርቶ ለአንድ አገር ጥሩና ዴሞክራቲክ መንግሥት ባይፈጠር እንኳ ከመንግሥት አባልነትና ከመግባታችን አምባገነን አገዛዝ (መንግሥት) ያስፈልጋል ብዬ አምናለሁ፡ ፡ በሞቃዲሾ ሱማሌ የጠፋው ይህ ነው፡፡ በዛሬ ጥሩና መልካም አስተዳደር የመሠረቱ አገሮች አምባገነን የነበሩ ነበሩ፡፡ በመሆኑም በአንድነት ቆመው አብረው ተባብረው ሲያበቁ አንባገነን አገዛዝን ወደ ዴሞክራሲያዊ አመራር ለውጠዋል፡፡ የትላንትናን ደ/አፍሪካ አፓርታይድ አገዛዝን አስቡልኝ፡፡ በሃያ ዓመታት ውስጥ ሰዎችን ከዘር ከቀለም ተከፋፍለው፣በትም/ ቤት፣በገበያ፣በመንደር አመሠራረት አሰቃቂና ጨካኝ “የጉግማንጉግ” የሞኝ ፖለቲከኞች ፖለቲካ በፍሬድሬክ ኤንግልስ (የነጭ የመጨረሻ አፓርታይድ ገዥ) እና በታላቁ ማንዴላ አርቆ አስተዋይነት የዛሬ ደ/አፍሪካ ከአፍሪካውያን አንባገነን አገሮች መጨረሻ ተነስታ ዛሬ ከዴሞክራሲያዊ መንግሥት ቀድማ ተጠቃሽ አገር ናት፡፡ ኢትዮጵያ በዚሁ ዓመት ከደርግ ተላቀቀች ግን ከደቡብ አፍሪካ ዴሞክራሲዊ አስተዳደር ጋር አትነፃፀርም፡፡ ሰማይና መድር ናት፡፡ ዛሬ እኛ ገና አንባገነን ነን፡፡ ስለዚህ ነው አንድ አገር መንግሥት አልባ ከመሆን አንባገነን መንግሥትም ቢሆን ሊመረጥ የገባል የምለው፡ ፡ የሞቃዲሾ ሱማሌ ታላላቆች ጥሩና መልካም አስተዳደር መመሥረት ቢያቅታቸው “ይህችን ያልተከፋፈለች አገር ይዘውና ተያይዘው ማቆየት ሲያቅታቸው ስናይ የሱማሌ (ሞቃዲሾዎች) ታላላቆች የት ገቡ? ከሚለው የሀሳብ ሙግት የምገጥመው፡፡ ይሁንና ከእኔ የተሻሉ ወዳጆቼም ሲያወያዩኝ ስህተትን አምኖ መቀበል በእውቀትም ማመን ነው ብዬ በማሰብ የሞቃዲሾ ሱማሌዎችና ወንድም እህቶቻችን ታላላቆች አሏቸው፡፡ ነገር ግን ታላቅነት በመከባበር፣በመተባበር፣በመደማመጥ ወደ ታላቅና ባለፀጋ አገር መንደርደሪያ አገራዊ የጋራ አገዛዝ (ጥሩም ይሁን ክፉ) መቆየት ተገቢ ነው ብዬ ነው የማስበው፡፡ መንግሥት አልቦ መሆን በአውነት ቸነፈር ነው፡፡ መቅሰፍት ነው፡፡ ሶማሌ ሞቃዲሾን ከደካማ መንግሠት ታላቅ የተጠናከረች ሶማሌንና ለራስዋም ለጐረቤቶቿም ምቹ አገር ትሆን ዘንድ እየተመኘሁኝ ወደ ተነሳሁበት ርዕሰ ጉዳዬ ልመለስ አዎን ያለ ታላላቅ ዜጐች ታላቅና የበለፀገች አገር መገንባት ያስቸግራል ማለት ብቻ ማይሆን የማይቻልም ነው የሚል ሀሳብ አለኝ፡፡ ከዚህ አንፃር ኢትዮጵያን አገራችን ከጥንት እስከዛሬም አልፎ አልፎ “ጉግማንጉግ” ክፉ ገዥዎችን ባታጣም (ኮ/ል መንግሠቱን አስቡልኝ ጭለንጭል አልቦ የዴሞክራሲን ዘመን) የታላላቆች ሊቃውንት ጠቢባን በየዘርፉ በየሙያውና በየዘመኑ እንደነበሩ ባለፈው ጽሑፌ ጠቅሻለሁ፡፡ ትልቅነት በዕድሜም በተግባርም በሥራም ነው፡፡ እነዚህ የኢትዮጵያን ታላላቆች አባቶች ከሁሉም አቅጣጫና ጐሣ ብሔረሰብና ብሔር የነበሩ፣የተከበሩና የተባበሩ ለዚህም ከውጭ ለመጣ ጠላት ሁሉ ከጥንት እስከ ባድሜ በህብረት ክንድ መመከታችን በቂ ማስረጃ ነው፡፡ ይህም ሆኖ ግን ለውስጥ ቅንቅኖቻችን መፍትሄ መስጠት አልቻልንም፡፡ ይህ በእንዲህ እንዳለ የዛሬ ዘመን ኢትዮጵያዊ ትውልድ እኔና በእኔ እድሜ ያሉትን ጨምሮ ሺህ ጉዳዮችን፣ሺህ ማርኪዎችን፣ሺህ አሳዳጆችን፣ሺህ አቁሳዮችን ገዥዎች ሥርዓት አመራር ከቶ አንሻም፡፡ የወሎ ፈረሶችንና በቆሙ ሰዎች ዓይነት ሰዎች ውስጣቸው ቀርከሃ የሆኑ ገዥዎችና መሪዎችም ከዚህም ሆነ ከዚያ ከገዥም ሆነ ከተቃዋሚ ፓርቲዎች ይህ ትውልድና ዘመኑ በጭራሽ አይፈልግም፡ ፡ የዛሬ ኢትዮጵያዊ ትውልድ እንደ ጃፓን ዜጐች ታላቅ የሞራል እሴት ይፈልጋል፡፡ ዕቃ በየትም ወድቆ ቢያይ አንስቶ ለፖሊስ ይሰጣል፡፡ ትውልዱ ከድሮ አባቶቻችን ጠንካራ የጋራ ሕዝባዊ የባህል፣የሞራልና ሥነ-ምግባርን በጥንቃቄና በአክብሮት ተቀብሎ ራሱንና አገሩንም ማክበር ማስከበር ተገቢ ነው፡፡ ታላላቆች በየዘመኑና በየትውልዱ ይፈጠራሉ ብዬ አስባለሁ፡፡ ብዙዎቻችሁ እንዲሁ ታስባላችሁ የሚል ቀና ስሜትና ግምት አለኝ፡፡ ታላላቆች ሁሉ በእምነት በእውነትና በሃይማኖት የፀኑ ናቸው፡፡ ያለእምነት ያለ እውነትና ሃይማኖታዊ ሥነ-ምግባር የዓለም ታላላቅ አገሮች ታሪክ አይታሰብም፡፡ የሃይማኖቶች መለያየት ችግር አይደለም፡፡ ብቻ ሃይማኖት ያለው እምነት ደግሞ ፍቅር ነው፡፡ ፍቅር በራሱ እግዚአብሔር ነው፡፡ በዚህ መስመር ታላላቆች ሥራቸው አልፋና ኦሜጋ የሆናል፡፡ ስለሆነም ኢትዮጵያ በእስከ ዛሬና የአሁኑ መንግሥትም የታሪክ ደረጃና ቦታው ገለልተኛ ታዛቢዎችና ታሪክ ጸሐፊዎች ተመራማሪዎች ደረጃም ይታወቃል፡፡ የቤተመንግሥት ጸሐፊዎች ታሪክ ግን ተረትና ውሸት ነው፡ ፡ የኢትዮጵያ ደረጃም ከፍ ከፍ እያለ መጣ? ወይስ ወጣ ወጣና ተንከባለለ እንደ ሸንበቆ እየሆን ነው? መልሱን ለክቡራን አንባብያን እተወዋለሁ፡፡ ትውልዱ ከድሮ አባቶቻችን ጠንካራ የጋራ ሕዝባዊ የባህል፣የሞራልና ሥነ-ምግባርን በጥንቃቄና በአክብሮት ተቀብሎ ራሱንና አገሩንም ማክበር ማስከበር ተገቢ ነው፡፡ ታላላቆች በየዘመኑና በየትውልዱ ይፈጠራሉ ብዬ አስባለሁ፡፡ ብዙዎቻችሁ እንዲሁ ታስባላችሁ የሚል ቀና ስሜትና ግምት አለኝ፡፡ ታላላቆች ሁሉ በእምነት በእውነትና በሃይማኖት የፀኑ ናቸው፡፡ ያለእምነት ያለ እውነትና ሃይማኖታዊ ሥነ-ምግባር የዓለም ታላላቅ አገሮች ታሪክ አይታሰብም፡፡ የሃይማኖቶች መለያየት ችግር አይደለም፡፡ ብቻ ሃይማኖት ያለው እምነት ደግሞ ፍቅር ነው፡፡ ፍቅር በራሱ እግዚአብሔር ነው፡፡ በዚህ መስመር ታላላቆች ሥራቸው አልፋና ኦሜጋ የሆናል፡፡ ስለሆነም ኢትዮጵያ በእስከ ዛሬና የአሁኑ መንግሥትም የታሪክ ደረጃና ቦታው ገለልተኛ ታዛቢዎችና ታሪክ ጸሐፊዎች ተመራማሪዎች ደረጃም ይታወቃል፡፡ የቤተመንግሥት ጸሐፊዎች ታሪክ ግን ተረትና ውሸት ነው፡ ፡ የኢትዮጵያ ደረጃም ከፍ ከፍ እያለ መጣ? ወይስ ወጣ ወጣና ተንከባለለ እንደ ሸንበቆ እየሆን ነው? መልሱን ለክቡራን አንባብያን እተወዋለሁ፡፡ አንድ ነገር ልብ በሉልኝ፡፡ ኢትዮጵያ በአፄ ቴዎድሮስ እጅ የማትሰጥ አኩሪ አገር፣ አፄ ዮሐንስም ኢትዮጵያ ዳር ድንበር ሕይወቱን ያልሰሰቱ ታሪክ ሠሪና መሪ ነበሩ፡፡ አፄ ምኒልክም የአድዋ ድል ጀግና ነበሩ፡፡ ጃንሆይም ከነ ረጅም የሥልጣን ሱሰኛነታቸው ታላቅ ኢትዮጵያዊና አፍሪካዊ እንደ ነበሩ 5 መካድ ከሀቅ ውጭ ያደርገናል፡፡ ኮ/ል መንግሥቱም ቢሆኑ የውስጥ ጨፍጫፊነቱና ክፋቱ ወደር አልባ ቢሆንም ቅሉ ከአፄዎቹ የታሪክ በታኝ ኢትዮጵያ ለመቆየት በ1969 ከሱማሌ ሞቃዲሾ ወረራ ጋር ሙሉ ሕዝብን አስተባብረው የታላቅነት ድርሻውን ተወጥተዋል፡፡ ከሰሜኑ የአገራችን ወገን ጋር የነበረውን የቅራኔ አያየዝ አቅምም እውቀትም ስላልነበረው ለዛሬዋ ኢትዮጵያ ክፉ ሁኔታ የደርግና ኮ/ል መንግሥቱ ድርሻ ብዙ እንዳለበት መካድ አይቻልም፡፡ ይሁንና ከአፄዎቹ ደርግና በእስከ ዛሬም የተተበተቡ የመፍቻ ቁልፍ ያልተገኘላቸው የሕግ የበላይነት፣የዴሞክራሲ ጥያቄ የሀብት አስተዳደር ፈትሃዊነት ጥያቄዎች ከ40 እና ከ50 ዓመታት ጀምሮ መላ ኢትዮጵያውያን እየታገሉለት ይገኛሉ፡፡ ከ1936 የወያኔ የቀዳሚ ወያኔ ትግራይ ገበሬዎች አመፅ፣የባሌ ገበሬዎች (ኢጆሌ ባሌ) እና በጅማ ገበሬዎች ትግል፣የኢትዮጵያ ተማሪዎች ትግሎች ሁሉ አልሰመሩም እንጅ የታላቅነት መፍጠሪያ ማጠናከሪያዎች የነበሩ ነበሩ፡፡ በቁጭት መክነው ቀሩ እንጂ፡፡ የኢትዮጵያን ታላላቆች ዛሬ ዛሬ አንዳንዶች በተሳሳተ ሥሌት ወይም የኢትዮጵያውያንን የረጅም ዘመቻ የትግል ታሪክ ለመካድና ለማስነሳት ቢያንስ ቢያንስ (በኢህአዴግ) ዘመን ስለዴሞክራሲ ስለብዙሃን ፖለቲካ ፓርቲዎች ማሰብ ከጀመርን 19 ዓመታት ቢሆንም ብሎም ሀቁ ግን የእነ ኢህአፓ ሕወሓት፣ኦነግ፣ኦብነግ፣መኢሶን፣ወዝሊግ አብዮታዊ ሰደድ ማሌድ፣ኢጭአት ፓርቲዎች ከ1964-1972/3 እና ከኢሰፓእኮ በኋላም ኢሠፓ ተቀረጣጥፎ እስከተበላበት ዘመን ድረስ የነበሩትን ትግሎችና በእስከ ዛሬም በተለያዩ ሁኔታዎች እየተደረጉ ያሉት እልህ አስጨራሽ ትግሎች የታላቅነት ማሳያ መስታወቶች ነበሩ፡፡ ናቸውም፡፡ እነዚህ ሁሉ ብዙ ሰማዕታት የተገበረባቸው የሙሉ ኢትዮጵየውያን የትግል መስኮች ተንቋሸውና ዋጋ አጥተው ስለ ዴሞክራሲ፣ስለ ሕግ የበላይነት፣ስለ ብዙሃን ፖለቲካ ፓርቲዎች፣ስለ መሬት ስለገዥዎች ሣይሆን መሬት ለአራሹ፣ስለ ነፃና ፍትሃዊ ምርጫ፣ስለ መልካም አስተዳደር በጥቅሉ ሁላችንም በእኩልነት የምታስተዳድርና የሁላችን አቻ አስተናጋጅ አገር ለመገንባት ሲታገሉ የኖሩ እያሉ ያሉት ሁሉ ታላላቆች ቅቡላንና ቅዱሳን ናቸው ብዬ አስባለሁ፡፡ በተቃራኒው ቅንጣት ያህል ግራም አስተዋጽኦ ሳያበረክቱ እየተሹለከለኩ ጥቅምና ዝና ፈላጊ ትናንሽ ዜጐችም እንደ ነበሩንና እንዳሉን አልዘነጋም፡፡ እነዚህም ሰዎች ናቸው፡፡ ትግላችንን ጠመዝማዛና አሜከላ የበዛበት ያደረጉት ብዬ አስባለሁ፡፡ ዛሬ ዛሬ የተላንቱ ታላላቆቻችን ጥራቶች የዛሬዎች መስዋዕትነቶችን ለማምከንና ባዶ ለማድረግ ታስቦበት በእቅድ ለክፋት ስንማር (በተማሪ) በልዩነት (ሲቪል ሰርቪስ አስቡልኝ የማኛ ካድሬዎች ብቸኛ ት/ቤት በነጥቡ የማይማርበትን) ተምረን ስንቀጠር (ስትቀጠር) በልዩነት ዛሬ ማንም ኢትዮጵያዊ አዲስ ለመቀጠር የገዥ ፓርቲ አበል ደጋፊ ተባባሪ መሆን የቅድሚያ ቅድሚያ በተሰጠበት አመራር ዘመን፣አስተሳሰባችን፣አነጋገራችን፣አሠራራችን፣እየ ታወቁና ወደ ትልቅነት ጐዳና እየወሰድን ወይስ በተቃራኒው እያሰብን መሆኑን ለክቡራን አንባብያን ቢተው ይመረጣል፡ ፡ መልሱ ግልጽ አጭር ነውና፡፡ ለማጠቃለል ኢትዮጵያዊ ተላላቆቻችን የተሰውት፣ዕድሜ፣ ጤንነት፣እርጅና ሳያግዳቸው፣ተስፋ ሣያስቆርጣቸው 70 እና 8ዐ ዓመታቸው እየታገሉ ያሉት ከ19 ዓመታት ወዲህ ቢያንስ ቢያንስ ስለ ዴሞክራሲ ስለ ብዙሃን ፖለቲካ ፓርቲዎች ማሰብ ጀምርን የሚሉትን ነጭ ውሾች ማጋለጥ የታላቅነት ማሳያም ነው፡፡ ስለዚህ ኢትዮጵያውያን ከሁሉም ወገን ታላላቆች በበቂ ነበሩ፤ዛሬም አሉን፡፡ ዋናው ችግራችን አንደኛ እንደሰዎች፣እንደ ዜጐች፣እንደ አንድ አገር ልጆች እንከባበር፣መከባበር የቀዳሚ ቀዳሚያችን ይሁን፡ ፡ ሁለተኛ የተከባበረ ወገን መደማመጥ አይቸግረውምና ከአንጅት ከልብ እንደማመጥ፡፡ ሦስተኛ ለሁላችን የመትሆን መብት፣ሀብት ባንክ ታንክ ያላትን ኢትዮጵያ ሁላችንም እንደየሙያችን፣እንደችሎታችን ለመገንባት አዲስ አመለካከት ሊገነባ ይገባል፡፡ አራተኛ ታማኝና ለፈሪሃ እግዚአብሔር፣ለፈሪሃ ሕዝብ፣ለፈሪሃ ሕግ፣ለፈሪሃ ሕሊና፣ለፓርቲያችን ዲስፕሊንና መመሪያ እንዲሆን በአዲሱ አዲስ ዘመንና ዓመት ከገዥው ፓርቲ በጣም ብዙ ሥራ፤ከተቃዋሚዎችም ቀላል ያልሆነ ቅንነትና ትብብር ሊፈጥር ትውልድና ዘመኑ ይማፀናል፡፡ ታላላቆችን ሳታጣ ታላቅነትና ባለ-ፀጋነትን ያጣች ኢትዮጵያ በመከባበር ታላቅ እናድርግ ባለፀጋም እናደርጋታለን፡፡ ይቻላል፡፡ www.andinet.org.et
Page 1 and 2: 2ኛ ዓመት ቅጽ.2 ቁ.10 ፍ
Page 3: 2ኛ ዓመት ቅጽ.2 ቁ.10 ደ
Page 7 and 8: 2ኛ ዓመት ቅጽ.2 ቁ.10 ዜ
Page 9 and 10: 2ኛ ዓመት ቅጽ.2 ቁ.10 የ
Page 11 and 12: 2ኛ ዓመት ቅጽ.2 ቁ.10 ብ
Page 13 and 14: 2ኛ ዓመት ቅጽ.2 ቁ.10 ሰ
Page 15 and 16: 2ኛ ዓመት ቅጽ.2 ቁ.10 ነ

የመሬት ቅርምት ለልማት - Ethiopia: A voice for the voiceless

Create successful ePaper yourself

Delete template?

Save as template?