Create successful ePaper yourself
Turn your PDF publications into a flip-book with our unique Google optimized e-Paper software.
12<br />
fólkavaldir grindaformenn við tveimum eykamonnum skipa fyri grindadrápi í hvørjari hvalvág.<br />
Verður reglugerðin brotin, kemur rætturin uppí, og tann, ið brýtur reglugerðina, fær bót. Landið er<br />
skipað í grindaumdømi, sum í støðum umskarast, tá ið grindin verður skift. Orsøkin er, at frá<br />
gamlari tíð hevur verið miðað ímóti at býta so javnt sum møguligt.<br />
Eingin árlig kvotuveiða er, heldur eingin avmarking, hvussu nógv grind skal verða dripin, men tá ið<br />
sýslumaðurin heldur, at nóg nógv grind er dripin eina ávísa tíð, ber tað til at seta forboð fyri at drepa<br />
grind í einum grindaumdømi. Men tað ber eisini til at bjóða øðrum grindaumdømum grindina, har<br />
longur er ímillum grindirnar, og teimum tí trýtur grind. Hesi grindaumdømi skulu tá gjalda tær<br />
útreiðslur, sum standast av drápinum, til dømis at rudda upp eftir drápið. Tey góðu grindaárini er<br />
vanligt at seta forboð fyri at drepa grind í einum grindaumdømi. Í góðum grindaárum kann forboð<br />
setast fyri at drepa grind í upp móti helminginum av grindaumdømunum frá 14 døgum upp í eitt<br />
hálvt ár, sí eisini bls. 30.<br />
Løgfest grindaveiði<br />
Grindadráp í Føroyum hava óivað verið løgfest líka frá fyrstantíð. Øll mannagongdin í eini grind<br />
hevur enn á døgum støði í hinum gomlu norsku landslógunum, serliga hini Eldru Gulatingslógini,<br />
seinni Yngru Gulatingslógini, til Landslóg Magnusar Hákunarsonar Lógbøtara tók yvir í 1271.<br />
Longu tá hava eftir øllum at døma verið føroyskar serlógir fyri landbúnaðarviðurskifti, og tað sæst<br />
aftur í hini føroysku serlógini Seyðabrævinum frá 1298, ið eitt nú eisini snýr seg um hvalaveiði.<br />
Seinni kom Norska Lóg Kristjans fjórða í 1604, síðan Norska Lóg Kristjans fimta í 1688. Hesar<br />
lógir vóru í gildi til 1832, tá ið grindakunngerðin gjørdist føroysk serlóg. Serlógin er síðan<br />
endurskoðað og lagað til samfelagsmenningina í árunum 1857, 1872, 1909, 1940, 1955, 1986, 1993,<br />
1995 og 1998. Allar lógir og kunngerðir eru savnaðar í einum bóklingi frá ár 2000: Hvalir og grind.<br />
Hvat sigur lógin? Eitt kunngerðar- og lógarsavn. Bóklingurin er tøkur á Føroya Náttúrugripasavni<br />
og kann eisini fáast til vegar frá heimasíðu savnsins (www.ngs.fo).
Change language