GRIND OG GRINDAHVALUR - Stovnurin

6
Aðrastaðni á útbreiðsluøkinum hjá grindahvali liva teir av øðrum høgguslokkasløgum. Tey árini,
nógvur høgguslokkur er, er eisini nógvur grindahvalur, og tey árini, sjógvurin er heitur, er eisini
nógvur grindahvalur. Er eingin høgguslokkur nærindis, tekur grindahvalur serliga svartkjaft og
gulllaks. Undir Nýfundlandi tekur hann makrel.
Hvølpurin sýgur mammuna í 1½–3½ ár, men fer at eta fasta føði, tá ið hann er hálvt árs gamal. Tá
koma tenninar undan, fyrst í undirkjaftinum. Grindahvalur fær 8-12 tenn. Tær eru bendar eitt sindur
afturá, bæði í undirkjaftinum og í yvirkjaftinum, og tær eru 2-3 cm langar. Tannhvalur kastar ikki
tenninar. Yngri hvalur etur smærri høgguslokk og fisk enn teir størru og eldru.
Hvalir í eini grind
Grindir hava møðraveldi, t.e. kvennhvalirnir eru teir, ið stýra grindini og hava ræðið. Meginparturin
av eini grind er skyldir kvennhvalir og avkom teirra av báðum kynjum í øllum aldri. Vanliga eru
tveir triðingar kvennhvalir og bara ein triðingur kallhvalir í grindum, sum hava lagt beinini. Tá ið
grindahvalir verða kvidnir, eru líka nógv kallfostur sum kvennfostur, men í fosturlívinum doyggja
flest kallfostur. Tvey tey fyrstu árini doyggja fleiri kvennhvalir enn kallhvalir, so um tvey ára aldur
eru líka nógvir kallhvalir sum kvennhvalir í eini grind. Síðan doyggja í hvørjum árgangi fleiri
kallhvalir enn kvennhvalir. Tískil varð tann elsti kallhvalurin, ið varð kannaður, bara 46 ára gamal,
men tann elsti kvennhvalurin varð 59 ára gamal. Hesi viðurskifti eru vanlig hjá djórum, sum ganga í
flokki, har kvenndjór er oddadjórið. Tey kalldjór, ið skuldu makast við teimum kynsbúnu
kvenndjórunum, mugu berja seg framat at gerast valdandi makingardjór í flokkinum, t.e. faðir at
leiftunum. Hesir hørðu bardagar millum kalldjórini fáa tey at vikna.
8
9
7
6
10
Ein grind
1
5
1. mynd. Soleiðis er ein miðalgrind samansett. Tilfar úr 40 grindum við 3.128 hvalum frá 1986-1988.
Myndafrágreiðing: 1 (26%) = ókynsbúnir kallhvalir; 2 (1,5%) = kallhvalir í kynsbúningarárum; 3 (10,8%)
= kynsbúnir, men ikki valdskallhvalir; 4 (1,1%) = gamlir, kynsbúnir valdskallhvalir; 5 (20,2%) =
ókynsbúnir kvennhvalir; 6 (3,2%) = kynsbúnir kvennhvalir (uttan serlig eyðkenni); 7 (8,9%) = kvidnir
4
1
3
2