2.Te Drejtat ne Pune - Solidar

More documents

Recommendations

Info

Punës në lidhje me pagën minimale. Kjo do të ndihmojë në rritjen e njohjes rreth rolit dhe legjitimitetit të sindikatave dhe kjo mund të ndihmojë në zhvillimin e marrëdhënieve të vërteta industriale në Shqipëri. Kjo gjithashtu do të sigurojë qëndrueshmërinë afatgjatë të sindikatave. Sindikatat dhe lidhjet e tyre të jashtme Në një vend me një shkallë papunësie të lartë, ku informaliteti në ekonomi është cështje e vazhdueshme, ku administrata shtetërore kontrollon ecurinë e ekonomisë dhe dialogut social dhe ku shoqëria civile është e pazhvilluar, sindikatat duhet të kishin pozicionuar vetëveten si aktori kyc në cështje që lidhen drejtëpërdrejtë ose jo me gjëndjen e punëtoreve. Në fakt, vetëm një bashkëpunim real i të gjithë aktorëve, (institucioneve shtetërore, sindikatave, organizatave të punëdhënesve, OJF-ve të interesit, mediave etj) mund të bëjnë të mundur fuqizimin e strategjive për ta sjellë Punën e Denjë jo vetëm në brëndësi të sektorit të fasoneve, por edhe në çdo sektor tjetër në Shqipëri. Përsa i përket bashkëpunimit të Sindikatave me Shoqerinë Civile, duhet thënë se është thuajse inekzistente. Kjo vjen si pasojë e mungesës së kapaciteteve dhe dëshirës të sindikatave për t’u angazhuar në bashkëpunim me OJF-të e ndryshme dhe për të shkëmbyer praktika dhe eksperienca të mira. Për një kohë të gjatë, sindikatat kanë privuar aktorë të tjerë që të influencojnë sadopak në aspektet e Punës së Denjë duke krijuar një formë monopoli për cdo lloj cështje që ka të bëjë me mbrojtjen e punëtoreve. Nga ana tjetër shoqëria civile nuk ka treguar ndonjë interes të larte në lidhje me cështjen e agendës së Punës së Denjë përvec implementimit të disa projekteve mbi punën informale, shfrytëzimin e punës së grave, pagave të ulta, punën e rënde të vajzave te reja. Sipas sindikatave, media i ka portretizuar negativisht sindikatat. Në shumë raste nuk e theksojnë esencën e problemit që ato ngrejnë ose thjesht i transmetojnë këto lajme gjatë orareve me pak shikueshmeri. Edhe pse marrëdhënia është e pazhvilluar, diskutimi tregon se komunikimi duhet të ërmirësohet duke përdorur mjete të ndryshme të tilla si fletëpalosje, postera dhe faqet e internetit. Për më tepër, sindikatat duhet të përpiqen për të zhvilluar një strategji e cila do t’i ndihmojë sindikatat për të përmirësuar marrëdhëniet e tyre të përgjithshme me mediat. Për shembull një strategji konkrete për të tërhequr mediat e fuqishme mund të zhvillohet në bashkëpunim të ngushtë me shoqërine civile, me grupet e interesit, me organizatat e punëdhënësve dhe institucionet shtetërore. Një hallkë e rëndësishme e cila duhet medoemos të konsolidohet është bashkëpunimi i organizatave sindikale me organizatat e punëdhënësve për të forcuar dialogun dypalësh. Pavarësisht faktit se disa organizata punëmarrësish kanë kapacitete më të mëdha, ato janë po aq të copëzuara dhe jo bashkëpunuese me njëra-tjetrën ashtu si edhe organizatat sindikale. Gjithsesi, një bashkëpunim i frytshëm mes këtyre aktorëve do të sillte përmiresim të situatës së fabrikave dhe punëtorëve në këtë sektor dhe me mundësi për zhvillimin e marrëdhenieve industriale ne vend. Rekomandimet për Sindikatat • Tarifa e paguar nga punëtorët për sindikatat nuk duhet të mblidhen vetëm përmes punëdhënësit, por sindikatat duhet të përfshihen në këtë proces. Më tej, sindikatat duhet t’u mundësojnë punëtorëve për të marrë pjesë në të gjitha nivelet e organizimit të sindikatave në mënyrë që të rrisin nivelin e brendshëm të demokracisë. • Fokusi i dialogut social dhe marrëveshjet kolektive nuk duhet të jenë vetëm në lidhje me rritjen e pagës por edhe për reduktimin e kohës së punës jashtë orarit dhe në përmirësimin e kushteve të punës. • Strategjitë duhet të formulohen në bashkëpunim me aktorë të tjerë si media, shoqëria civile, institute kërkimore dhe 14 | Puna e denje: industrine e fasoneve ne Shqiperi
universitete. Ky bashkëpunim mund të ndihmojë në rritjen e kapaciteteve të sindikatave. • Për të përmirësuar imazhin e tyre në opinionin e publikut, sindikatat duhet të përpiqen të organizojnë rregullisht" jour fixe" (p.sh. çdo tre muaj) ku të përfshihen së bashku KSSH dhe BSPSH. Në këto evenimente, duhet të paraqitet puna e tyre në çështjet me interes të gjërë të publikut (duke përfshirë edhe të drejtat e femrave), duke treguar vlerën e tyre. Përveç kësaj do të ishte e dobishme të organizohen aktivitete të ndryshme për të rritur informacionin e publiku te gjerë, që rrisin vetëdijen, sidomos kur bëhet fjalë për punëtorët dhe të drejtat e tyre. • Për të rritur rolin e gruas në shoqëri (në drejtim të pavarësisë së tyre ekonomike, marrjen pjesë në vendimarrje dhe rritjen e pjesëmarrjes së tyre) do të ishte shumë e dëshirueshme nëse sindikatat dhe organizatat jo-qeveritare, te cilat punojnë për të drejtat e grave, do të ndanin më shumë eksperiencën dhe ekspertizën me njëratjetrën, duke bashkëpunuar më shumë. • Sindikatat duhet të kërkojnë zbatimin e dispozitave të veçanta për krijimin e Gjykatave të Punës siç përcaktohet në Kodin e Punës. Rekomandime për Qeverinë Shqiptare • Së pari, Qeveria duhet të ndryshojë perceptimin e saj se sindikatat janë aktorë të parëndësishëm dhe se ato mund të jenë lehtësisht të anashkalueshëm. Për të arritur këtë, Qeveria duhet të promovojë dhe mbështesë rolin e sindikatave si partnerë duke i dhënë përgjegjësi sindikatave për çështje që prekin direkt ose indirekt interesat e punëtorëve. Përveç kësaj, qeveria duhet të luajë një rol aktiv në mbrojtjen e sindikatave nga abuzimet e organizatave të punëdhënësve. • Së dyti, ajo duhet të zvogëlojë numrin minimal të punonjësve të nevojshëm për të formuar një organizatë bazë brenda një kompanie, nën 20 punetorë, duke ndryshuar Kodin e Punës. Kjo do të rrisë përfaqësimin e punonjësve në ndërmarrjet e vogla. • Se treti, përveç kësaj, sipas sindikatave, drafti përfundimtar për ndryshimin e Kodit të Punës të Republikes së Shqipërisë duhet të rishikohet me qëllim që të pengojë largimin e padrejtë nga puna të punëtorëve. Barra e provës duhet të jetë përgjegjësi e punëdhënësit dhe jo e punëtorëve. Më tej, duhet të futet një dispozitë e cila do të rimarrë në punë punonjësit e mëparshëm në rastet e shkarkimit të padrejtë nga puna. Gjithashtu, nenet 141 dhe 143 duhet të përfshijnë një dispozitë shtesë sipas së cilës punëdhënësi është i detyruar të japë një shpjegim të arsyetuar për shkarkimin nga puna - edhe në rastin kur është respektuar periudha e njoftimit sipas ligjit përkates. • Së katërti, Qeveria duhet të krijojë Gjykatën e Punës siç përcaktohet në Kodin e Punës të Republikes së Shqipërisë prej vitit 2003 dhe Qeveria duhet të sigurojë funksionimin efikas të Gjykatave të arbitrazhit që shqyrtojnë cështje me shkelje të të drejtave sindikale. • Së pesti, është i rëndësishëm themelimi i Këshillit Ekonomik dhe Social si një organ i pavarur konsultativ, si një forum për të promovuar pjesëmarrjen e shoqërisë civile në jetën ekonomike dhe sociale dhe për të zhvilluar dialogun civil në vënd. • Së gjashti, në lidhje me votat e Këshillit Kombëtar të Punës duhet të bëhet një ndryshim i rëndësishëm duke i dhënë dy konfederatave sindikale fuqinë e vetos. Kjo do të parandalojë që vendimet të cilat ndikojnë drejtpërdrejtë tek të drejtat e punëtorëve të merren pa patur mundësinë e sindikatave për të ndërhyrë. 15 | Puna e denje: industrine e fasoneve ne Shqiperi
Page 1 and 2: Briefing #39 Puna e denje: industri
Page 3 and 4: Shkurtime dhe akronim BSPSH: EC: EU
Page 5 and 6: 1. Industria e Fasoneve Industria e
Page 7 and 8: 2.Te Drejtat ne Pune Nisur nga fakt
Page 9 and 10: pajisjet e nevojshme. Më tej, deri
Page 11 and 12: 4. Sindikatat Dialogu social ësht
Page 13 and 14: 5. Te Drejtat e Grave Një nga tipa
Page 15: 7. Konkluzione dhe Rekomandime Pava
Page 19 and 20: • Më tej, BE-ja duhet të siguro
Page 21: Ministria e Ekonomise, Tregetise dh

2.Te Drejtat ne Pune - Solidar

You also want an ePaper? Increase the reach of your titles

Delete template?

Save as template?