Muqdisho:Yaa Masuulka Ah Dhiiga Ku Daadanaya ? - Somali Talk
Muqdisho:Yaa Masuulka Ah Dhiiga Ku Daadanaya ? - Somali Talk
Muqdisho:Yaa Masuulka Ah Dhiiga Ku Daadanaya ? - Somali Talk
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
AXAD 1 MARCH 2009 ILAYS NEWSPAPER 7<br />
<strong>Somali</strong>ya: Sun Ma lagu Aasay?<br />
‘’Maxaa Loo dilay Ilaria Alpi’<br />
Qaybta 6aad<br />
Tarjumadii: <strong>Somali</strong><strong>Talk</strong>.com | Janaayo 2009<br />
Waalidka weriyaha la diley ayaa<br />
iyaguna ka shakisan Marocchino<br />
sida uu sheegay weriye Mr.Maren<br />
oo yiri<br />
“Wixii ugu dambeeyey oo Giorgio Alpi<br />
(aabihii gabadha la diley) uu igu yiri<br />
markii aan gurigiisa ka sii baxayey<br />
waxay ahayd in uu ka shakisan yahay<br />
Giancarlo Giancarlo in uu si uun<br />
uga dambeeyo dhimashadii gabadhiisa.”<br />
Mr. Maren waxa uu intaas ku daray<br />
waxaan marar badan ku celciliyey<br />
Video-gii laga duubay goobtii dilku<br />
ka dhacay, waxaana sawirada Video-gu<br />
muujinayaan Giancarlo Marocchino<br />
oo ka mid ah dadkii ugu<br />
horeeyey ee yimid goobta dilku ka<br />
dhacay. Taas lama yaabin, ayuu yiri<br />
weriyuhu, laakiin Giancarlo inta uu<br />
kaamaarada eegay ayuu yiri:-<br />
“Waxay joogeen meel ay ahayd in<br />
aysan iman.”<br />
Jiilaalkii 1993, nin ganacsade Talyaani<br />
ah oo ah Giancarlo Marocchino<br />
ayaa waxaa <strong>Muqdisho</strong> ka qabtay<br />
ciidamada Maraykanka ee sida<br />
gaarka u tababaran ee Rangerska,<br />
waxayna su’aalo weyiinayeen<br />
muddo shan maalmood ah, kaddibna<br />
waxay u tarxiileen Talyaaniga.<br />
Waxaa la sheegay in Admiral Howe<br />
uu ninkaas (Marocchino) uga shakiyey<br />
in uu hub gaarsiinayey Caydiid,<br />
waxana loo tixgeliyey cadaw shacab.<br />
Laakiin Odayaasha Beesha iyo<br />
Cali Mahdi - oo cadaawadi ka dhaxaysay<br />
Caydiid - ayaa waxay warqad<br />
u direen Howe iyagoo sheegay in ay<br />
Marocchino ay u tixgelinayaan sidii<br />
wiilkooda, iyagoo tilmaamay in xaaskiisu<br />
ay tahay haween Soomaali ah,<br />
waxayna sheegeen in Soomaalida<br />
oo keliya ay xaq u leeyihiin in ay<br />
tarxiilaan. Ugu dambayntii Marocchino<br />
waxaa loo ogolaaday in uu<br />
ku soo laabto Soomaaliya.” Sidaas<br />
waxaa bogga 140-aad ku qoray Jonathan<br />
Stevenson buugiisa Gacanka-bixidii<br />
<strong>Muqdisho</strong>. Admiral Howe<br />
waxa uu ahaa ergeygii gaarka ahaa<br />
ee Soomaaliya u joogey Xog-hayahii-Guud<br />
ee Qaraamada Midoobey<br />
Boutros-Qaali intii u dhaxaysay<br />
March 9, 1993 - February 1994 oo<br />
uu is casilay.<br />
Alpi ka hor intii aan la dilin waxay<br />
<strong>Muqdisho</strong> waraysi kula yeelatay Cali<br />
Mahdi, waxayna su’aashii u horeysey<br />
ay weydiisey ahayd “MADAX-<br />
WEYNE ma ii sharaxi kartaa sida<br />
ay tahay Xaaladda Waqooyiga<br />
<strong>Muqdisho</strong>.” Cali Mahdi waxa uu ugu<br />
jawaabey “Woqooyiga <strong>Muqdisho</strong><br />
dhammaan waa deggan tahay,<br />
Giancarlo Marocchino oo jooga<br />
goobtii dilka Alpi.<br />
mana jiraan wax dhibaatooyin ah.”<br />
Waraysigaas waxaa laga sii daayey<br />
Telefishanka dalka Talyaaniga ee<br />
RAI markii la diley weriyaasha 1994.<br />
Guddiga Baaritaanka ee Baarlamaanka<br />
Talyaaniga ayaa waxay<br />
Cali Mahdi weydiiyeen in xiriir shaqo<br />
ay dhex martay isaga iyo Muunye.<br />
Waxana uu ugu jawaabey in aan<br />
weligood xiriir dhex marin isaga iyo<br />
Muunye. Waxaa markaas la weydiiyey<br />
“ In ay jiraan warar la isla dhex marayey<br />
Soomaaliya dhexdeeda, oo<br />
ah in dilkii weriyaashii Talyaaniga<br />
ay salka ku hayaan qorshahii weriyaashaasi<br />
ay ku tageen Boosaaso<br />
oo ay booqdeen Markabka “21-ka<br />
October” ee kalluumaysiga oo ay<br />
qabsadeen maleysiyo SSDF, waxaana<br />
weriyaasha markabka ka soo<br />
qaadeen sawiro. Waxa kale oo weriyaashu<br />
soo ururiyeen xog ku saabsan<br />
sidii markabka loo qabsaday<br />
iyo sida khaldan ee loo adeegsado<br />
Mashruuca Mucaawinada ee dawladda<br />
Talyaaniga”,<br />
waxaana Cali Mahdi la weydiiyey in<br />
uu arrimahaas maqlay.<br />
Cali Mahdi waxa uu ku jawaabey: in<br />
uu maqlay in Muunye uu bixiyey lacag<br />
dhan $600,000 (lix boqol oo kun<br />
oo doolar) si loogu siidaayo Markabka.<br />
Waxaa markaas la weydiiyey sida ay<br />
ku ogaadeen in<br />
“Afar kiilomitir la soo daba galay weriyaasha<br />
la diley ilaa ay ka soo gaareen<br />
Amana (Hotel).”<br />
Waxa uu Cali Mahdi ku jawaabey<br />
‘’ Maalintaas anigu waxaan joogey<br />
Nairobi, waxaan wacay <strong>Muqdisho</strong>,<br />
waxaana la hadlay Caddow. Waxaan<br />
weydiiyey sida wax u dhaceeen.<br />
Waxay ii sheegeen in laba qof lagu<br />
diley Amana (Hotel) hortiisa. Waxaan<br />
weydiiyey in ay halkaas degganaayeen<br />
iyo in kale. Waxay markaas<br />
ii sheegeen in aysan deganayn hoteelkaas<br />
balse ay ka yimaadeen<br />
Saxafi (hotel) oo ku yaal Koonfurta<br />
Muqdosho, waxaana soo daba galay<br />
gaari Land Rover ah oo midab kiisu<br />
yahay buluug.<br />
Cali Mahdi waxaa kale oo la weydiiyey<br />
waxa uu ka oranayo qoraal ay sirdoonka<br />
Talyaaniga ee SISMI qoreen<br />
21-kii Maarso 1994 oo ahaa: “Xaaska<br />
Cali Mahdi, Nuurta, markii aan la kulmeen<br />
waxay sheegtay aragtideeda<br />
ku aaday dilkii labada weriye in uu<br />
ahaa mid ay ka dambeeyeen Kooxaha<br />
Islaamiga ah ee xag-jira si ay<br />
u sameeyaan carqalad ku aadan reer<br />
Galbeedka.” Waxay Nuurto intaas ku<br />
dartay<br />
“in (weriyaasha) la daba joogey ilaa<br />
markii ay 17-kii (Maarso 1994) ka<br />
soo laabteen Boosaaso. Dadka dilka<br />
geysteyna ay ka yimaadeen Waqooyiga<br />
<strong>Muqdisho</strong> iyo in dad badan oo<br />
Soomaali ah ay lacag ka qaataan<br />
Xag-jirayaasha iyo <strong>Somali</strong>land, si loo<br />
carqaladeeyo nabadda <strong>Muqdisho</strong>.”<br />
Cali Mahdi waxa uu hadalkaas kaga<br />
jawaabey<br />
‘’Inay 1994 Nuurto ahayd xaaskiisii,<br />
lakiin hadaladda ay ku hadashay ay<br />
ahaayeen waxba kama jirin oo ay yihiin<br />
mala-awaal.’’<br />
Waxaa markaas la weydiiyey<br />
“maxaa sababay in xaaskaagii ay<br />
sidaas tiraahdo”.<br />
Cali Mahdi waxa uu yiri: “<br />
‘’Ma garanayo, anigu waxaan ahayd<br />
Cali, iyaduna waa Nuurta. Si kastaba<br />
ha ahaatee hadalkaasi run ma ahan,<br />
ma aha run,” ayuu hadalka ku adkeeyey<br />
Markabkii “21 Oktobar” oo July<br />
2007 kusoo caariyey xeebta Garacad...<br />
Cali Mahdi waxaa la tusay ama loo<br />
akhriyey qoraal ay qortay hay’adda<br />
sirdoonka ee SISDE 3-dii September<br />
1997, qoraalkaas waxaa ka mid<br />
ahaa:<br />
“March 1993 in ay jireen ururro dembiilayaal<br />
caalami ah oo ka hawl gala<br />
dhulal caalami ah, kuwaas oo daabula<br />
waxyaalo sharci darro ah. Ururradaas<br />
oo xiriir la leh wasiirkii arrimaha<br />
dibbadda ee madaxweynahii<br />
Soomaaliya Cali Mahdi oo magaciisu<br />
yahay Xaaji Maxamed Xaashi<br />
Cigaal.” Arrintaas Cali Mahdi waa ku<br />
gacan sayray.<br />
Waxaa markaas la weydiiyey in uu<br />
ogyahay in Muunye Siciid Cumar<br />
(Muunye) la kulmay King Kong (Boqor).<br />
Waxa uu Cali Mahdi ku jawaabey<br />
“Haa, waa ogahay”.<br />
Waxaa markaas la weydiiyey in uu<br />
ka war hayo in Alpi ay Boosaaso waraysi<br />
kula yeelatay Boqorka. Waxa<br />
uu Cali Mahdi ku jawaabey<br />
“kama war hayo taas”.<br />
Waxaa markaas la weydiiyey: waxaad<br />
ka warhaysaa in hub lagu qaaday<br />
maraakiibta SHIFCO ee Muunye,<br />
kamana war haysid arrintan<br />
waraysiga miyaa? Waxa uu yiri<br />
“Maya.”<br />
Waxa markaas Cali Mahdi la weydiiyey<br />
in uu ka war hayo in Dawladda<br />
Talyaanigu ay baaritaan samaysay<br />
iyo in isaga lagala soo xiriiray Xarunta<br />
Dhexe ee Booliska Talyaaniga<br />
ee magaalada Udine.<br />
“Waxaan u malaynayaa inaan arrintaas<br />
ka maqlay Qareenkayga,<br />
Stefano Menicacci,” ayuu yiri Cali<br />
Mahdi.<br />
LA SOCO CADDADKI XIGA